Smotyn Du ar y sgrin

[Hen Rech Flin]

Y mae sgrin fy nghyfrifiadur wedi magu dau smotyn du yn fwyaf sydyn. Tua phythefnos yn ôl yr oeddynt yn faint pen pin, ond bellach y maent wedi tyfu i tua 6cm ar draws y canol, ac maen nhw'n dal i dyfu.

Oes unrhyw un yn gallu awgrymu be sydd wedi achosi'r smotiau?

A oes modd eu trwsio, neu a bydd rhaid imi brynu sgrin newydd?

[ceribethlem]

Ife screen LCD yw e?
Os taw e' mae'n swno fel pe bae niwed difrifol wedi ei wneud i'r screen, ac fod y crisialau ddim yn ymateb i stimwlws bellach. Fi'n ofni fod dy sgrin ar fin marw a fod eisiau un newydd arnat.
Gobeiethio fod rhywun mwy gwybodus na fi yn gallu dweud fy mod yn anghywir a'i achub, ond dwi'n ofni;r gwaethaf.

[Hen Rech Flin]

Diolch Ceri. Ie, un o'r pethau fflat na sydd gennyf! Diolch byth, dim ond 10 mis oed ydyw a dal dan warant a gan hynny yr wyf yn gobeithio bydd modd cael un newydd heb dalu.

Ond be sy'n ei achosi? Prin fod werth cael sgrin newydd sbon danlli o dan y warant os bydd yn marw, yn yr un modd, mis Mai nesaf pan fydd y warant wedi dod i ben.

Rwyf wedi bod yn ystyried prynu teledu LCD HD, ond os ydy'r smotyn du yn broblem cyffredinol, onid gwell bydd aros efo’r hen deli-diwb-mawr?

Mae'r smotyn mwyaf wedi magu hanner cm ers imi bostio'r cwestiwn gwreiddiol - mae ei weld yn tyfu fel gwylio ffilm arswyd o'r 1980au! A fydd y smotyn yn ehangu allan o sgrin fy nghyfrifiadur ac yn dechrau duo'r cyfan o'm mywyd?

[ceribethlem]

Diolch Ceri. Ie, un o'r pethau fflat na sydd gennyf! Diolch byth, dim ond 10 mis oed ydyw a dal dan warant a gan hynny yr wyf yn gobeithio bydd modd cael un newydd heb dalu.

Ond be sy'n ei achosi? Prin fod werth cael sgrin newydd sbon danlli o dan y warant os bydd yn marw, yn yr un modd, mis Mai nesaf pan fydd y warant wedi dod i ben.

Rwyf wedi bod yn ystyried prynu teledu LCD HD, ond os ydy'r smotyn du yn broblem cyffredinol, onid gwell bydd aros efo’r hen deli-diwb-mawr?

Mae'r smotyn mwyaf wedi magu hanner cm ers imi bostio'r cwestiwn gwreiddiol - mae ei weld yn tyfu fel gwylio ffilm arswyd o'r 1980au! A fydd y smotyn yn ehangu allan o sgrin fy nghyfrifiadur ac yn dechrau duo'r cyfan o'm mywyd?

O'r hyn wy'n deall, niwed i'r sgrin sy'n ei achosi. OS wy'n cofio'n iawn mae'n meddwl fod y crisialau yn dechrau cwympo mas o'u lle, ac yna does dim yn cadw'r gweddill yn eu lle. Gan fod y sgrin dan warant, does dim gormod o broblem. Wyt ti wedi gwglo gwneuthuriad dy sgrin i weld os yw'n broblem cyffredin? Os ydyw wedyn gofyn i newid i sgrin gwneuthuriad gwahanol pan yn mynd nol am y warant.
Mae nifer o sgrinau LCD gyda fi, gan gynnwys teledu HD LCD (fel i ti grybwyll cael), heb gael unrhyw broblemau gyda nhw. Mae manteision i LCD yn fawr dros yr hen deledu tiwb, o ran mae'n cymryd cryn dipyn llai o le ac yn defnyddio lot llai o egni. Mae biliau trydan wedi cwmpo lot gyda fi ers newid o teledu tiwb i LCD.

[Duw]

Yn anffodus, mae LCDs cyfrifiaduron yn tueddu dioddef o'r broblem hon. Gall ddigwydd 'yn naturiol' dros amser - stim wastod angen ergyd. Unwaith iddo ddechre, tueddu gwaethygu mae'r diawl. Stim ffordd o'i drwsio dwi'n gwybod amdani. Gyda gwarant posib y geid di well fersiwn beth bynnag.

Nawr dwed y gwir HRF, a oeddet ti'n gweld y gwarant yn dod lan a phenderfynu taflu cans cwrw gwag at y sgrin?

[Hen Rech Flin]

Nawr dwed y gwir HRF, a oeddet ti'n gweld y gwarant yn dod lan a phenderfynu taflu cans cwrw gwag at y sgrin?

Sht! Paid a son am bethau felly rhag ofn bod y gwarantydd yn aelod o'r Maes. Dim ond caniau gweigion byddwn yn taflu at y cyfrifiadur wrth reswm - ond mae ôl caniau llawn ar fy sgrin

[dafydd]

Mae'n werth gwario ychydig bach fwy ar sgrin LCD i gael gwarant 3 blynedd (neu fwy). Mae digon o frandiau da ond rhad i'w gael fel LG, Viewsonic neu Iiyama. Mae yna rhai cwmniau fel Philips yn cynnig gwarant "dim picsel marw" ar rai modelau drutach ond mae'n bosib nad oes angen hynny ar gyfer defnydd cyffredinol.

[Macsen]

Roeddwn i'n meddwl mai trafodaeth am Undodwyr oedd hwn cyn agor yr edefyn!