gan Ffinc Ffloyd » Gwe 02 Meh 2006 6:48 pm
Llongyfarchiada mawr iawn IAWN i bawb nath ennill.
Ma gwaith Gwenno ar gyfer y Goron yn wirioneddol, wirioneddol wych. Ges i gopi o'r Cyfansoddiadau (neu Doniau Disglair neu be bynnag ydi'r enw ponsi ma'r Urdd yn roi arno fo) heddiw a dwi'n blown away, chwadal y Sais. Gwnewch yn siwr eich bod chi'n 'i ddarllan o.
Gret bod Eirug wedi ennill y Gadair ar ol trio cymaint a dwi'n hapus iawn dros Ceri - ma hi'n ffrind da i mi a ma hi'n dallt ei chrefft yn iawn, felly ma hi'n gret ei bod hi'n cael cydnabyddiaeth am hynny.
Llongyfarchiada i Manag Werdd hefyd - do'n i'm wedi dallt bod Manon Wyn ar y Maes!
Yn olaf, dwi'n meddwl bod Guto Dafydd wedi gneud yn wych eto. Ail yn y Goron (am yr ail dro), ail yn y Fedal Lenyddiaeth (am yr ail dro) ac ennill un o'r Tlysau Coffa - a dim ond fflipin 16 ydi'r hogyn! Dal ati, Guto - ma be ddigwyddodd i Eirug yn dangos bod dal i drio yn dwyn ffrwyth yn y diwadd, a ti'n sgeri o lenor yn barod (Cofia Llansannan...).
As ffor mi, dwi di cael 'yn rhestr testuna 2007 (gen rhyw foi neis o'r enw Tudur Dylan, fel mae'n digwydd - do'n i'm yn disgwyl ei weld o ar y stondin Sir Gar 2007) so lwc owt. Ma 'na wastad flwyddyn nesa...