pdf ?

[gronw]

dwi fod yn gweithio, ddim yn mwydro yn maes e, ond falle allith rhywun yn helpu i? dwi ddim yn deall cyfrifiaduron!

ma rhywun wedi anfon gwaith cyfieithu i fi ar fformat pdf. dwi'n gallu'i agor e'n iawn (acrobat reader), ond gan mai poster dwyieithog fydd e, dwi angen newid pethe ar y ffeil (=editio). oes na ffordd o neud hyn? mae rwbeth yn dweud wrthai bod mai dim ond agor ffeils mae 'acrobat reader', so oes na rwbeth allai neud heb brynu 'acrobat writer' neu be bynnag?!

falle ddylwn i anfon ebost tebyg i un nic, yn deud "dydy fy nghyfrifiadur i ddim yn golygu ffeiliau pdf, a wnewch chi anfon gwaith yn fformat microsoft word o hyn ymlaen os gwelwch yn dda?"

[Dr Gwion Larsen]

Tria gael acrobat writer? os wyt ti yn gal trwbl anfona gopi i mi a edrychai arno i weld os mae'n bosib i'w wneud

[Al Jeek]

Yn Adobe Acrobat Reader, drws nesa i'r botymau llaw a chwyddwydr ar y bar offer yn y top ma na fotwm T efo bocs torredig bach wrth ei ymyl.
Clicia ar hwnna a pwysa Ctrl-A i ddewis pob dim a Ctrl-C iw gopio. Agor Word neu dy brosesydd geiriau ffefryn arall a pwyso Ctrl-V i bastio cynnwys y ddogfen mewn i dy brosesydd geiriau. Bydd o ddim yn edrych yn union yr un peth ag oedd o fel pdf (bach o golled strwythr), ond fe fydd yn gyfeithiadwy (bydd y cynnwys testun i gyd yna), a'n ddigon hawdd iddyn nhw ei newid nol i pdf o'r ddogfen Word (neu be bynnag) tin danfon nôl atyn nhw.
Os ti angen copio lluniau o pdf i Word, yna defnyddia'r botwm graphics select tool sydd drws nesa i'r un ti newydd ddefnyddio i ddewis bocs o amgylch y llun, ac yna copi a past i fewn i Word.

[Barbarella]

Fel ti di gweithio allan, mae Acrobat Reader 'mond yn gallu darllen ffeiliau (ond mi wyt ti'n gallu copio'r cynnwys craidd i rywbeth arall, fel dywedodd Al Jeek).

Y cyfateb yw jyst Acrobat (neu Acrobat Professional). Ond nid ar gyfer golygu PDFs yw hwnnw (er bod modd gwneud mân newidiadau fel cywirio sillafu), ond eu creu nhw allan o bethau eraill.

Beth yw pwynt PDF de? I drosglwyddo dogfennau gan gadw'r dyluniad gwreiddiol, a hynny mewn ffordd hawdd ei ddarllen (rhan o'r ateb i broblem Nic efo ffeiliau Word!). Bydd y rhan fwyaf o ffeiliau PDF wedi dod o ddogfennau Quark ayyb, a dim ond dylunwyr sydd efo rheiny fel arfer.

Os ti wir eisiau golygu PDFs, mae Adobe Illustrator (fersiwn 10) yn gallu gwneud y job yn berffaith i ti, gan mai dyna yw fformat ffeils Illustrator beth bynnag erbyn hyn. Costus ddo!

[cymro1170]

http://www.globalpdf.com/pdf2word/pdf2word.exe

[gronw]

Diolch fawr i chi am eich help. Dwi wedi copïo'r gwaith i Word nawr (o'n i methu hydnoed neud hynny tan i Al Jeek esbonio). Diolch Barbarella hefyd am yr extra info - pan fydd arian yn y banc rhywbryd, bydd rhaid ystyried prynu meddalwedd falle, ond yn y cyfamser bydd raid iddo fe neud y tro yn Word . Diolch eto!

[Dewin]

ma meddalwedd Pitstop yn medru newid/golygu PDF - ond ma hwn eto tua 400 punt ar ben yr Acrobat llawn...

hmm...