Y gan 'Myfanwy' mewn priodas?

[S.W.]

Y Mrs wedi gofyn i fi ofyn y neges yma i chi gwybodusion.

Ydy hi'n 'dderbyniol' i chwarae'r diwn (dim y geiriau) ar gyfer y gan Myfanwy mewn priodas sifil? Dwi'n gwbod bod y geiriau yn braidd yn depressing - am golli cariad ayyb yn y diwedd o be dwi wedi'w ddallt. Bydd yno ddeuawd telyn a ffliwt yn chwarar cyn ac ar ol y seremoni a dwi'n awyddus bod caneuon enwog traddodiadol Cymraeg yn cael eu chwarae - bydd y seremoni yn Ucheldiroedd yr Alban. Un o'r caneuon dwi wedi hoffi erioed ydy'r gan Myfanwy (diolch i'r ffilm Hedd Wyn).

Byddech chi'n synnu o glywed y gan yma'n cael eu chwarae neu'n meddwl ei fod yn beth da?

Y gan arall dwi wedi ei hoffi ydy 'Ar Lan y Mor', eto y tiwn yn unig fydd hwn hefyd. Unrhyw awgrymiadau o caneuon traddodiadol Cymraeg eraill a allai fod yn gymwys. Does dim modd cael emynau, sy'n cynnwys Calon Lan gan bod yn rhaid i bopeth fod yn 'seciwlar' a dim son am Dduw ayyb.

Diolch

[Dwi'n gaeth i gaws]

Dwi di canu Myfanwy mewn prodas mewn parti canu - odda ni gyd yn meddwl bod o'n wiyrd ond dyna odd y ddynas isho.

[Chwadan]

Lisa Lan?

[Huw Psych]

Does dim modd cael emynau, sy'n cynnwys Calon Lan gan bod yn rhaid i bopeth fod yn 'seciwlar' a dim son am Dduw ayyb.

Ti'n cyfyngu'r dewis yn fawr fel 'na!!

Bugeilio'r Gwenith Gwyn...alaw hyfryd!

[S.W.]

Huw, nid dewis fi ydy peidio cael stwff crefyddol. Mae Priodasau Seciwlar yn gorfod bod yn seciwlar a does ganddot ti ddim hawl cael cyfeiriad at grefydd ynddynt. Deddf gwlad.

Y diwn bydd yn cael eu chwarae felly gan na fydd y geiriau yn cael eu canu i 'Myfanwy' ydy hynny dal i fod yn rhyfedd? Dwim yn nabod tiwn Lisa Lan yn anffodus. Mi edrychai fewn iddo fo.

[Huw Psych]

Dim beirniadaeth oedd o, dim ond trio meddwl oeddwn i am ganeuon heb gyfeiriad crefyddol a sylwi fod honno'n dasg eitha anodd! Mae'n debyg y dylsa na winc fod wedi fod ar ei ol o!!

Dwi ddim yn tybio fod dim ond canu'r alaw yn 'rhyfedd'.

[dawncyfarwydd]

Does dim modd cael emynau, sy'n cynnwys Calon Lan gan bod yn rhaid i bopeth fod yn 'seciwlar' a dim son am Dduw ayyb.

Ti'n cyfyngu'r dewis yn fawr fel 'na!!

Fe allach chi ganu Calon Lân pe baech chi'n hepgor y pennill ola - dyna'r unig un efo unrhyw gyfeiriad at Dduw o gwbwl.

Swn i'n gweld Myfanwy yn od iawn yn bersonol de.

Tra bo Dau yn dda, a Bugeilio'r Gwenith Gwyn hefyd fel dwedodd Huw - ond mi fysa honno'n od hefyd gan ei bod hi'n sôn fod cariad y boi yn cael ei thamad gan rywun arall!

[sian]

Tra bo Dau yn un dewis - "Ond cariad pur sydd fel y dur yn para tra bo dau"

Mae Priodasau Seciwlar yn gorfod bod yn seciwlar a does ganddot ti ddim hawl cael cyfeiriad at grefydd ynddynt. Deddf gwlad.

Beth ti'n feddwl wrth hyn? Oes 'na ddeddf sy'n gwahardd cyfeiriadau at grefydd mewn priodasau seciwlar? Pa ddeddf? Pam?

Dw i'n methu ffeindio dim byd ar Gwgl.

[Aranwr]

Lawr ar Lan y Mor? Neu be am Pontypridd - alaw neis ond dim lot i'w wneud a Gogledd yr Alban... "Ym Mhontypridd mae 'nghariad, ym Mhontypridd mae 'mwriad, ym Mhontypridd mae'r ferch fach lan, a'i chael o flaen y 'ffeiriad" - addas ar gyfer priodas weden i!

Bugeilio'r Gwenith Gwyn yn hyfryd, fel ma pawb arall eisioes wedi dweud. 'Se ni'm yn dewis whare 'Myfanwy' yn y 'mhriodas fy hun er fo'r alaw'n wych - bydde meddwl am eirie fel "Anghofiast oll o'th addewidion a roist i minnau, eneth ddel," bach yn disturbing!

[Manon]

be am honna sy'n mynd "o Gymru, o Gymru, rhof iti fy mywyd, o walia, o walia, ti ydyw fy ngwynfyd..." Be 'di'w henw hi dwa?