Côr CF1

gan **ElinorSian82** » Mer 12 Ebr 2006 2:56 pm

Mae aelwyd CF1 yn aelwyd gwych sy'n rhoi cyfle i BAWB o Gaerdydd (sydd am gymryd y cyfle) i gymdeithasu, canu a joio trwy gyfrwng ein hiaith nefolaidd. Fel mae amryw o bobl eisioes wedi dweud mae CF1 yn codi arian tuag at elusenau, canu mewn nifer o gyngherddau yn ogystal a threfnu tripiau tramor. Dydyn ni ddim yn mynd i'r aelwyd bob wythnos yn unig er mwyn ceisio curo aelwydydd bychain ond er mwyn cael hwyl. Mae'r ffaith i ni ennill nifer o bethau yn dangos ein brwdfrydedd a'n hymrwymiad i'r aelwyd a'r cyfleuon mae'n ei rhoi. Peidiwch slagio ni off pan nad oes sail i'ch ffeithiau. Yn bersonnol byddai'n colli canu a chymdeithasu efo nhw pan a'i bant i goleg yn Mis Medi!

gan **PwdinBlew** » Mer 12 Ebr 2006 3:42 pm

ElinorSian82 a ddywedodd:Mae aelwyd CF1 yn aelwyd gwych sy'n rhoi cyfle i BAWB o Gaerdydd (sydd am gymryd y cyfle) i gymdeithasu, canu a joio trwy gyfrwng ein hiaith nefolaidd.

Nes i ymuno gydag CF1 pan ddechreuodd tro cyntaf a nes i ddim teimlo fel bo fi yn cael fy nghynwys o gwbl. Oedd yr ymarferion cyntaf yn cynnwys caneuon oedd y bois Panty a'r Drindod wedi hen ddysgu. Dwi ddim mor wych a hynny yn canu a fedrai gario tiwn, ond on i yn gweld on anodd i ddal i fyny. Doedd dim lot yn cael i neud i helpu y rhai arafch yn y cor so nes i golli mynedd a sdopio mynd.
On i wasdad yn meddwl bod on le uffernol o glymbleidiol yn yr agwedd cymdeithasol. Barn personol o'm mhrofiadau yw hyn cofiwch

gan **Tegwared ap Seion** » Llun 05 Meh 2006 10:52 am

Pan ma ganddo chi bobl yn 'sgwennu petha' fel hyn dio wir ddim yn helpu'r achos :rolio:

gan **PwdinBlew** » Llun 05 Meh 2006 11:34 am

Tegwared ap Seion a ddywedodd:Pan ma ganddo chi bobl yn 'sgwennu petha' fel hyn dio wir ddim yn helpu'r achos

Handbags!!

Be oedd y neges gath ei ddileu gyda llaw?

gan **garetshyn** » Llun 05 Meh 2006 11:38 am

Rwy’n aelod o CF1 ac, o nabod yr aelodau, fe fyddwn i wedi fy synnu a’m siomi’n fawr os yw’r neges yna wir wedi ei hanfon gan aelod o’r aelwyd. Yn sicr, dim dyna yw teimladau unrhyw aelod o CF1 rwy i wedi siarad â nhw ac, a dweud y gwir, fe fues i’n siarad gyda sawl person dros y penwythnos oedd yn canmol mor dda mae aelwyd yr ynys wedi gwneud i ddatblygu a chael cystal llwyddiant mewn amser cymharol fyr ers sefydlu’r aelwyd. Mae’n nhw wir i’w llongyfarch.
Llongyfarchiadau hefyd iddyn nhw am ddod yn ail yng nghystadleuaeth y côr mawr

Rwy’n hyderus mai rhywun sy’n trio cynhyrfu’r dyfroedd drwy anfon neges felna yn enw CF1, ac rwy’n siŵr y bydd aelodau aelwyd yr ynys yn ddigon call i sylweddoli hynny.

gan **owain sion** » Llun 05 Meh 2006 12:21 pm

Ma na ryw dwat yn bownd o drio cythruddo pobol, ag eto'n dan-din heb roi ei enw. Gas gin i bobl sy ddim yn arwyddo'u henwa.

Swn i'n licio llongyfarch Nia ac aeloda erill Aelwyd yr Ynys ar eu llwyddiant drwy'r wythnos. Da chi di bod wrthi'n uffernol o brysur.

gan **Tegwared ap Seion** » Llun 05 Meh 2006 12:39 pm

PwdinBlew a ddywedodd:
Tegwared ap Seion a ddywedodd:Pan ma ganddo chi bobl yn 'sgwennu petha' fel hyn dio wir ddim yn helpu'r achos

Handbags!!

Be oedd y neges gath ei ddileu gyda llaw?

CF1 LLAWER GWELL AELWYD NA CHI DA I DDIM

'Run peth wir, ond heb adal enw ag yn an-adeiladol so gath hi fynd. Adewish i'r llall achos bo fi'n licio'r atab

(a sgen i ddim syniad pwy atebodd gyda llaw, neb o'r "usual suspects" mae'n debyg).

garetshyn a ddywedodd:Rwy’n aelod o CF1 ac, o nabod yr aelodau, fe fyddwn i wedi fy synnu a’m siomi’n fawr os yw’r neges yna wir wedi ei hanfon gan aelod o’r aelwyd. Yn sicr, dim dyna yw teimladau unrhyw aelod o CF1 rwy i wedi siarad â nhw ac, a dweud y gwir, fe fues i’n siarad gyda sawl person dros y penwythnos oedd yn canmol mor dda mae aelwyd yr ynys wedi gwneud i ddatblygu a chael cystal llwyddiant mewn amser cymharol fyr ers sefydlu’r aelwyd. Mae’n nhw wir i’w llongyfarch.
Llongyfarchiadau hefyd iddyn nhw am ddod yn ail yng nghystadleuaeth y côr mawr

Rwy’n hyderus mai rhywun sy’n trio cynhyrfu’r dyfroedd drwy anfon neges felna yn enw CF1, ac rwy’n siŵr y bydd aelodau aelwyd yr ynys yn ddigon call i sylweddoli hynny.

Dyna o'n i'n ama hefyd. Na phoener - does dim drwg deimlad, a diolch am dy gyfarchion! Oes rhywun yn cofio blog robingoch.blogspot.com? Ta waeth.

Roedd CF1 i'w weld yn ddistawach nag arfer eleni - dim ond 7 cystadleuaeth? Da chi ddim yn rhoi'r gorau iddi gobeithio!

gan **gethin_aj** » Maw 06 Meh 2006 8:58 am

wel dyma be ydi fascinating i chi ynte!

gan **tatws** » Maw 03 Hyd 2006 11:22 am

Mi fydd CF1 yn perfformio mewn cyngerdd i ddathlu 50 mlynedd o addysg Uwchradd Gymraeg mewn cyngerdd gyda Tara Bethan a Caryl Parry Jones. Nos Sadwrn 14 Hydref ym Mhafiliwn Rhyl am 7.30pm. Tocynnau ar gael o'r Pafiliwn.

gan **ElinorSian82** » Maw 03 Hyd 2006 2:36 pm

pob lwc i chi! Gobeithio newch chi fwyhau!!

Côr CF1

Ydych chi'n aelod o gôr CF1?

Cyngerdd Dathlu

Pwy sydd ar-lein