Sut i Gymreigio dy enw yn rhad a swyddogol

[gronw]

alli di jyst ofyn i dy ysgol, dy fanc, ac ati, i newid dy enw ar eu records heb unrhyw "dystiolaeth", a ddyle fo ddim bod yn broblem o gwbl. o ran pasbort, i arbed arian, fyswn i'n aros tan bod yr un presennol yn dod i ben (alli di dal ei ddefnyddio er bod Jones arno), wedyn yn llenwi dy enw fewn ar y ffurflen adnewyddu pasbort efo dy enw newydd. os mai Bob Menai sydd lawr ar bopeth heblaw pasbort, dwi ddim yn gweld pam fyse'r asiantaeth basport yn mynnu cadw at yr hen un. yn syml, yr enw ti'n ddefnyddio ydy dy enw di. jyst deud wrthyn nhw "ond Bob Menai ydy fy enw i rŵan"

mae gollwng cyfenw yn eitha syml wedi'r cwbl (ac mae cannoedd os nad miloedd wedi neud yng nghymru). dwnim, falle fyse fo chydig bach mwy cymhleth taset ti ishe newid dy enw o Bob Menai Jones i Abu Musab al-Zarqawi...

[Fflamingo gwyrdd]

heeeei, da chi di llwyddo i fy nghonffiwsho i!! llongyfarchiada!

i glirio petha i mi os gwelwch yn dda - dwi'n Jones ar bob dim "swyddogol" megis banc, ysgol, ucas (prifysgolion a ballu), trwydded yrru, pasbort ayyb. Be faswn i angen ei wneud i fod yn *"bob menai" yn hytrach na "bob menai jones"?!

pa rai o'r rhain faswn i'n gellu ei newid am ddim, ag a fuasai hynny wedyn yn peri trafferth wrth gael pasbort newydd ayyb?

*ni ddefnyddir fy enw cywir yn y neges hon, byddwch yn falch o glywed!

Gofyn i dy chwaer, sydd wedi g'neud yn barod, y lob!

[sanddef]

A gallai ei neud felly tra byw tramor.

Mae'n edrych fel dim ond os ti'n byw tramor mae angen dilyn fy esiampl. Os felly ti'n talu'r un pris i ysgrifennydd y consulate (dw'i yng nghanol gig a does dim amser edrych yn y geiriadur!) yn lle chwilio am dwrnai. Mae newid enw yn anghyfreithlon mewn sawl gwlad.

[Tegwared ap Seion]

Gofyn i dy chwaer, sydd wedi g'neud yn barod, y lob!

wps ia nes im meddwl!! dion ddrud?!

[Dielw]

Ai dim ond fi sy'n meddwl bod newid fy enw i Bendigeidfran ap Gary braidd yn pretentious?! Na?

Siwr? Ok bydd hysbyseb yn y papur bro ar frys.

[Hen Rech Flin]

Mi godais bwnc yr edefyn hwn gyda chyfaill o gyfreithiwr dros banad gyna.

Ei farn ef oedd mai'r rheswm pam fy mod i'n cael trwydded teithio yn ddi-lol yn fy enw "Cymraeg" yw am fy mod wedi bod yn drwyddedig i deithio ers degawdau a bod y rheolau dipyn yn llacach pryd cefais fy nhrwydded wreiddiol. Mae o yn awgrymu mae datganiad statudol ydy'r un o'r ychydig bethau sydd am sicrhau trwydded teithio, yn ddiffwdan, mewn enw arall bellach. (Er nad yw'n orfodol. Ond pwy s'eisiau ffwdan?)

Mae modd, yn ôl fy nghyfaill, gwneud datganiad statudol DIY.

Mae nifer o barthau ar y we sy'n rhoi'r "ffurf" derbyniol am ddim (safleoedd i bobl draws rhywiol gan amlaf) yn y Saesneg. I gael templed Gymraeg: gofynna i gyfaill sydd wedi gwneud datganiad o'r fath am fenthyg ei ddatganiad ef er mwyn copïo'r geiriad. (Awgrym i GyIG - rhowch dempled ar eich gwefan!).

Wedi ysgrifennu eich datganiad eich hunan, ei arwyddo ddwywaith (yn eich "hen" enw a'ch enw "newydd") a'i ardystio gan rywun sydd yn eich adnabod, dos a fo i Swyddfa Clerc y Llys Ynadon lleol i'w stampio. Mae gan y Clerc hawl i godi rhwng £5 a £10 am stampio'r ddogfen. Wedi iddo ei stampio mi fydd yn ddogfen ddigonol ar gyfer cyflawni anghenion Deddf Datganiadau Statudol 1835 ac yn ddilys ar gyfer popeth, gan gynnwys cais am drwydded teithio.

Dipyn rhatach na £35+ - ond fawr o werth i rywun sydd yn Llydaw, heb fynediad i Glerc Llys Ynadon yng Nghymru a Lloegr - sori!

[Lodes Fech Glen]

Ydi'r camau yr un peth os wyt dan ddeunaw ?

[sanddef]

Mi godais bwnc yr edefyn hwn gyda chyfaill o gyfreithiwr dros banad gyna...

Diolch am y manylion. Codais y pwnc er mwyn dangos nad yw cymreigio enw mor anodd fel mae rhai yn credu. Ces i fy natganiad statudol fi oddi wrth y llysgenhadaeth yn Berlin.

[Dili Minllyn]

Dwi'n nabod dynes a newidiodd ei henw trwy sgwennu at bawb - y banc, y cwmni trydan ac ati - a dweud bod hi wedi'i newid e. Ofynnodd neb am dystysgrif, a bellach mae hi'n defnyddio ei henw newydd ers blynyddoedd.

[Ray Diota]

Ai. Yn union. I raddau, be ti'n galw dy hun yw dy enw, sdim rhaid ar dystysgrif. Ond ma hyn yn eith lletchwith. dim newid f'enw nes i, jyst dewis defnyddio'r enw canol fel cyfenw - odd y bancs yn gwrthod casho cheques wedyn ny os oedden nhw yn f'enw llawn. Diawl o beth.