Mandrake Linux 9.2

[Rhoslyn Prys]

Erbyn hyn mae Mandrake Linux 9.2 wedi ei ryddhau. Mae modd cael gafael ar gopi ohono ar flaen rhifyn Rhagfyr 2003 o Linux Format LXF47. Os oes gennych gysylltiad cyflym bydd modd cael gafael ar y ffeiliau ISO i'w llosgi i CD cyn hir a phecynnau masnachol erbyn diwedd y mis. Mae'r cyfan i'w weld ar safle http://www.mandrakelinux.com.

Mae’r rhyddhad ar gael yn Gymraeg ac yn cynnwys Gnome 2.4 Cymraeg. Mae modd trosi'r porwr gwe Gwe-lywiwr i'r Gymraeg drwy ymweld â safle http://www.gwelywiwr.org.

Wrth osod Mandrake Linux ar eich cyfrifiadur dewiswch Europe>Cymraeg ar y sgrîn Language. Bydd gweddill y rhaglen osod a meddalwedd cynhenid Mandrake yn ymddangos yn Gymraeg.

Y gobaith ar gyfer y dyfodol fydd cynyddu'r swm o Gymraeg ar gyfer y fersiynau gwahanol o Linux fel bo modd gweithio o fewn awyrgylch cyfrifiadurol Cymreig.

Bydd gwybodaeth pellach i'w gael oddi ar safle http://www.meddal.org.uk cyn bo hir...

[sbwriel]

ma mandrake wedi dod mas a fersiwn CD-Byw, sef OS sy'n llwytho'n syth o'r CD - does dim angen cael Dreif caled ac mae'r rhaglen yn 'detecto' pob darn o caledwedd....a gan taw mandrake linux yw e, mae'n hawdd ei defnyddio.



Ceisia weithio ar fersiwn cymraeg o hwna, ac mi fyddai'n llwyddiant ysgubol dwi'n credu

[cymro1170]

Roes i Mandrake Linux 9.1 ar fy Laptop - Mi oeddwn i wedi ei dynno fo i ffwrdd o fewn wythnos - methu cael y diawl peth i weithio - neu fi oedd ddiim yn ei ddeallt mwy na thebyg!!

[sbwriel]

ma cael cd byw yn wahanol - maer setup yn cael ei neud yn awtomatig pan chi'n rhoi e i fewn - syn gret - OS cymraeg allech chi gario yn eich poced - pa mor gret fydd hwna?!!

[Rhoslyn Prys]

Mae modd llwytho MandrakeMove oddi ar safle Mandrake gyda chysylltiad cyflym a llosgwr CD neu brynu copi sy'n cynnwys medru defnyddio cof usb i gadw stwff.

Doedd y fersiwn beta ddim yn cynnwys y Gymraeg. Wn i ddim am y fersiwn gorffenedig. Mae'r cyfieithiad ar ei gyfer wedi ei wneud.