Cwestiwn am yr Orsedd

gan **nebwch** » Maw 22 Awst 2006 2:01 pm

Oes na rywun caredig yn medru dweud wrtha i beth yw'r brawddegau sydd o flaen ac ar ol A Oes Heddwcxh yn natganiadau'r Orsedd? Os gwelwch yn dda.

gan **dafydd** » Maw 22 Awst 2006 2:13 pm

Y gwir yn erbyn y byd, a oes heddwch?
Ymateb - Heddwch.
Gwaedd uwch adwaedd, a oes heddwch ?
Ymateb - Heddwch.
Llef uwch adlef, a oes heddwch?
Ymateb - Heddwch.

Eistedded y bardd yn Hedd yr Eisteddfod ayyb

gan **Macsen** » Maw 22 Awst 2006 2:24 pm

Oes yna ymryson erioed wedi bod rhwng y beirdd ynglyn a'r Orsedd/Goron? A oes heddwch? Na! Chop!

gan **nebwch** » Maw 22 Awst 2006 2:31 pm

Diolch yn odiaith Dafydd. A son am iaith od -
Ond be mae "Gwaedd uwch adwaedd" yn ei olygu dwed?

gan **nebwch** » Maw 22 Awst 2006 2:33 pm

Diolch eto Dafydd, ond dwi'n meddwl iti gael un darn fymryn yn anghywir. Onid "llen uwch adlen" ddylai fod tua'r diwedd na?

gan **dafydd** » Maw 22 Awst 2006 2:49 pm

nebwch a ddywedodd:Onid "llen uwch adlen" ddylai fod tua'r diwedd na?

Dim ond os oeddet ti'n carafanio yn y Eisteddfod..

Llef = cry/exclaim. Adlef = adlais/echo o'r llef. Run peth gyda adwaedd siwr o fod.

gan **Cymro13** » Maw 22 Awst 2006 3:22 pm

dafydd a ddywedodd:Y gwir yn erbyn y byd, a oes heddwch?
Ymateb - Heddwch.
Gwaedd uwch adwaedd, a oes heddwch ?
Ymateb - Heddwch.
Llef uwch adlef, a oes heddwch?
Ymateb - Heddwch.

Eistedded y bardd yn Hedd yr Eisteddfod ayyb

Oes yna 'Calon wrth Galon A oes Heddwch' yna rhywle hefyd???

gan **nicdafis** » Maw 22 Awst 2006 3:33 pm

Macsen a ddywedodd:Oes yna ymryson erioed wedi bod rhwng y beirdd ynglyn a'r Orsedd/Goron? A oes heddwch? Na! Chop!

Os ti'n gwrando yn astud ar recordiad o serimoni y Gadair, Aberteifi 1976, ti'n gallu clywed Dic Jones yn gweiddi "Nag oes, y jiawled" o gefn y Pafiliwn.