Syr Kyffin yn marw

Gwefan · gan **AFFync** » Gwe 01 Medi 2006 12:03 pm

Newyddion trist...

Yn 88 oed bu farw'r arlunydd Syr Kyffin Williams.
Roedd wedi bod yn diodde o gansyr ers blynyddoedd ac yn ddi-os fe oedd arlunydd Cymreig mwya enwog ei oes.

Bu farw mewn cartre nyrsio ar Ynys Môn.

Mae'n cael ei gofio'n benna am ei luniau tywyll o arfordiroedd Ynys Môn a mynydd-dir Eryri ac am eu bortreadau grymus.

Yn un o arlunwyr mwyaf poblogaidd Cymru, newidiodd hanes celf yng Nghymru yn yr 20fed ganrif.

Cafodd ei eni ym Mai 1918 yn Llangefni, Ynys Môn yn fab i deulu o ffermwyr cefnog. Fel llawer o blant teuluoedd cefnog yr ardal, cafodd ei addysg gynnar yn Ysgol Fonedd yr Amwythig.

http://news.bbc.co.uk/welsh/hi/newsid_5300000/newsid_5305700/5305794.stm

gan **Cymro13** » Gwe 01 Medi 2006 12:37 pm

Fydd ei lunie fe werth lot mwy nawr

gan **Sili** » Gwe 01 Medi 2006 12:39 pm

Ow, artist a mwstash gora Cymru i mi heb os.

Heddwch i'w lwch a hir oes i'w waith!

gan **Daffyd** » Gwe 01 Medi 2006 1:13 pm

Sili a ddywedodd::( Ow, artist gora Cymru i mi heb os.

Go iawn wan?

gan **Dai dom da** » Gwe 01 Medi 2006 3:42 pm

Drueni, wedd e'n artist talentog iawn whareteg. Aye, bydd ei lunie yn werth lot mwy nawr.

gan **huwcyn1982** » Gwe 01 Medi 2006 11:39 pm

mae arddangosfa KW yn agor yn oriel yr Albany ar nos Wener. Mi fydd hi'n sgrym i weld a phrynnu'r lluniau!

gan **Iesu Nicky Grist** » Llun 04 Medi 2006 10:01 am

Ma beer mat 'da Father g'tre wedi'i arwyddo gan Kyffin nol yn '74 pan na'th e fwrw mewn iddo fe'n pub ger Machynlleth. Ma'n dweud "O Lord, make my enemies ridiculous. You fucking twat! Kyffin Williams." NB os chi ishe prynu fe.

gan **dafydd** » Maw 05 Medi 2006 8:29 pm

Mae llun newydd gan Kyffin, yn arbennig ar gyfer yr arddangosfa wedi cyrraedd yr Albany. Pris wythnos dwetha: £25k. Pris nawr: £70k :!:

gan **huwcyn1982** » Maw 05 Medi 2006 9:36 pm

Ie bydd hi'n ddiddorol gweld be di'r cynnydd ar gyfartaledd. dwni'm os oes na reol bod lluniau un sy' di marw yn cynyddu o ryw ganran benodol, neu os yw pob achos yn wahanol. Eitha sicr bod y cynydd yn ddigon i rwystro fi rhag brynnu, ma'n siwr!

gan **gronw** » Maw 05 Medi 2006 9:58 pm

huwcyn1982 a ddywedodd:Eitha sicr bod y cynydd yn ddigon i rwystro fi rhag brynnu, ma'n siwr!

oedd dim angen cynnydd i rwystro fi rhag prynu! £25k chydig bach allan o league fi am lun o fynydd hefyd, neith copi y tro i fi.

mae gwefan newyddion y bbc yn gofyn i bobl roi teyrngedau, dim ond un sydd wedi gwneud hyd yma. clicier.

Syr Kyffin yn marw

Syr Kyffin yn marw

Pwy sydd ar-lein