Dymchwel Theatr Gwynedd?

[Iago2]

Braf ar y bobl rheiny sy'n medru gwario pres pobl eraill heb owns (neu gram!) o gydwybod! Os cofiaf yn iawn y bwriad gwreiddiol wrth godi Theatr Gwynedd oedd y ffaith mae'r rhan cyntaf yn unig oedd o theatr o ganolfan fwy o lawer. Oes wir angen dymchwel brics a mortar i ehangu ar y ddarpariaeth bresennol ar gyfer y ddrama ym Mangor a'r cyffiniau? Y brifysgol sydd bia' Theatr Gwynedd ond a yw'r BRIF-YSGOL wedi cadw a meithrin ei hadran ddrama?
Tybed beth fyddai'r perfformiadau mwya' cofiadwy a welwyd ar lwyfan Theatr Gwynedd ym marn selogion maes-e?
Mi gynigia' i :
Springs' Awakening (Wedekind - gan fyfyrwyr Adran Ddrama'r Brif-Ysgol)
Ac Eto Nid Myfi -John Gwilym Jones gan Gymdeithas Ddrama Gymraeg y Coleg
Perfformiad Iwcs o'r Bryddest "Awelon" Aled J Williams - gwefreiddiol.

[Mihangel Macintosh]

Adeilad ffycin hyll o'r saithdegau!

Ma ardal y bar yn afiach hefyd - dim cymeriad o gwbwl.

Mi oedd y lle yn condemed yn eithaf diweddar achos oedd na asbestos yn y waliau mae'n debyg. Rheswm da i'w ddymchwel fydde ni'n meddwl.

[Iago2]

Hyll - fel llawr o adeiladau y chwedegau a'r saithdegau.
Asbestos - problem enfawr debyg iawn. Gyda llaw ni chlywais yr un cyfeiriad at y broblem asbestos ar newyddion chwech.
Ond oes angen ei ddymchwel er mwyn ateb y broblem? O ble mae'r arian i ddod?
A beth yn dy farn di MM yw'r perfformiadau mwya' cofiadwy a welwyd ar lwyfan Th. Gwynedd?

[Geraint]

Be sy'n digwydd? Cael ei ddymchwel, ac un newydd yn cael ei adeiladu? Yn yr un lle?

[jammyjames60]

Gret, bydd rhaid ini fynd yr holl ffor' i Landudno felly i weld 'wbath, er, yn hynny o beth, mae Venue Cymru yn le gwych, a Chymraeg ym mhobman.

[Manon]

'Dwi'n ama' bod Th.G. yn colli lot o fusnes i Galeri. 'Dwi'n gwybod bod bwriad i gael canolfan i'r celfyddydau perfformio ar y cyd rhwng ThG a'r Brifysgol- Ond toes na ddim wedi ei benderfynu eto, o be 'dwi'n ddallt.

Mae'n raid i ThG sortio allan yr air con- 'dwi 'di bod yna pan mae'r lle yn llawn ac roedd o'n hollol anioddefol (ar un noson, nath 'na ryw foi golapsho o'r herwydd). Un peth arall oedd yn reit anoing oedd pan es i i weld perfformiad gan fyfyrwyr Coleg Menai yn ddiweddar- Roedd y lle yn llawn teulu balch, ac roedd staff ThG yn amharu ar y perfformiad er mwyn rhwystro pobol rhag tynnu llunia (cerdded reit o flaen y llwyfan, gweiddi "don't do that!" ar rieni efo camcorders ayyb) 'Dwi'n dallt bo pobol ddim i fod i dynnu llunia (er, mewn perfformiad fel 'na, 'dwi ddim rili'n gweld y broblem chwaith- Roedd staff ThG yn lot mwy distracting na fflachiadau camera) ond cym on de!

Ar y llaw arall, mae'r ffilmaiu ma' nhw'n dangos yn ThG yn dda ac yn ddiddorol rhan fwya', ac mae dymchwel y Plaza yn gneud fi feddwl alla y dylia' ThG feddwl mwy am ffilmiau wrth gynllunio adeilad newydd.