maes-e.com

Dwi ar goll heb watsh, a mi faswn i'n flin drw'r dydd taswn i wedi anghofio hi...ac yn teimlo y basa pob dim yn mynd o chwith hebddi!! Dwi di gwisgo un ers pan onin ddeg ne lai dwin siwr, a fedrai yn fy myw neud heb run!

Finna hefyd.Yn gwisgo un bob dydd.
Mae gen i ffôn symudol , ond tydio ddim ymlaen gen i drwy'r adeg ,felly yn dda i ddim i gymeryd lle yr oriawr.
Wedi symud y clociau yn ôl dros y penwythnos ....wel oni bai am yr un sy'n y fan . Ydio'n wir na ddylie ni symud clociau yn ôl o gwbwl , ond yn hytrach eu symud ymlaen ? Rhywbeth i'w wneud efo'r gwneuthuriad o bosibl?

Gwen a ddywedodd:Ydi Dawn Cyfarwydd ac Anffodus yn deud 'wotsh', felly? 'Rhen betha Susnigaidd iddyn nhw!

Nag'dyn - "watsh" mae'r ddau a'u chwaer fach yn ddweud - er mai "wotsh" dw i'n weud. Trefor ar ei hôl hi eto!

Gwishgo watsh pob dydd, trwy'r amser. Timlo'n borcyn hebddo fe.
Prynodd y wejen fi watsh sydd da cwff lleter i fy mhenblwydd llynedd. Achos bod e yn mor fawr ma' bod hebddo'r un hwn yn neud y teimlad o borcyndra yn waeth byth.

Ffaelu help edrych arno fy watsh am yr amser hyd yn oed pan dwi ar y cyfrifiadur, neu'n dala fy ffon yn fy llaw.
Hefyd yn edrych at fy arddwrn pan ma rhywun yn ofyn i fi "Pwy d'wornod ma ....?" am rhywbeth bell yn y dyfodol. Fi yw'r unig un?

Oes 'na rywun yn dweud "oriawr" yn naturiol?

Se ni ddim yn gweud oriawr yn naturiol, goffes i wilio am beth odd y gair yn meddwl.
Watsh ni'n gweud lawr fan hyn.

Dwi byth yn gwisgo watsh wan - hollol wahanol i fel o'n i. Pan o'n i'n fach o'n i'n gwisgo watsh drwy'r adeg ac yn ei gwisgo hi'n dyn ofnadwy fel bod 'na hoel ar fy ngarddwrn i bob tro o'n i'n ei thynnu hi. Ond dipyn yn ôl nath hi stopio gweithio ac am dipyn odd hi'n chwithig peidio'i gwisgo hi ond ddes i'm rownd i brynu un newydd ond erbyn rwan dwi di arfar. Gwisgo un o gwbwl fysa'n chwithig rwan ma'n siwr.

sian a ddywedodd:

Gwen a ddywedodd:Ydi Dawn Cyfarwydd ac Anffodus yn deud 'wotsh', felly? 'Rhen betha Susnigaidd iddyn nhw!

Nag'dyn - "watsh" mae'r ddau a'u chwaer fach yn ddweud - er mai "wotsh" dw i'n weud. Trefor ar ei hôl hi eto!

Mae'n siwr mai yn fanno y collais inna genhedlaeth hefyd... (neu bod angen i mi dderbyn mod i bellach yn perthyn i genhedlaeth y tad )

Dwi byth byth byth yn gwisgo wotsh, sgeni'm un a dwi'm isho un chwaith. Ers pan oni'n fach dwi'm di licio'r syniad o wisgo un, fwy na thebyg am mod i'n hogan breichled.

Dwi'n teimlo bo wotsh yn caethiwo rywun rywsut, teimlad personol ella!

Os fyddai isho gwbo'r amsar fyddai wastad yn sbio ar fy ffôn symudol, ac os di batri hwnnw di marw, tyff! dwi byth ar amsar i nulla eniwe, a dwim isho bod chwaith! dwi'n lico bod yn anibynol!

Cytunaf yn llwyr margiad ifas!! Mae 'sdres' yn cael ei achosi o wybod faint o'r gloch ydi hi, ma pawb i weld ar frys di mynd dyddia yma!! Dwnim be ddoth dros ben dyfeisiwr y wotsh wir i greu fath beth, mi fydda pawb yn cael mynd a dod ar ei liwt i hun heb boeni am yr amser!! Dwi'n byw yn ddigon hapus heb un!

Dw i heb wigo oriawr ers misoedd... Ella fod y ffaith mod i wedi ei gwisgo pan oeddwni yn y bath ddim wedi helpu erbyn meddwll...!