Problemau bysellfwrdd

[Kez]

Alliff rhywun fy nghynghori i os gwelwch yn dda.

Collas i hannar gwydrid o lath dros y bysellfwrdd ar fy nghliniadur ddydd Mawrth ac ma fe'n hollol fucked ers 'ny. Ifi wedi bratu £14.99 ar ryw hylif keyboard cleaner ond ma fe dal yr un ffycin peth.

Heddi, prynas i bysellfwrdd arall am £6 yn PC World ac ifi wedi wpo hwnnw miwn i'r USB port ac ifi'n cal teipo pethach nawr ond mae ymyrraeth orwth y bysellfwrdd ar y gliniadur. Ma'r llythyren 'h' yn lico dod lan a sdim stop arno sbo'n cyrradd gwaelod y dudalen ac mae'n mynd really gloi. Mae'n cymryd oes ifi sgrifennu unrhywbeth os yw hwnnw'n ymddangos. Ma'r gluniadur yn gwneud swn brrrrrrrrrr weithia hefyd nes sbo fi'n gwasgu PageUp idd'i stopid e, ac ma hwnna'n ffycin irritating.

Oes bosibl cywiro hyn ne bydd raid ifi iwso'r bysellfwrdd newydd am byth - hynny yw odi fy nhliniadur i'n buggered nawr. Byswn i'n ddiolchgar iawn am unrhyw help ne gyngor. Fi'n cal really shitty wthnos ers i Michael farw; etho i dynnu £10 mas o 'r peiriant arian nos Sul ond gwasgas i'r botwm £100 mewn camgymeriad ac odd dim digon o arian 'da fi yn y banc wedyn i dalu direct debit odd i ddod mas ddydd Llun, felly dyna ffein off Nationwide ac man nhw codi £39 am hwnna - felly wi ddim isha talu am drwsho'r gliniadur, ifi jwst moyn iddo fe witho fel odd e.

Diolch

[Hogyn o Rachub]

Paid ag yfad llefrith?

[Kez]

Fi'n gwpod 'ny Hogyn ond nage y teip 'na o gyngor on i'n moyn - wi byth yn ifad llath fel arfar ond dyma fi'n slipo dydd Mawrth a 'co fi mewn twll nawr na wn i'm shwt mae dod mas o ge. Mae alcohol yn yr hylif keyboard cleaner a 'swn i wedi stico at sidir a cholli hwnna drost y ffycin bysellfwrdd, efallai bysa popith yn iawn. Dyna wers galad ifi ddysgu. Mae'r Sais yn gwed rwpath fel 'no use crying over spilt milk' - wel, fi alla i weud wrtho ti, w inna yn llefin ac a gwed y gwir, ifi'n ffycin distraught. Costws y ffycin mashin 'na drost dri chant punt ifi, ac ifi ddim yn ennill lot ac heb obith caneri pyrnu un arall am sbelan hir

[dafydd]

Wyt ti'n gallu tynnu'r botymau i ffwrdd o'r bysellfwrdd? Fe ddyle nhw jyst popio fyny. Mi fydde hynny yn gwneud hi'n haws i'w lanhau. Cyn eu tynnu nhw gyd, gwna nodyn o pa fotwm sy'n mynd lle, neu cymra lun o'r bysellfwrdd!

Dewis arall fydde dadwneud y sgriws ar waelod y gliniadur - fe ddylai'r cas ddod yn rhydd wedyn a fe alli di dynnu'r bysellfwrdd allan. Fe fydd rhuban plastig yn cysylltu'r i'r gwaelod a falle cebl arall - alli di dynnu hwnna allan er mwyn cael y bysellfwrdd allan a'i lanhau gyda'r alchohol. Mae'n siwr fydd rhyw gymysgedd o lath/gwallt/briwsion o dano.. ych!

[Hedd Gwynfor]

Kez, mae'n swnio i fi (os wy wedi deall yn iawn) fel bod y ddau fysellfwrdd yn weithredol ar yr un pryd, ac mae'r allwedd 'h' wedi stico ary bysellfwrdd sy'n rhan o'r gliniadur o bosib. Er mwyn ei gael i weithio'n iawn am y tro gyda'r bysellfwrdd newydd sydd arwahan,mae siwr o fodangen troi yr hen fysellfwrdd bant. Cer i Cychwyn > Gosodiadau > Panel Rheoli > Bysellfwrdd > Caledwedd a falle bydd modd troi y'r hen fysellfwrdd bant?

Ond paid beio fi os ma' pethe yn mynd o'i le...

[Kez]

Diolch Dafydd ond fi drias i dynnu'r botymau mas ond dyn nhw ddim yn shiffto ac os bydda i'n tynnu'n galetach, wi'n ofan byddan nhw'n torri. Fujitsu siemens yw fy nghliniadur - ife' r mec 'na yw pam bo nhw ddim yn popo lan? Dotas i gyllath o dan un un ochr y bysellfwrdd - yr ochor gyda'r botwm delete arno a llwyddo i lanhau bach o dano ond odd gweddill y bysellfwrdd ddim yn dod yn rhydd yn iawn, felly eto i gyd own i'n ofan treial cal y gweddill lan rog ofan byswn i'n bygro popith lan

Fel ma'n digwdd, y peth cynta own i'n meddwl neud odd dadsgriwo'r gwaelod ond dim ond dou sgriw own i'n gallu cal mas - odd y gyllath yn dychra strywo'r threads ar y rhai erill, felly roais y gorau iddi ond fi af miwn i'r siop DIY gida'r sgriws sy 'da fi a gofyn am sgriwdreifar sy'n gallu neud y job yn iawn.

Diolch Daf - odd bois yn y gwaith yn gwed wrtho i bido a dadsgriwo dim, ac own i'n meddwl ar y pryd bo nhw ddim yn deall dim. Ma dadsgriwo'r peth i weld y peth mwya obvious i neud, ac ma digon o'r keyboard cleaner ar ol ifi roi gwd washing i residue y llath sydd bown o fod na. Diolch o galon iti boi - own i'n meddwl bo fi'n iawn

[Kez]

Kez, mae'n swnio i fi (os wy wedi deall yn iawn) fel bod y ddau fysellfwrdd yn weithredol ar yr un pryd, ac mae'r allwedd 'h' wedi stico ary bysellfwrdd sy'n rhan o'r gliniadur o bosib. Er mwyn ei gael i weithio'n iawn am y tro gyda'r bysellfwrdd newydd sydd arwahan,mae siwr o fodangen troi yr hen fysellfwrdd bant. Cer i Cychwyn > Gosodiadau > Panel Rheoli > Bysellfwrdd > Caledwedd a falle bydd modd troi y'r hen fysellfwrdd bant?

Ond paid beio fi os ma' pethe yn mynd o'i le...

Ti'n rhy hwyr nawr Hedd - ma Dafydd wedi egluro ifi shwt ma neud e. Fi drias i ffono ti echddo am gyngor ond dath rhyw lais babi yn gwed if 'adael neges'.

Fel ma'n digwdd, trias i ddatgysylltu'r bysellfwrdd ar y gliniadur, trwy ddilyn y camau ti'n nodi, ac odd rhyw neges yn gwed bo fe wedi neud ac odd rhaid ifi ail-ddechrau'r cyfrifiadur. Er hynny, odd e heb neud - falla bo dim modd datgysylltu'r ffycar ar liniadur

[Hogyn o Rachub]

Dwi dal yn meddwl 'na 'nghyngor i sydd ora

[Kez]

Dwi dal yn meddwl 'na 'nghyngor i sydd ora

Ia, ond cyngor codi pais ar ol pisho odd hwnna Hogyn

[Hogyn o Rachub]

Y math gorau i'w roi, a'r math gwaethaf i'w dderbyn, heb os