Sut i Gymreigio dy enw yn rhad a swyddogol

gan **sanddef** » Mer 13 Gor 2005 10:37 am

cam 1 Gofyn i gyfreithwr am neud Statutary Declaration o dy ewyllys i newid dy enw. Cost= 35-40 punt.
cam 2 Anfon y Statutary Declaration ynghyd â ffurflen pasport i gael pasport newydd efo dy enw newydd. Cost= 30-35 punt.

Mor hawdd â hynny.

gan **Geraint** » Mer 13 Gor 2005 10:41 am

Os yn newid i'r susdem 'ap', yda chi'n meddwl dylid cymreigio enwau?
e.e. newid John i Sion?

gan **Panom Yeerum** » Mer 13 Gor 2005 10:57 am

erm, John i Ioan ti'n feddwl ia? :wps:

gan **sanddef** » Mer 13 Gor 2005 10:58 am

Geraint a ddywedodd:Os yn newid i'r susdem 'ap', yda chi'n meddwl dylid cymreigio enwau?
e.e. newid John i Sion?

Mae'n benderfyniad personol, wrth gwrs. Nes i newid fy enw yn 1996 er mwyn dangos i bawb ar y cyfandir nad Sais ydw i. Ond nes i ddewis dau enw o'r Mabinogion gan nad oedd fy hen enwau'n rhai Gymreig.

gan **Hen Rech Flin** » Mer 13 Gor 2005 12:00 pm

Does dim rhaid talu twrnai £35+ am baratoi datganiad statudol i newid dy enw. Yr unig beth sydd raid ei wneud yw profi dy fod yn defnyddio'r enw "Cymraeg" yn gyson ac yn ddieithriad.

O gael anhawster i brofi defnydd cyson a dieithriad (er enghraifft gan dy fod newydd benderfynu newid dy enw) bydd hysbyseb £3 yn dy bapur bro yn datgan dy fwriad i ddefnyddio'r enw o hyn allan o gystal werth a datganiad twrnai.

Os gawsoch eich geni cyn 1969 does dim angen gwneud dim i newid cyfenw i "ap" gan nad oes cyfenw ar gyfer y plentyn yn ymddangos ar y dystysgrif geni tra bod enw bedydd y tad yn ymddangos arni.

gan **sanddef** » Mer 13 Gor 2005 2:32 pm

Hen Rech Flin a ddywedodd:Does dim rhaid talu twrnai £35+ am baratoi datganiad statudol i newid dy enw. Yr unig beth sydd raid ei wneud yw profi dy fod yn defnyddio'r enw "Cymraeg" yn gyson ac yn ddieithriad.

O gael anhawster i brofi defnydd cyson a dieithriad (er enghraifft gan dy fod newydd benderfynu newid dy enw) bydd hysbyseb £3 yn dy bapur bro yn datgan dy fwriad i ddefnyddio'r enw o hyn allan o gystal werth a datganiad twrnai.

Os gawsoch eich geni cyn 1969 does dim angen gwneud dim i newid cyfenw i "ap" gan nad oes cyfenw ar gyfer y plentyn yn ymddangos ar y dystysgrif geni tra bod enw bedydd y tad yn ymddangos arni.

Rhaid ei wneud os ti am gael pasport ac ymweld â gwlad arall. Does dim angen neud unrhywbeth swyddogol os ti'n aros ym Mhrydain. :winc:

gan **gronw** » Mer 13 Gor 2005 2:41 pm

Geraint a ddywedodd:Os yn newid i'r susdem 'ap', yda chi'n meddwl dylid cymreigio enwau?
e.e. newid John i Sion?

dwi ddim yn meddwl bod rhaid o gwbl, ond yn bersonol fyswn i yn achos dwi'n meddwl fod ap yn swnio'n well efo enw cymraeg.

o ran newid eich enw, cytuno efo HRF, sdim rhaid i chi dalu i newid eich enw o gwbl, jyst sgwennwch at eich banc, eich cwmni trydan, ac ati yn dweud "dwi wedi newid fy enw i Caswallon ap Rhyferthwy, plis defnyddiwch hynna o hyn ymlaen" ac mi wnawn nhw. wedyn pan fyddwch chi'n ymgeisio am gerdyn credyd etc, y dystiolaeth am eich enw chi fydd y bil trydan a'r cyfriflen banc.

gall yr enw ar eich pasbort dal fod yr hen un, oni bai bo chi'n benodol o boddyrd. mae'r awdurdodau wedi arfer digon efo pobl yn newid eu cyfenwau, merched wrth briodi, plant rhywun sy'n ailbriodi etc.

gan **Hen Rech Flin** » Mer 13 Gor 2005 2:48 pm

sanddef rhyferys a ddywedodd:
Rhaid ei wneud os ti am gael pasport ac ymweld â gwlad arall. Does dim angen neud unrhywbeth swyddogol os ti'n aros ym Mhrydain.

Mae fy nhrwydded teithio yn yr enw yr wyf yn defnyddio, nid yr enw sydd ar fy nhystysgrif geni a hynny heb newid fy enw yn "swyddogol" na thalu dimai i dwrnai.

gan **sanddef** » Mer 13 Gor 2005 2:54 pm

Hen Rech Flin a ddywedodd:
sanddef rhyferys a ddywedodd:
Rhaid ei wneud os ti am gael pasport ac ymweld â gwlad arall. Does dim angen neud unrhywbeth swyddogol os ti'n aros ym Mhrydain.

Mae fy nhrwydded teithio yn yr enw yr wyf yn defnyddio, nid yr enw sydd ar fy nhystysgrif geni a hynny heb newid fy enw yn "swyddogol" na thalu dimai i dwrnai.

Er hynny mae'r statutary declaratiion yn ffordd hwylus i neud hynny. A gallai ei neud felly tra byw tramor.[/b]

gan **Tegwared ap Seion** » Mer 13 Gor 2005 4:11 pm

heeeei, da chi di llwyddo i fy nghonffiwsho i!! llongyfarchiada!

i glirio petha i mi os gwelwch yn dda - dwi'n Jones ar bob dim "swyddogol" megis banc, ysgol, ucas (prifysgolion a ballu), trwydded yrru, pasbort ayyb. Be faswn i angen ei wneud i fod yn *"bob menai" yn hytrach na "bob menai jones"?!

pa rai o'r rhain faswn i'n gellu ei newid am ddim, ag a fuasai hynny wedyn yn peri trafferth wrth gael pasbort newydd ayyb?

*ni ddefnyddir fy enw cywir yn y neges hon, byddwch yn falch o glywed! :winc:

Sut i Gymreigio dy enw yn rhad a swyddogol

Sut i Gymreigio dy enw yn rhad a swyddogol

Pwy sydd ar-lein