Sut i Gymreigio dy enw yn rhad a swyddogol

[ceribethlem]

Ydi'r camau yr un peth os wyt dan ddeunaw ?

Fi ddim yn credu bod hawl gyda ti heb caniatad dy rieni os o dan 16. Beth sy'n bod gyda dy enw di ta beth?

[Fflamingo gwyrdd]

Ai. Yn union. I raddau, be ti'n galw dy hun yw dy enw, sdim rhaid ar dystysgrif. Ond ma hyn yn eith lletchwith. dim newid f'enw nes i, jyst dewis defnyddio'r enw canol fel cyfenw - odd y bancs yn gwrthod casho cheques wedyn ny os oedden nhw yn f'enw llawn. Diawl o beth.

Yup - gesh i'r broblem honno hefyd, ond mi roedd gen i dystysgrif i brofi gan fy mod wedi gwneud yn "swyddogol" Dwi newydd ddechra swydd newydd fis yma, a doedd yr adran bersonel ddim yn fodlon fy nghofrestru heb fod gen i brawf o'r ffaith fod fy enw'n wahanol i'r hyn sydd ar fy nhystysgrif geni.

[Fflamingo gwyrdd]

Ydi'r camau yr un peth os wyt dan ddeunaw ?

Fi ddim yn credu bod hawl gyda ti heb caniatad dy rieni os o dan 16. Beth sy'n bod gyda dy enw di ta beth?

Ti'n iawn - rhaid cael caniatad y ddau riant (neu mi ROEDD rhaid p'run bynnag)

[Dafydd ab Iago]

cam 1 Gofyn i gyfreithwr am neud Statutary Declaration o dy ewyllys i newid dy enw. Cost= 35-40 punt.
cam 2 Anfon y Statutary Declaration ynghyd â ffurflen pasport i gael pasport newydd efo dy enw newydd. Cost= 30-35 punt.
Mor hawdd â hynny.

Dwi'n aros am gael fy mhasport newydd ar ol gwneud deed poll ( http://www.ukdps.co.uk ).

Dafydd

[Prysor]

erm, John i Ioan ti'n feddwl ia?

Onid ffurf Gymraeg ar John yw Sion, yn ogystal a Ioan?

Ella mod i'n rong ond does dim engreifftiau o Sion fel enwau cyn dyfodiad y Normaniaid i Brydain a Werddon nagoes? A 's' oedd y Cymry'n arfer ddeud am 'j' am na fedran nhw ddeud 'j'. Felly Sioned am Janet, Siwan am Joan, Rhosier am Roger. Sion am John?

Dewi Prysor Williams ydw i ar fy mhasport a thrwydded gyrru a'r banc ac ati. Ond mae'r banciau lleol yn derbyn sieciau Dewi Prysor.

Dewi Prysor ydw i ar fy nhystysgrif geni, am ges i'ng ngeni cyn 1969.

Sdopiais ddefnyddio'r Williams yn ysgol. Doedd genai'm llawar o ddewis. Alwodd yr un athro na phlentyn fi'n "Dewi Prysor Williams" erioed. Dewi Prysor oeddan nhw'n fy ngalw. Mi sdiciodd. Ac ar ôl cyrraedd ysgol Blaena diflannodd y 'Dewi' hefyd. Prysor oedd pawb yn fy ngalw. Sdiciodd hynny hefyd.

Er ei darddiad Ffrengig dwi'n falch o'r enw teuluol 'Williams' a dwi'n gyndyn o'i waredu'n gyfangwbl a swyddogol. Serch hynny dwi'n fwyfwy ymwybodol o'r busnas 'slave-names' Cymraeg 'ma - yr enwau roddwyd arnom gan ein meistri Seisnig, diolch i'r blydi Tuduriaid. Felly fel cyfaddawd dwi wedi dewis peidio rhoi'r Williams ar fy mhlant. Prysor ydi eu cyfenwau. Llinach newydd o linach hen...

Fyddwn i'n gallu Cymreigio Williams i Gwilym am wn i. Ond fydda fo ddim yn swnio'n iawn rywsut. Er, yn dechnegol mae Dewi a Dafydd yr un enwau felly fyddwn i'n gallu galw fy hun yn Dafydd ap Gwilym!

Falla Fedrwn i Gymreigio fy enw i Dewi ap Ned (dwi'n defnyddio Ap Ned fel ffugenw sgwenu yn aml). Ned ydi enw fy nhad, er mai Edward sydd ar ei dystysgrif geni. Hmmm... Dewi ap Edward? Na! Cyfieithu Edward i Iorwerth? Dewi ap Iorwerth? Na... Iorwerth oedd enw fy nhaid.

Sdicia i efo Dewi Prysor dwi'n meddwl. Pawb yn nabod y ffycar hwnnw.

[AFFync]

Dwi wedi meddwl am defnyddio enw teulu mam i adlewyrchu ochor Gwyddelig y teulu (mae gan y chwaer enw cynta Gwyddelig) ond wedyn fydd gennai 5 enw! Ella wnai newid yr ail enw i un fwy Gwyddelig.

[Mair Ffair]

O hyn ymlaen fy enw i yw Gogoniant Carys Mair Ffair Pwdin Banana Dafis.

[Prysor]

be da ni fod i alw chdi? Gogoniant? Pwdin? Banana?

[Tegwared ap Seion]

Aberth cynta'r maes... "Gogoniant i Dduw..."!!

[AFFync]

Dwi wedi meddwl am defnyddio enw teulu mam i adlewyrchu ochor Gwyddelig y teulu (mae gan y chwaer enw cynta Gwyddelig) ond wedyn fydd gennai 5 enw! Ella wnai newid yr ail enw i un fwy Gwyddelig.

Diolch am yr ysbrodoliaeth Maes-e.
Dwi wedi penderfynnu newid ail enw fi!!