Y border bach

[khmer hun]

'Rôl ca'l sgwrs hynod lesol da Iesu Nicky Grist am rinweddau a ffaeleddau'r cyflwynwyr garddio Montague Don a Gerallt Pennant mewn edefyn hollol amherthnasol ym Materion Cymru, meddwl sen ni'n dechre meddwl am arddio fel pwnc.

Pwy sy' wedi bod wrthi'n y ganolfan arddio'n prynu pot plants bach neis a choed fale a cheirios fydd bownd o farw unweth i chi fynd a nhw adre?

Chi'n plannu llysie - pa rai? Gwell ffa dringo na sweet pea?

Neu dips am botio perlysiau neu flode ar sil ffenest? Pa mor aml chi'n eu dyfrio?

Y'ch chi wedi gofalu am ryw blanhigyn bach ers dechre coleg a sy' dal da chi fel monster mawr gwyrdd wrth y teli?

Y'ch chi'n cytuno a fi bod Gerallt Pennant yn fwy secsi na Monty Don (mond jyst)?

Croeso i'r border bach ...

[Iesu Nicky Grist]

Ail-blanes i bys pw'nosweth achos bo brain wedi codi rhai o'r rhych p'nawn Sul. Ffacin brain. A na, sain cytuno bo Gerallt Pennant fwy secsi 'na Monty, er bo mwy o siap da fe (just) wrth yr ardd (ma di gwella er bod ar y Clwb Garddio 'fyd). Ond ma garddiwr/tim o arddwyr da ffacin Monty, so sdim lot o ots.

[bartiddu]

Gafoch chi'ch pecyn had tomatws gan y clwb garddio drwy'r post?
Wedi cyffroi'n llwyr pam welais y pecyn hudol wedi glanio trw'r blwch!
Ond diawcs erioed wedi dilyn y canllawiau, ond ma nhw wedi gwiwo'u gyd Wedi tyfu'n rhy gyflym ag uchel yn gwres y safati medd 'r hen foi.
Rhaid ail plannu!


Edrych ‘mlan i weld darpar rhaglen newy’ garddio s4c ar sut i dyfu cennin enfawr, “Iesu bach ‘na Gennhinen FAWR!” fydd y teitl ynte gyda ING wrth y llyw wrth gwrs!

[khmer hun]

Fawr o fynd ar arddwyr maes-e de?

Swn i'n gwerthfawrogi gwybod pa berlysiau sil ffenest yw'r hawsa' i'w tyfu. Ond os nad o's neb a diddordeb, well i fi fyn d i ffindo llyfr. Neu Erallt Pennant. Hm.

[Iesu Nicky Grist]

Fawr o fynd ar arddwyr maes-e de?

Ffac ol. A finne'n meddwl bo lle i seiat.

Swn i'n gwerthfawrogi gwybod pa berlysiau sil ffenest yw'r hawsa' i'w tyfu.

Sain gwbo lot am berlysie. Sdim ishe lot o ofal ar rai tu fas. O wel, Gerallt P?

Edrych ‘mlan i weld darpar rhaglen newy’ garddio s4c ar sut i dyfu cennin enfawr, “Iesu bach ‘na Gennhinen FAWR!” fydd y teitl ynte gyda ING wrth y llyw wrth gwrs!

Allen i ga'l sawl cyfres...
- Panas Mowr yn dy Bans
- Whoooowwww! PWMPEN!
- Ena fach, fel ges ti le i'r ciwcymbyr?
- Iesu Vs Pennant (Caib a rhaw a phaaaal) a llawer llawer mwy...

[mam y mwnci]

Mae'n nhomatos i'n dod ymlaen yn ddel iawn diolch - am eu tynnu o'r potiau a'u dodi yn y bagiau drosd y penwythnos.

[khmer hun]

Cooool. Dries i dyfu courgettes mewn cafn hir plastig unweth, dim jacpot. Mond ryw mulch o'dd yn drewi ar ol i ormod o law eu dinistrio.

Be' am luniau neis o'r blode' mwya' ffasiynol y tymor i'r border bach? Rhywun yn deall shwd mae roi llunie lan? Fi wedi cael blys i fynd allan i botio!

[Mali]

Syniad da am edefyn Khmer hun
Mae perlysiau yn ddigon hawdd eu tyfu , a does 'na ddim byd gwell na rhai ffres i'w defnyddio pan yn coginio. Tria dyfu persli yn enwedig gan y medri ddefnyddio hwn wrth gogino neu i addurno plat . Basil hefyd yn grêt ...yn enwedig efo bwydydd pasta.
Ar y funud dwi'n tyfu rhai fi mewn potiau bach yn yr ardd . Maent yn licio haul , a jyst dyfrio pan mae angen......a mae nhw'n dod yn ôl flwyddyn ar ôl blwyddyn.
Heb blanu tomatos eto ....mae'n debyg yr wythnos nesaf y gwnawn ni hynny.
Mali.

[khmer hun]

Mae perlysiau yn ddigon hawdd eu tyfu ,

Hmmm, weeel... nid i fi ma'n rhaid. Mae fy rhosmari i'n olreit mewn potyn tu fas, ond mae golwg llipa diawledig ar y parsli a'r basil sy' mewn potie ar y sil ffenest, yn trigo'n ara' bach. Mae r'un peth bob tro. Falle bod 'na ryw felltith planhigaidd yn y ty.

Ond mae'n siwr taw ailbotio yw'r ateb.

[Mali]

Paid digaloni.....ychydig bach o ffydd a gofal ac mi ddaw nhw'n i hola dwi'n siwr. Cofia eu tacluso wrth dorri i ffwrdd unrhyw beth sydd wedi marw , neu ddim llawer o siap arno ....ella neith hyn helpu . Dwi rioed wedi trio tyfu courgettes , peppers, letys ayb . A fyddi di'n eu tyfu mewn bocsus ?
Mali.