Lleoliad Parhaol i'r Eisteddfod

[Macsen]

Dwi'n credu ei bod hi wir werth meddwl am gael un lleoliad parhaol i'r Eisteddfod.

Mi fyddai modd cael adeiladau parhaol o safon yn lle ryw babell sy'n ysgwyd yn y gwynt a'r glaw a stondinau bach budr. Byddai modd hefyd ychwanegu at y safle dros y blynyddoedd, gan osod cerfluniau, adeiladau newydd, a chelf o bab math i ddathlu cyfoeth diwylliannol ein gwlad. Ac wrth gwrs gosod meini parhaol go iawn ar faesteddfod yn lle rhaid plastig. Mi allai'r Eisteddfod sefydlu adeiladau sydd ar agor drwy gydol y flwyddyn, fel amgueddfa i hanes yr Eisteddfod, i godi mwy o arian. Pob man dwi'n mynd yng Nghymru dwi'n gweld hen gadeiriau a choronau yn denu llwch mewn rhyw gornel, beth am eu casglu nhw ynghyd a'i rhoi mewn man lle all pobl ei gweld nhw?

Dim ond ychydig o oriau ar y mwyaf mae'n ei gymryd i fynd i'r Eisteddfod o unrhyw le yng Nghymru erbyn hyn. Roedd angen mynd a'r Eisteddfod at y bobl yn y gorffennol ond nawr gall y bobl ddod at yr Eisteddfod yn ddi-drafferth.

[Huw Psych]

Cyn-belled nad ydi hi'n cael ei gosod yng Nghaerdydd...fel pob dim arall, mae'n syniad da!

Ydi hyn yn ymarferol bosibl? Mae Celtica yng nghanolbarth Cymru yn ystyried, neu hyd yn oed wedi cau eu drysau; os na all canolfan fel yna gadw ei drysau ar agor, a oes gobaith i sefydliad fel yr eisteddfod?

Mae'r syniad yn un da, ond dwi ddim yn siwr pa mor ymarferol fyddai i'w ymarfer.

[ceribethlem]

Yr anfantais gyda cael Eisteddfod sefydlog yn rhywle yw ni fydd bellach yn medru gwneud y gwaith o genhadu ieithyddol mewn mannau cymharol di-Gymraeg, megis Casnewydd dwy flynedd yn ol. Mae hefyd manteision economaidd i ardaloedd lle mae'r Eisteddfod yn cael ei chynnal, gyda'r tafarndai yn llawn dop am wythnos, ac adeiladau a gwestai yn cael eu hurio.

[sian]

Fyswn i'n gwrthwynebu ar egwyddor - rwy'n meddwl ei bod yn bwysig bod y Steddfod yn mynd i wahanol lefydd. Mae'n braf cael gwahanol feysydd ac mae gan bob Steddfod ei naws ei hunan - ac oni fuasai'r stondinau'n fytrach tasen nhw'n rhai parhaol?

Ond fuon ni yn Steddfod Meifod am bron wythnos heb weld Meifod ac yn Steddfod Casnewydd am wythnos gyfan heb weld Casnewydd. Ry'n ni bob amser yn dweud y bydd raid i ni fynd nol i grwydro ardal y Steddfod ond dydyn ni byth yn gwneud.

Dw i ddim yn meddwl y byddwn i'n hoffi ryw Lanelwedd o le chwaith.

[Huw Psych]

Dw i ddim yn meddwl y byddwn i'n hoffi ryw Lanelwedd o le chwaith.

Eiliaf!

[Macsen]

Yr anfantais gyda cael Eisteddfod sefydlog yn rhywle yw ni fydd bellach yn medru gwneud y gwaith o genhadu ieithyddol mewn mannau cymharol di-Gymraeg, megis Casnewydd dwy flynedd yn ol.

Mi fyddai Eisteddfod mewn man parhaol yn rhoi gwyneb cyhoeddus mwy gweddus i ddiwylliant Cymraeg, ac felly yn denu mwy o bobl. Dyw pabell brwnt a cae llawn mwd ddim am ddenu neb dros 30 i fwynhau ein diwylliant.

Rydym ni'n gwybod bod yr Eisteddfod yn wych ond mae'n rhaid ystyried delwedd yr wyl i bobl sydd ddim yn gyfarwydd a'n diwylliant.

Fy mhrofiad i o siarad gyda pobl pan fod yr Eisteddfod 'yn y dref' yw nad ydyn nhw wir yn poeni. Mae'r Eisteddfod allan mewn cae ymhell o'r dref beth bynnag. Pan ddaeth y Steddfod i Gaernarfon flwyddyn dwytha wnaeth fy ffrindiau Cymraeg o'r ardal ddim hyd yn oed boddran mynd.

ac oni fuasai'r stondinau'n fytrach tasen nhw'n rhai parhaol?

Mi fydden nhw'n adeiladau iawn yn lle hen stondinau 'prefab' brwnt yr olwg.

Mae hefyd manteision economaidd i ardaloedd lle mae'r Eisteddfod yn cael ei chynnal, gyda'r tafarndai yn llawn dop am wythnos, ac adeiladau a gwestai yn cael eu hurio.

Gan mai pobl lleol sy'n codi lot o bres i lwyfanu'r Eisteddfod yn y lle cyntaf dyw'r elw ddim yn fawr iawn. Mi fyddai'n well petai'r elw hwnnw'n mynd i'r Eisteddfod ei hun gan fod gaddo broblemau mawr ariannol. Petai 'na un man parhaol i'r Eisteddfod mi fyddai modd i'r Eisteddfod ddarparu gwestai /tafarndai ei hun a gwneud elw o'r rheini.

Pe bai gan yr Eisteddfod safle parhaol mi fyddai modd cynnal Eisteddfodau ac digwyddiadau mawr eraill yno yn ystod y flwyddyn hefyd.

[Tegwared ap Seion]

ond rhan mawr o hwyl yr eisteddfod yw'r pebyll a'r mwd! fedri di'm cael gwared

[Mali]

ond rhan mawr o hwyl yr eisteddfod yw'r pebyll a'r mwd! fedri di'm cael gwared

[Mali]

Dwi ddim yn meddwl fasa cael safle parhaol i'r 'steddfod yn gweithio rhywsut , a fe fasa fo'n tynu'r hwyl a'r edrych ymlaen gan y cymunedau gwahanol ar hyd a lled Cymru.
Ac os fasa 'the powers that be' o'i blaid , mi fasa wedi digwydd erbyn hyn siawns?

[Macsen]

fe fasa fo'n tynu'r hwyl a'r edrych ymlaen gan y cymunedau gwahanol ar hyd a lled Cymru.

Wel mi fyddai'r holl gymunedau 'ma yn dal i ddod i'r Eisteddfod a cyfarfod ei gilydd a chystadlu yn erbyn ei gilydd yr un fath.

Ac os fasa 'the powers that be' o'i blaid , mi fasa wedi digwydd erbyn hyn siawns?

Mae'r syniad yn sicr 'in the mix' - dwi'n credu bydd o'n digwydd cyn hir. Ond dyle pobl ymru sylwi fod o am y gwell. O fewn deg mlynedd o gael yr Eisteddfod mewn un lle fydd pobl ddim yn cofio be oedd pwynt ei symud o.

Dychmygwch petawn nhw'n adeiladu stadiwm bach newydd bob blwyddyn a'n symud gemau tim rygbi Cymru o amgylch y wlad. Fydde gennym ni ddim Stadiwm y Mileniwm, sy'n eicon ar draws y byd erbyn hyn. Yn yr un ffordd petai gan yr Eisteddfod un maes gwerth chweil mi fyddai ei broffeil yn codi, a fydde pobl sydd erioed wedi ystyried dysgu am y diwylliant Cymraeg yn fwy awyddus i wneud hynny.

Mi fyddai'r pafiliwn yn adeilad eiconig ar draws y byd, yn ddarn o bensaerniaeth allai'r Cymru Cymraeg fod yn falch ohono, ddim yn cuddio lawr yn Bae Caerdydd yn rwle. Yn lle pabell mawr lle nad oes modd clywed y cystadleuwyr os mae hi'n bwrw glaw tu allan.

Mi fyddai modd cael cylch yr orsedd amlwg ar faes yr Eisteddfod, yn lle gorfod cynnal y seremoni milltiroedd i ffwrdd gyda cerrig go iawn neu ar y maes gyda rhai ffug mae'n bosib ei mynud wedyn.

Beth am ryw dri heneb parhaol hefyd, i'r pobl sy'n curo'r gadair, y goron a'r fedel ryddiaeth. Mi fyddai'r tri carreg yn sefyll yno bob blwyddyn a enwau'r buddugol yn cael ei sgwennu arnynt, i bobl gael ei darllen mewn degawdau os nad canrifoedd.

Mi fyddai modd cael artistiaid i greu cerfluniau, ffenestri lliw staen, murluniau ac yn y blaen i ddathlu diwylliant cymraeg. Dyw hyn i gyd ddim yn bosib gyda Eisteddfod sy'n rhwygo ei gwreiddiau o'r tir bob blwyddyn.