Faint mae rhyfel Irac yn gostio?

gan **Cardi Bach** » Gwe 28 Ion 2005 10:50 am

Dyma gost y rhyfel - arian America - hyd yma.

Faint roddwyd wedi trychuneb y Tsunami?
Faint sy'n cael ei roi i leddfu dyled y Trydydd Byd?

Mae pris ar bopeth.
Democratiaeth.
Bywyd un person.
Bywyd 100,000 o bobl.
Addysg a iechyd gwlad gyfan.
Iechyd meddwl cenhedlaeth gyfan.
Teuluoedd cannoedd o filoedd o blant.

Dyma'r pris.

gan **Sioni Size** » Gwe 28 Ion 2005 12:01 pm

Ond siawns Cardi na fedri di weld fod y rhyfel yma yn gwneud lawer mwy o ddaioni i ddynol ryw na chael gwared o newyn ac afiechyd. Canlyniadau sy'n cyfri, nid cymhellion.
Ti'n siarad fel fod gan arweinwyr y byd rhydd bwrpas arall heblaw achub Irac rhag Saddam ddrwg a'r byd rhag WMD.

gan **Garnet Bowen** » Gwe 28 Ion 2005 12:13 pm

Ti'n ddyn doeth Sioni.

Mae hi'n ddigon teg dy fod ti'n holi beth ydi cost y rhyfel. Ond onid ydi hi hefyd yn deg gofyn be 'da ni'n ei gael am ein pres?

gan **Sioni Size** » Gwe 28 Ion 2005 1:23 pm

Wel wrth gwrs. Anwybyddu'r darlun cyfan fyddai'r gwrthwyneb.

Geroge W Bush, araith flynyddol.

"And what else was part the question? Oh, oil revenues.

Well, the oil revenues, they're bigger than we thought they would be at this point in time. I mean, one year after the liberation of Iraq, the revenues of the oil stream is pretty darn significant.

gan **Garnet Bowen** » Gwe 28 Ion 2005 2:40 pm

Tydi cynnig dyfyniadau di-sail, allan o gyd-destun, yn cyfrannu dim byd at unrhyw drafodaeth. 'Da ni 'di dadlau digon am y blydi olew erbyn hyn, Sioni, ac mi ydw i wedi postio sawl dogfen sydd yn profi yn ddi-amheuaeth fod y pres sy'n cael ei godi drwy werthu olew Irac yn mynd yn syth i goffrau'r llywodraeth. Sgen i - na neb arall, 'swn i'n tybio - ddim diddordeb mewn ail-adrodd hen ddadleuon.

gan **Cwlcymro** » Sad 29 Ion 2005 2:54 pm

Garnet Bowen a ddywedodd:Mae hi'n ddigon teg dy fod ti'n holi beth ydi cost y rhyfel. Ond onid ydi hi hefyd yn deg gofyn be 'da ni'n ei gael am ein pres?

Yndi yn wir. Gan ma chdi ydi'n 'resident pro-war' ni Garnet. Be yda ni wedi cal am y pres? Ac o ran tegwch mi fyswn i'n disgwyl clywed y petha da a drwg da ni (ni = pobl y Byd, dim jesd Prydain a America) wedi gal...............

gan **Sioni Size** » Llun 31 Ion 2005 1:38 pm

Garnet Bowen a ddywedodd: mi ydw i wedi postio sawl dogfen sydd yn profi yn ddi-amheuaeth fod y pres sy'n cael ei godi drwy werthu olew Irac yn mynd yn syth i goffrau'r llywodraeth.

Dwi eto i weld un o'r rhain. Mae na nifer o bethau sy'n dangos y gwrthwyneb fodd bynnag.
Dwi'n cymryd mai am lywodraeth Irac wyt ti'n son nid yr Unol Daleithau?

gan **Garnet Bowen** » Llun 31 Ion 2005 2:12 pm

Sioni Size a ddywedodd:
Garnet Bowen a ddywedodd: mi ydw i wedi postio sawl dogfen sydd yn profi yn ddi-amheuaeth fod y pres sy'n cael ei godi drwy werthu olew Irac yn mynd yn syth i goffrau'r llywodraeth.

Dwi eto i weld un o'r rhain. Mae na nifer o bethau sy'n dangos y gwrthwyneb fodd bynnag.
Dwi'n cymryd mai am lywodraeth Irac wyt ti'n son nid yr Unol Daleithau?

Wedi bod yn edrych ar yr edefyn 'Pam fethodd y mudiad gwrth-ryfel?", tudalen 5 (yn fama)

Cyfeirio at adroddiad yr International Monitoring and Advisory board oeddwn i. Tydw i heb gynnwys y linc, ond mi ddoi di o hyd i'r adroddiad drwy ddefnyddio Google. Toes gen i ddim byd i'w ychwanegu at y drafodaeth yma, a toes gen i ddim diddordeb mewn gwastraffu amser yn ail-adrodd fy hun.

gan **Cwlcymro** » Llun 31 Ion 2005 2:21 pm

Sioni, da ni wedi bod dros y ddadl olew fil gwaith. Os wyt ti isho ei ail-agor, dechreua edefyn "Ai Olew oedd pwrpas y Rhyfel" (dwi'm yn siwr faint neith ymateb, ond ma'n well na cymeryd drosodd edefyn arall er ei mwyn)

Ma'r cwestiwn o fuddiana y rhyfel yn un ddylsa gael ei drafod ddo. Yn enwedig ar ol etholiad ddoe, lle y gwnaeth 60% o Iraciaid bledleisio.

Yn sicr ma na dda wedi dod o'r rhyfal. Ma etholiad ddoe yn brawf amlwg o hynny. Ond ma na lot o ddrwg hefyd. Mi farwodd dros 50 o bobl yn Irac ddoe, 10 o rheini yn Brydeinwyr.
Dwi'n gwybod fod pawb yn anghytuno pan da ni'n dadla os oesna fwy o ddrwg ddrwg ta da, ond ma'r cwestiwn o werth y pres yn un y dylsa pawb, o Sioni i Garnet feddwl amdano.

Efo'r pres anferthol sy'n mynd i Irac, mi fysa ni wedi gallu taclo problemau'r byd, newyn, Aids, tsunamis, diffyg addysg yn y trydydd byd yn llawer mwy effeithiol. Heb son am broblemau yn America a Phrydain, cyffuriau, "binge drinking", yr NHS, diffyg athrawon, diffyg swyddi etc.

Os yda chi yn credu fod Irac mewn gaweth stad na cyn y rhyfal, yn amlwg newch chi ddim credu fod o werth y pres. Ond be am y bobl sy'n cefnogi'r rhyfal? Ydi'r da da chi'n weld yn Irac werth mwy na'r da fysa wedi ei greu drwy wario'r pres ar betha erill?

gan **Garnet Bowen** » Llun 31 Ion 2005 5:28 pm

Dwi'n falch dy fod di'n cydnabod fod 'na rhyw dda wedi dod o'r rhyfel 'ma, CwlCymro. I raddau, mae hi'n amhosib i ni benderfynnu rwan os ydi manteision y rhyfel yn cyfiawnhau'r gost - y gost ariannol, a'r gost ddynol. Mae gan y rhyfel yma botensial aruthrol. Fe allai cyfundrefn ddemocrataidd-ryddfrydol yn y dwyrain canol fod o werth aruthrol i holl bobl y byd. Byddai'n cyfoethogi bywydau'r rhai sy'n gorfod byw yn yr ardal, ac fe allai wneud y byd i gyd yn saffach ac yn fwy sefydlog. Byddai canlyniad o'r fath yn amhrisiadwy, ac yn llawn gyfiawnhau cost y rhyfel. Ond amser yn unig a ddengys beth fydd effaith y rhyfel yma ar y byd.

Faint mae rhyfel Irac yn gostio?

Faint mae rhyfel Irac yn gostio?

Pwy sydd ar-lein