Shakespeare

[Gareth]

Rhywbeth 'dwi wedi bod yn meddwl amdano ers tipyn ydi pam fod cymaint o gwmniau eisiau cyfieithu clasuron Shakespeare i'r Gymraeg. Yn amlwg mae'r dramau yn cael eu perfformio mewn ieithoedd gwahanol ar draws y byd, ond mae gen i ddiddordeb mawr gwybod os oes cynulleidfa i'r cyfieithiadau. Mi faswn i'n ddiolchgar iawn i unrhyw un sy'n cymryd amser i ateb y pol yma.
Diolch,
Gareth.

[Hen Rech Flin]

Dewis cyfyng iawn.

Mi fyddai'n llawer gwell gennyf beidio a gwylio drama gan Shakespeare o gwbl.

Dydy ei gomedïau ddim yn ddoniol, dydy ei drasiedïau ddim yn drasig ac mae ei ddramâu hanesyddol yn dangos rhagfarn fwyaf ffiaidd tuag at wirioneddau hanesyddol.

Yn ôl y son Shakespear yw'r dramodydd gorau i sgwennu yn yr iaith Saesneg erioed! Diawl! Efo gymaint o siaradwyr Saesneg yn y byd, bydda ddyn yn disgwyl rhywfaint o gynnydd mewn 400 mlynedd!

[Iesu Nicky Grist]

pam fod cymaint o gwmniau eisiau cyfieithu clasuron Shakespeare i'r Gymraeg.

Achos bo dramau Saunders yn gachu llo bach

[Tracsiwt Gwyrdd]

Dewis cyfyng iawn.

Mi fyddai'n llawer gwell gennyf beidio a gwylio drama gan Shakespeare o gwbl.

Dydy ei gomedïau ddim yn ddoniol, dydy ei drasiedïau ddim yn drasig ac mae ei ddramâu hanesyddol yn dangos rhagfarn fwyaf ffiaidd tuag at wirioneddau hanesyddol.

Yn ôl y son Shakespear yw'r dramodydd gorau i sgwennu yn yr iaith Saesneg erioed! Diawl! Efo gymaint o siaradwyr Saesneg yn y byd, bydda ddyn yn disgwyl rhywfaint o gynnydd mewn 400 mlynedd!

druan a thi, ti'n amlwg 'di cael athrawon sal iawn. cyfyng iawn, yn wir.

[Cymro13]

Dyw Shakespeare ddim yn gweithio mewn unrhyw iaith arall ond Saesneg.

Ma fe run peth wrth ddweud bydde Siwan byth yn gweithio mewn unrhyw iaith arall ond y Gymraeg

[Waldo]

Wnes i astudio Macbeth yn yr ysgol a chasau pob munud. Roedd rhaid canolbwyntio ar ystyr 'uwchnaturiol' y ddrama e.e. y gwrachod a'r ysbrydion, yn lle ar eirfa a barddoniaeth y peth.

Flynyddoedd wedyn, welis i Romeo a Juliet yn ngardd un o golegau Rhydychen, ac ers hynny, dwi wedi gwirioni ar Shakespeare. Wedi crio i'r Tempest, fy ffieiddio gan Richard III, fy nghythruddo gan Julius Caesar, a'r cyfan oherwydd y sgwennu teimladwy. Ydi, mae'n anodd ar y cychwyn, ond mae'r eirfa'n cyfoethogi, yn gwobrwyo ac yn hudo unrhywun sydd ag ychydig o grebwyll.

O ran ei gyfieithu i'r Gymraeg, yn bersonol, dwi'n meddwl y buasai llawer o'r farddoniaeth yn cael ei golli. Ar y llaw arall, alla i ddim darllen Lorca, Proust na Dostoyevesky yn y gwreiddiol, felly buasai cyfieithiad Cymraeg da yr un mor fuddiol ac un Saesneg.

Ac i'r Rhech Fach Flin? "All our yesterdays have but lighted fools the way to dusty death..."