Cadi Te

[Fflamingo gwyrdd]

Wedi siarad efo Mam -

Crochenwaith Tregaron ydi'r potiau pridd sgan Famau pawb
Bethan o Oriel Pwll Defaid sy'n gyfrifol am y cwpanau Panad/Dishied

Oriel Pwll Defaid ydi enw'r stondin gyfan (efo sawl cwmni bychan o'i fewn), ond y Bethan yma sy'n gyfrifol am yr holl sioe.

Mi gwglish i Oriel Pwll Defaid a chael cyfeiriad (46 High Street,PWLLHELI,Gwynedd,LL535RT) a rhif ffôn(01766 523393), ond dydio ddim yn edrych fel tasa gyni hi wefan.

[canol llonydd distaw]

Shwmae. Oes rhywun sy'n gwybod ble gallai brynu cadi te gyda'r gair 'te' arno fe, yn ddelfrydol dros y we?

newydd gerdded heibio i 'dots' yn aberystwyth ac mae ganddyn nhw un yn y ffenest. (01970) 626333. methu ffindo gwefan, ond falle allet ti holi?

[Gwen]

http://www.dots-gifts.co.uk/

[Fflamingo gwyrdd]

Fedrisdi ffeindio potyn té ar y wefan, Gwen? Dwi'di methu.

[Rhodri Nwdls]

Esh i heibio Dots amsar cinio, a welis i ddim cadi te, ond welis i gnesydd te de. Nesh i'm sbio'n fanwl iawn cofia.

Tria siop Medi yn Nolgella 01341 421755 hefyd ella.

[Fflamingo gwyrdd]

Oes unrhywun wedi taro ar un bellach?

[blanced_oren]

Oes unrhywun wedi taro ar un bellach?

Fues i lan yn Aberystwyth yr wythnos cyn diwethaf, ac mae Dots yn gwerthu un - ond dwi dal i feddwl amdani.

blancedoren

[Fflamingo gwyrdd]

Risylt.

Mae Mam bellach yn gwbod i sicrwydd fod Bethan, o "Crochenwaith Bethan" sydd ar stondin "Oriel Pwll Defaid" yn yr Eisteddfodau yn gwneud potia tê a choffi ayyb Cymraeg. Gan wybod natur ei busnes (tydw i ddim yn ei hadnabod yn bersonol), 'swn i'm yn synnu y bysa hi'n fodlon gwneud rhai arbennig ymhabynnag liw ydi'ch cegina' chi a mynd a nhw i'r Eisteddfod i chi eu prynu?!...werth trio ei ffonio hi i ofyn ella??

Mi fuish i yn siop fawr Dunelm Mill ( ) dros y penwythnos a phrynu cyfres o botiau gwydr neis i ddal fy magiau tê. Mi fuo rhaid i mi brynu chwech i gyd (£1.49 yr un) - un i'r tê arferol, un i'r Lady Grey, un i'r Peppermint, un i'r coffi, un i'r siwgr ac un i'r halen. Dwi'di torri darn o'r bocsus a'i roi y tu mewn i'r jaria fel mod i'n gwbod pa dê sy'mha bot, ond y bwriad ydi iwsho paent gwydr i'w labelu nhw'n neis i gyd-fynd a'nghegin. Mae gen i baent gwydr ers rhyw ffad gesh i 'sdalwm, felly dyma ddewis rhad i unrhywun sy'n desbret i gael potia tê a choffi Cymreig!

[LowriS]

Mae dots yn gwerthu cadi (h.y. - pot i storio) te, mae set o rai pridd gan Tom Gloster Te Coffi Siwgr ac un mawr Pethau. Mae nhw'n £24 yr un ac mewn 4 lliw gwahanol. Mae modd postio nhw allan - ffoniwch!

[Gwenci Ddrwg]

Allet ti greu un dy hun falle. Dwi'n siwr fydd na gwefannau ar y we lle allet ti neud un "custom". Fydden nhw'n costio tipyn mwy yn gyffredinol os oes.