Denu grwpiau ethnig lleiafrifol i'r diwylliant Cymraeg

[Macsen]

Dwi'n meddwl bod angen gwneud mwy i ddenu grwpiau ethnig leiafrifol o fewn Cymru tuag at y diwylliant Cymraeg.

Nid yn unig am fod ein diwylliant ni, fel y mae hi, yn echrydus o wyn, ond oherwydd y byddai gan bobl sy'n rhan o ddiwylliannau lleiafrifol eraill agwedd llawer mwy iachus tuag at ein diwylliant lleiafrifol ni na sydd gan y saeson.

Mi fyddai nhw'n dod ac ychydig o'u diwylliant nhw i gyfoethogi diwylliant Cymru hefyd. Dim cymdeithas Gymraeg am-ddiwyllianol dwi'n feddwl, ond diwylliant Cymraeg aml-ffasedaidd.

Unrghyw syniadau a ffyrdd i'w denu nhw i gymryd rhan?

[Tegwared ap Seion]

Nid yn unig am fod ein diwylliant ni, fel y mae hi, yn echrydus o wyn

'Di ots?

[Macsen]

Nid yn unig am fod ein diwylliant ni, fel y mae hi, yn echrydus o wyn

'Di ots?

Ydi! Mae magwraeth rhwng-hiliol yn dda i'r cyfanswm genynnol.

Ar ei lefel symlaf mae o jest yn bwysig i ddyfodol y Gymraeg - er i poblogaeth Gymru o leiafrifoedd ethnig godi'n sylweddol dyw'r nifer o'r rhain sy'n siarad Cymraeg heb godi o gwbwl!

Sut mae'r bobl yma yn gweld y diwylliant Cymraeg? Clwb gynhwysol o bobl gwyn dybiaf fi. Mae angen gweithio'n galed i godi pontydd gyda lleafrifoedd ethnig yn y wlad yma. Os nad yw'r sefyldliad am wneud ymdrech, dwi'n credu dylai CyI benodi swyddog arbennig ar y Senedd i wneud hyn.

[Mr Puw]

Ella sa'n syniad denu'r Cymry tuag at eu diwylliant gynta', heb ddechra poeni am leiafrifoedd ethnig?!

[Chwadan]

Ella sa'n syniad denu'r Cymry tuag at eu diwylliant gynta', heb ddechra poeni am leiafrifoedd ethnig?!

"Cymry" ym mha ystyr? Ydi lleiafrifoedd ethnig yn perthyn i genedl arbennig eu hunain?

[Lowri Fflur]

Dangos bod yna fanteision economaidd o ddysgu Cymraeg yn un ffordd. Wedyn ar ol dysgu Cymraeg byddai unigolion yn gweld bod na fwy na hynny i ddiwylliant Cymraeg.

Ella ceisio ffeindio tir cyffredin rhwng y diwylliant Cymraeg a diwylliant ti'n ceisio dennu. Er enghraifft os mae gan y lleafrif ethnig ti'n ceisio dennu iaith ei hunain, cysylltu hun efo'r Gymraeg drwy ddweud "mae gennym ni ddau iaith lleafrifol."

Yn fwy na dim dangos i bobl nad oes rhaid iddynt fod yn Gymraeg i werthfawrogi diwylliant Cymraeg. Ond os mae nhw eisiau gweld ei hunain yn Gymraeg neu'n rhannol Gymraeg mae hynny'n iawn hefyd. Dangos nad yw perthyn i ddiwylliant Cymraeg yn mynd i effeithio ar ei hawl i berthyn i ddiwylliant arall.

[Tegwared ap Seion]

Anghytuno'n llwyr. Yn wir, dwi'n gweld nemor ddim gwerth economaidd go wir mewn siarad Cymraeg. Os ydym yn trio cuddio tu

[Maelor]

Cytuno 110% bod angen i ni wneud mwy i gyflwyno'r iaith a diwylliant Cymraeg i paeb sydd yng Nghymru boed yn ddu, gwyn, brown neu gwyrdd.

Yn flaenorol mi wnes i weithio dros Ogledd Cymru hefo pobl o leiafrifoedd ethnig oedd hefyd yn cynnwys pobl oedd wedi dod i'r wlad fel Ymgeiswyr Lloches a Ffoaduriaid. Roedd hi'n syfrdannol faint ohonynt ddoth atai mewn sesiwn yn Wrecsam a cwyno nad oedd neb wedi dweud wrthynt sut i fynd ati i ddysgu Cymraeg ac ati. Yn nol be roedden nhw'n dweud wrthai, roedden nhw wedi dod i Loegr, a'r wladwriaeth o dan y cynllun 'disperal' wedi cael tocyn tren i Wrecsam gyda gwybodaeth am ble i fynd i dderbyn gwersi Saesneg a ble i dderbyn cyngor ac ati. Ond erbyn iddynt nhw gyrraedd Cymru roedd hi'n hollol amlwg bod Wrecsam a mwy nag un iaith gan bod yr arwyddion ffordd yn ddwyieithog a iaith diarth yn cael ei ddarllen allan ar y tannoy yn yr orsaf drennau.

Be oedd yn gwylltio nhw oedd bod pobl yn eu cyhuddo nhw o beidio a chymysgu na parchu diwylliant frodorol yr ardal ond doedd y wladwriaeth na chwaith y gymuned leol heb wneud dim byd i gyflwyno'r iaith iddynt. Roedd llawer yn dweud wrthai "where I am from I can speak 4 language fluently and write in 3 of them, do you think I dont understand your bilingualism"?

Esgus y wladwriaeth ydy bod gan y bobl hyn fwy iw boeni amdano nag dysgu mwy nag un iaith.

Yn ogystal a nifer bychan o ymgeiswyr lloches a ffoaduriaid yma mae na hefyd boblogaeth Pwyleg sylweddol yma, a wedi bod yn dod yma ers blynyddoedd maith - mae na hyd yn oed Ysbyty arbennig yma ar gyfer cynfilwyr Pwyleg a'u teuluoedd ers yr Ail Ryfel Byd sy'n rhan o'r GIG. Erbyn hyn mae na siop delicatessen wedi agor hefo arwyddio gwbl dwyieithog - Cymraeg a Phwyleg!

Mae angen i ni gyflwyno ein iaith a'n diwylliant i'r bobl yma. Mae ganddynt berffaith hawl iddo a dyma fydd yn creu gwladwriaeth iach a aeddfed, nid rhyw arwahanrwydd.

[Dili Minllyn]

Anghytuno'n llwyr. Yn wir, dwi'n gweld nemor ddim gwerth economaidd go wir mewn siarad Cymraeg. Os ydym yn trio cuddio tu

[Tegwared ap Seion]

Oes gan fwrdd yr iaith do uwch ei ben i weiddi oddi arno y dyddie hyn?