maes-e.com

Postiwyd: **Sad 05 Tach 2005 10:10 am**

Dwi'n ochri efo Cardi.

Postiwyd: **Sad 05 Tach 2005 10:05 pm**

Rhys Llwyd a ddywedodd:Dwi'n ochri efo Cardi.

Dwi'm yn credu mai mater o "ochri" 'da neb ydi hi ... fel dywedodd HRF, mae'r Lleng Prydeinig ac Ymddiriedolaeth yr Arglwydd Haig yn rhoi cymorth gwerth chweil i'r sawl sydd wedi dioddef tra'n ymladd yn y rhyfeloedd yn ogystal

Postiwyd: **Sul 06 Tach 2005 4:13 pm**

Y gwahaniaeth, o beth dwin ddeall.

Mae'r pabi gwyn yn dangos eich bod chi'n cofio am bawb bu farw, ond ar yr un pryd yn dweud na ddylai'r rhyfel fod wedi digwydd yn y lle cyntaf.

Mae'r pabi coch yn dangos eich bod chi'n cofio am bawb bu farw, ond ar yr un pryd yn dweud buasech chi'n neud union yr un peth eto petai rhaid.

Agos?

Postiwyd: **Sul 06 Tach 2005 4:29 pm**

Byddaf yn sicr yn gwisgo pabi.

Tydw i byth yn meddwl ei fod yn dangos Prydeindod na dim byd felly. Rhaid cofio sut ddaeth ein gwlad i fewn i'r Rhyfel. Yr oedd Prydain wedi arwyddo treaty gyda Gwlad Belg. Yr oedd Gwlad Belg isio cadw ei statws fel gwlad niwtral, a bydd Prydain yn eu helpu petaent yn dod at unrhyw drafferth. Gyda'r sefyllfa yma, dwi'n ei weld fel y ffordd orau ymlaen. Yr oedd Prydain yn gaddo amddiffyn Gwlad Belg yn filwrol, ond dim yn ymwrthod eu imperialaeth, fel mae'r UDA yn ei wneud heddiw. Dyma'r ffordd ymlaen yn y byd, i di-arfu pob gwlad. Os wneith pawb cytuno mai'r Cenhedloedd Unedig yw'r unig gorff gydag arfau, ac os ydych chi fel gwlad yn arwyddo at hyn, eich bod yn cael eich amddiffyn gan y CU.

Toeddwn i ddim yn ymwybodol o'r Pabi Gwyn, ond cofiwch, na cofio diwedd y Rhyfel Byd Cyntaf mae'r pabi, a phabi coch oedd yr un ddaru x(wedi anghofio'i enw) ei ddewis. Delwedd o'r rhyfel ei hun, sef y caeau brwydro - arwydd o fywyd newydd yng nhanol yr holl farwolaeth.

(Nes i fynd i wlad Belg yr haf ma, ac yn synnu gweld baner Cymru i fyny yn sgwar Ieper(Ypres). Mae'n dangos eu bod yn cydnabod ymdrech y Cymry.)

Postiwyd: **Sul 06 Tach 2005 4:57 pm**

Dwi wedi gwisgo'r pabi coch a'r pabi gwyn yn y gorffenol, a dwi'n cydnabod fod y penderfynniad lot i'w wneud efo dehongliad personol o symboliaeth y weithred. Ar un llaw, mae'r pabi coch yn cael ei ddefnyddio fel symbol llythrenol y Lleng Brydeinig. Mi fedrith rywun fod yn biwritanaidd o wrth-Brydeinig a pheidio a'u cefnogi, ond toes 'na ddim gwadu fod gwaith y lleng yn gwneud bywyd yn haws i lot o gyn-filwyr, ac mae hynny i'w gymeradwyo.

Ond ar lefel llai llythrennol, mae symbol y pabi yn un militaraidd. Cerdd John McCrae a ysbrydolodd y defnydd cyntaf o'r pabi, ac yn y gerdd hono, mae'r blodyn yn symbol rhyfelgar. Mae'r pabi i'w gweld yn tyfy rhwng y beddi, ac mae nhw'n ymgorforiad o chwant y meirw i barhau efo'r rhyfel. Neges y meirwon - yn ol McCrae - ydi i beidio ac ildio. "Take up our quarrel with the foe", medda nhw yn y gerdd.

Mae hi'n broblem anodd - mae'r pabi gwyn yn datgan yn gyhoeddus eich bod chi'n anghytuno efo'r Rhyfel Mawr, ac yn gwrthod haeriad McCrae fod y meirwon yn awchu am fwy o ladd. Ond mae'r pabi gwyn hefyd yn symbol o heddychiaeth - gwrthwynebu pob rhyfel - yn hytrach na dim ond y Rhyfel Mawr. Dwi ddim yn heddychwr, felly dwi ddim yn teimlo'n gyfforddus yn ei wisgo, bellach. A mae'r broblem fod pres y pabi gwyn yn cael ei wastraffu, i bob pwrpas, tra bo pres y pabi coch yn cael ei wario ar achosion da.

Postiwyd: **Sul 06 Tach 2005 5:40 pm**

Garnet Bowen a ddywedodd:A mae'r broblem fod pres y pabi gwyn yn cael ei wastraffu, i bob pwrpas, tra bo pres y pabi coch yn cael ei wario ar achosion da.

Yn union

Postiwyd: **Sul 06 Tach 2005 9:38 pm**

eusebio a ddywedodd:Dwi'm yn credu mai mater o "ochri" 'da neb ydi hi ... fel dywedodd HRF, mae'r Lleng Prydeinig ac Ymddiriedolaeth yr Arglwydd Haig yn rhoi cymorth gwerth chweil i'r sawl sydd wedi dioddef tra'n ymladd yn y rhyfeloedd yn ogystal

maes-e.com

Fyddwch chi'n gwisgo pabi coch?