Hoff adeilad?

gan **Gwahanglwyf Dros Grist** » Llun 21 Meh 2004 1:48 pm

Eich Milltir Sgwâr, sef ymgyrch gan Gomisiwn Dylunio Cymru i gael pobl i enwebu eu hoff adeiladau neu fannau ledled Cymru.

Heb benderfynu ar unrhyw beth eto - mae cynifer o lefydd ac adeiladau gwych ledled Cymru y gallwn ni eu henwebu - Castell Caerffili, Eglwys Gadeiriol Tyddewi, glan môr Aberaeron gyda'r tai amryliw... Beth amdanoch chi?

gan **Lletwad Manaw [gynt]** » Llun 21 Meh 2004 1:49 pm

Ystrad Fflur sdim dowt!!!!

gan **Geraint** » Llun 21 Meh 2004 1:56 pm

Castell Powys. Castell Harlech, Conwy, Caernarfon, Dolforwyn (oce unrhyw gastell ma nhw gyd yn wych)

Sycharth

Mynachdy Cwm-Hir yn lle arbennig iawn, er does dim llawer o'r adeilad ar ol.

Adeilad ymladd ceiliogau yn sain ffagan yn un bach da.

Caslell Henllys yw un o fy hoff lefydd, i drio dychmygu bywyd yng Nhgymru yn yr oes haearn

gan **Mr Gasyth** » Llun 21 Meh 2004 1:59 pm

Lletwad a ddywedodd:Ystrad Fflur sdim dowt!!!!

Eh?? Dwi'n siwr fod y lle reit 'impressive' tua 500 mlynedd yn ol, ond rwan does na ffyc ol i weld yno nagoes, jest adfail.
Fues i yno chydig wsnose nol, wedi bod yn bwriadu mynd ers blynyddoedd, a'i gael yn siomedig iawn.

Ma adeilad yr hen ysbyty meddwl yn Ninbych yn dal i fod yn drawiadol iawn, er ei fod yn mynd a'i ben iddo'n ara deg gwaetha'r modd. Adeilad anferth, urddasol gyda lot o hanes a rhyw ias oer ysbrydol yn perthyn iddo hefyd.

gan **Lletwad Manaw [gynt]** » Llun 21 Meh 2004 2:09 pm

Tybed faint o olion fydde ar ol o Sbyty Meddwl Dinbych 1,000 o flynedde o nawr!!! Yn enwedig o gofio fod Ystrad Fflur wedi cael ddinistrio droeon a'i chwalu adeg Diddymu'r Mynachlogydd. Yn ol dy gyfaddefiad dy hun mae 'Sbyty Dinbych yn mynd a'i ben iddo a pryd adeiladwyd y lle 18??!!! Sefydlwyd Ystrad Fflur yn 1164!!!! Pa syndod fod y lle ddim yn edrych cweit fel ag yr oedd nol yn y 12 ed ganrif!!! Ta beth, o leia ma chydig mwy o raen pensaerniol cynhenid ar y lle, gellir dweud yr un fath am nuthouse Dinbych??

"Pan rodiwyf daear Ystrad Fflur,
Om dolur ymdawelaf"

T.Gwyn Jones

gan **Geraint** » Llun 21 Meh 2004 2:12 pm

I fod yn deg ma'r we-fan yn gofyn am hoff fan neu adeilad. Ma na awyrgylch arbennig i lleoliadau fel Ystrad Fflur, er does dim llawer o'r adeilad ar ol.

Dim ond tomen o bridd sydd yn sycharth, ond mae'n le arbennig sy'n anfon ias lawr fy nghefn.

gan **Lletwad Manaw [gynt]** » Llun 21 Meh 2004 2:19 pm

Felly dyw adfeilion Cestyll y Saeson ddim yn cwfri chwaith na? Ta beth, wi'n credu dylse lot o "benseiri" gymryd pip ar sgiliau pensaerniol yr oesoedd a fu i weld crefftwaith o safon uchel. I ddweud y gwir ma pensaerniaeth newydd cymaint o'n pentrefi/trefi/dinaethoedd ni yn hollol shit. Edrychwch ar fae bondigrybwyll Caerdydd, shithole or radd flaenaf gyda adeiladau cach a coch!!! (heblaw canolfan y mileniwm). Bwthyn Ffynnon Oer ger Temple Bar yn enghraifft dda o adeilad o safon serch hynny!!

gan **Cardi Bach** » Llun 21 Meh 2004 2:24 pm

O ran pensaerniaeth ma adeilad Cyngor Gwynedd yng Nghaernarfon yn rhagorol.

Garn Goch yn Nyffryn Ceidrych, Llangadog yn le hynod i fod ynddo, er mai dim ond cerrig sydd yno bellach.

Ffermdai Gallestra, Cae Einion, Glasdir, Taldir ac ati yn Islawr Dre yn odidog hefyd.

Y driongl o Carreg Cennen-Dinefwr-Dryslwyn.

Weles i'r hen hen ffermdy yma yn Llanbadarn bythefnos yn ol hefyd - pensaerniaeth hyfryd iddi.

gan **Gwahanglwyf Dros Grist** » Llun 21 Meh 2004 2:49 pm

Anghofies i hefyd sôn am Weithfeydd Blaenafon, yn enwedig olion y brif ffwrnes. Mae wir yn rhoi teimlad i chi o sut roedd y cymoedd am ran fwyaf y bedwaredd ganrif ar bymtheg a'r ugeinfed ganrif, a maint aruthrol y gweithfeydd. The dark satanic mills ac ati.

gan **Lletwad Manaw [gynt]** » Llun 21 Meh 2004 2:57 pm

Be am y Dafarn yna yng Nghwyddelwern yn y Gogs yr un a tho gwellt ag sydd a thrawstiau pren mawr. Y lle yn fwyty hefyd dwi'n credu. Yr un gath ei adfer ychydig flynyddoedd yn ol. Rhywun yn gwbod enw'r lle yma, wi wedi anghofio.

Hoff adeilad?

Hoff adeilad?

Pwy sydd ar-lein