Band eang di-wifr yng Nghaerdydd

[Mihangel Macintosh]

Os rhywun gyda gwybodaeth am y cynllyn hyn? O beth dwi'n deall mae'n cael ei rhedeg gan gwmni yn y ddinas, sy'n codi £100 am ei setio fyny, ac yna mae am ddim. Ond ym mha ardaloedd o Gaerdydd mae'r gwasanaeth hyn ar gael?

[nicdafis]

<a href="http://www.arwain.net/arwain.htm">arwain.net</a> - mae'n edrych yn dda.

Llangrannog nesa!

[huwwaters]

Wwwww! Wi-Fi. 802.11g fydd yr un buddugol yn y diwedd.

Ddaru nhw peilotio'r system yma ym Methesda. Creuodd S4C raglen amdano wedi ei alw'n 'y llwybyr i'r e-fro' neu rhywbeth. Dwi'n gobeithio gosod yr un fath o system i fyny yn fy nhy. yn rhedeg ar 802.11b.

[Mihangel Macintosh]

<a href="http://www.arwain.net/arwain.htm">arwain.net</a> - mae'n edrych yn dda. Llangrannog nesa!

Diolch Nic

[Waen]

Os tasa pawb yn cymeryd y technoleg yma ymlaen fuasa 'na rhwydwaith newydd yn bodoli, h.y. haen arall fel y rhyngrwyd 'newydd', ond heb BT a weddill y telco's

meddylia os tasa pawb yn talu £150 am y 'kit" yn lle talu 12x£14 y mis i freeserve, fuasa y côst am blwyddyn yn debyg, ond fuasa yr ail blwyddyn am ddim gyda 11mb/second (mwyafrif) yn hytrach na 56k ar modem.

fuasa 'na ddim angen ISP's o gwbwl os tasa pawb yn gwneud, a hefyd fuasa fo'n lladd 3G yn syth. Revoloutionary Utopia?

Iawn ta pwy sydd am bwyta'r pringles nhw i gyd?

o.n. mae yna amryw o dolennau yn fama- http://llyn.net

[dafydd]

Os tasa pawb yn cymeryd y technoleg yma ymlaen fuasa 'na rhwydwaith newydd yn bodoli, h.y. haen arall fel y rhyngrwyd 'newydd', ond heb BT a weddill y telco's

fuasa 'na ddim angen ISP's o gwbwl os tasa pawb yn gwneud, a hefyd fuasa fo'n lladd 3G yn syth. Revoloutionary Utopia?

Ymm.. mae dal angen cysylltiadau cyflym i'r rhyngrwyd drwy ISP hyd yn oed a gyfer 'utopia' di-wifr. Mae rhywun rhywle yn talu am y bandwidth, does dim fath beth a cinio am ddim. A mae rhywun rhywle yn gosod caledwedd a edrych ar ol y rhwydwaith byd-eang a gwneud yn siwr fod y pacedi yn mynd drwodd i bob rhan o'r rhyngrwyd. A gesia be.. yr ISPs mawr sy'n gwneud hynny..

Mi alle di greu rhwydwaith fewnol mewn ardaloedd poblog lle fyddai pawb yn siarad ymysg ei gilydd a danfon ffeiliau o gwmpas ar 10Mb/s. Ond cam yn ol yw hynny o weledigaeth y rhyngrwyd... rhyw fath o ghettonet. Mae di-wifr yn ddefnyddiol ar gyfer ymestyn cyrhaeddiad y rhyngrwyd i ardaloedd gwledig ond dyw e ddim yn ateb gwyrthiol i bopeth.

[Waen]

Ymm.. mae dal angen cysylltiadau cyflym i'r rhyngrwyd drwy ISP hyd yn oed a gyfer 'utopia' di-wifr. Mae rhywun rhywle yn talu am y bandwidth, does dim fath beth a cinio am ddim. A mae rhywun rhywle yn gosod caledwedd a edrych ar ol y rhwydwaith byd-eang a gwneud yn siwr fod y pacedi yn mynd drwodd i bob rhan o'r rhyngrwyd. A gesia be.. yr ISPs mawr sy'n gwneud hynny..

Pam bod angen cysylltiad cyflym i'r rhyngrwyd? A pwy ddylswn i talu i ddefnyddio bandwidth di-wifr rhwng cyfrifiadur fi a sawl arall?

Mi alle di greu rhwydwaith fewnol mewn ardaloedd poblog

yn union ..... a mae'n posib cysylltu y rhwydweithiau yma at ei gilydd yn yr un modd.

On i yn meddwl bod y rhyngrwyd yn rhwydwaith o cyfrifiaduron - dyna be dwi'n son am dan ond heb gwifrau BT, Ymestynwch dy ben am ychydig uwchben hyn.

Dim cinio am ddim na rhoid trwyn yn y cafn - creu rhyngrwyd newydd

[dafydd]

Pam bod angen cysylltiad cyflym i'r rhyngrwyd?

Pam fod angen cysylltiad o gwbl i'r rhyngrwyd? Pam fod pobl yn gofyn am band llydan i'w cartref? Nid ar gyfer rhannu ffeiliau gyda Wil drws nesaf ond i gael mynediad i'r rhyngrwyd. Dyna'r unig gymhelliad ar hyn o bryd.

A pwy ddylswn i talu i ddefnyddio bandwidth di-wifr rhwng cyfrifiadur fi a sawl arall?

Wel yn un peth, dyw'r system yma ddim yn scalable. Mae'n iawn ar gyfer fyny at 50 defnyddiwr ond tria ddefnyddio rhwydwaith 10Mbit gyda mwy na 40 neu 50 defnyddiwr i gyd yn trosglwyddo ffeiliau a weli di'r broblem. Mae unrhyw un sydd wedi rheoli LAN 10Mbit wedi gweld y broblem.

On i yn meddwl bod y rhyngrwyd yn rhwydwaith o cyfrifiaduron. Dim cinio am ddim na rhoid trwyn yn y cafn - creu rhyngrwyd newydd

Mae'r un sydd gyda ni yn ddigon da diolch yn fawr. Beth sydd angen gwneud yw ymestyn a datganoli y strwythur sydd ar gael ar hyn o bryd.. mae gormod o'r rhwydwaith a'r pwyntiau cysylltu wedi ei canoli yn y dinasoedd mawr.

[Waen]

Sut ti gwybod bod Wil yn byw drws nesaf?
Ond i bod o difri - Os ti 'mond angen mynediad i'r rhyngrwyd iawn, pawb yn hapus, Ond ar ol cael mynediad ti eisio gwneud be? - cael gwybodaeth oddiar cyfrifiadur arall.

Nid ar gyfer rhannu ffeiliau gyda Wil drws nesaf

pam ddim, a i cael y ffeiliau yna sydd wedi cael ei sgwennu fel html i gweld gyda porwr, a'r mp3's a.y.y.b.
Maer rhyngrwyd yn rhwydwaith o rhwydwaithiau , Ydi hwn yn 'scalable'? be di'r wahaniaeth yma?

Mae'n iawn ar gyfer fyny at 50 defnyddiwr

well dweud wrth penrhyndeudraeth, mae nhw newydd lansio prosiect werth £3.4 milliwn i pobol ochra Blaenau, Port, Harlech, fydd yn cysylltu dros 1,000 o cartrefi gyda'r technoleg yma.

Mae'r un sydd gyda ni yn ddigon da diolch yn fawr

dyna be on i yn dweud am y sinclair spectrum, a Bill Gates pan nath o dweud bod 64Mb o ram yn mwy na digon.

Ond os wyt yn hapus fel ag yr wyt - pob lwc

[dafydd]

Ond i bod o difri - Os ti 'mond angen mynediad i'r rhyngrwyd iawn, pawb yn hapus, Ond ar ol cael mynediad ti eisio gwneud be? - cael gwybodaeth oddiar cyfrifiadur arall.

Oddi ar y rhyngrwyd byd-eang wyt ti eisiau cael gwybodaeth y bennaf, nid o drws nesaf. er enghraifft, mae Maes-E yn byw yn LA, UDA. Sdim llawer o bwynt cael rhwydwaith cyflym yng Ngwm Scwt os ydi 1500 o ddefnyddwyr i gyd yn cael ei gwasgu drwy linell 2Mbit i gysylltu a chyfrifiaduron ar draws y byd. Hynny yw mae rhaid cael ISP ar gyfer uplink 54Mbit neu debyg.. naill ai loeren (sy'n hollol anaddas) neu rwydwaith band llydan BT.

well dweud wrth penrhyndeudraeth, mae nhw newydd lansio prosiect werth £3.4 milliwn i pobol ochra Blaenau, Port, Harlech, fydd yn cysylltu dros 1,000 o cartrefi gyda'r technoleg yma.

Ie, cysylltu y defnyddwyr gyda hub canolog lle mae yna gysylltiad cyflym i'r rhyngrwyd. A beth yw'r cysylltiad cyflym i'r rhwyd? ADSL, drwy strwythur BT. Y prif bwynt i di-wifr ar hyn o bryd yw cwblhau'r 'local loop' lle nad yw BT yn gallu cyrraedd gyda technoleg ADSL.

Fel arfer mae BT angen cael fyny at 400 o ddefnyddwyr yn talu am gysylltiad ADSL cyn gosod y cyfarpar angenrheidiol yn y gyfnewidfa. Ond nawr mae'n bosib rhoi cyfarpar rhatach ar gyfer 16 defnyddwr. Dyna sy'n cael ei osod ym Mlaenau/Corwen/Porthmadog ayyb gyda subsidy o'r cyngor lleol a'r Cynulliad.

A pris y gwasanaeth yma? 15-18 punt/mis. Ddim cweit dy utopia sosialaidd eto mae genna'i ofn.