Protest yn erbyn Bush yn Caerdydd 19/11/03

[RET79]

Mae'n taro fi fod dy ddadl di, a llawer un arall, yn datgan fod Bush yn wrong yn Irac achos mae yna wledydd eraill drwg - pam ddim ymosod ar y gwledydd hynny?

Ar un llaw mae'r chwith yn condemnio America am 'blismona'r byd' ond ar y llaw arall mae nhw'n cwyno nad yw America yn mynd mewn i wledydd eraill! Gwnewch eich meddwl fyny plis.

Dwi'n dweud ffug gan fod y rhelyw ohonoch o fewn Maes e sy'n ymosod ar Bush ar UDA yn mwynhau byw bywyd cwbwl Americanaidd, cinema, cerddorion, grwpiau pop, gemau cyfrifiaduron - typical o'r dosbarth canol Cymreig.

Pwynt arbennig o dda. Mae bron iawn pawb o'r chwith dwi'n nabod yn gwario lot mwy o arian na fi ar luxuries coelia neu beidio. Wedyn mae nhw'n cwyno fod byth ganddyn nhw arian a beio cyfalafiaeth...

[Boris]

Wel dyna'r ddadl wannaf i fi ei gweld ers tro byd. Mae'n ddigon clir i unrhyw un a hanner ymennydd nad yw America yn gallu cyfiawnhau ymosod ar Irac gan fod Irac yn berygl i bobl America, tra ar y llaw arall yn cefnogi Twrci, sydd yn berygl i bobl y Cwrdiaid. Moesoldeb ddethol yw hynna os welais i'r peth erioed. Mae'n gyfwerth a gweud bod pobl Cwrdistan yn llai pwysig na phobl America.

Os wyt ti'n meddwl mai helpu gwledydd ledled y byd y mae America, rwyt ti'n wirionach nag oeddwn i'n tybio i ddechre. Olew, olew a mwy o olew. Dyna maen nhw moyn.

Ac ynglyn a'r diwylliant, "byw bywyd cwbl Americanaidd"? Un gair, fy ffrind, a'r gair hwnnw yw bolycs.

Ddim hanner mor wan ag olew, olew, olew. Beth am y dystiolaeth? $87.5biliwn yw grant america i Irac flwyddyn yma. Grant di'r gair. Fe ymdrechodd y Democratiaid (Senotor Clinton yn un) i droi hwn yn fenthyciad gydag aria o werthu olew yn cael ei ddefnyddio er mwyn talu America yn ôl. Gwrthododd Bush - felly olew, olew,olew - spin, spin, spin.

O ran Irac V Twrci - 'two wrongs don't make a right'. Ond cofia fod yr Undeb Ewropeaidd yn cyfrannu'n anferthol i Dwrci - pam ddim ymosod ar yr UE??

Ac dy gyfraniad olad 'bolycs llwyr' - wel be mae hyn yn feddwl? Byth yn gwylio videos neu ffilmiau, byth yn gwylio teledu o America? Ti'n fwriadol ysgoi Bud? Ddim yn defnyddio Microsoft? O Duw mae yna air bach sy'n ymateb yn dda i'th ddadl - bolycs!

[Boris]

Bedi hyn? Y faner wen yn hedfan?
"Lle yn union ti'n gweld unrhyw beth sy'n cyfiawnhau dy ddatganiad"
Eh? Stryglo yda ni?
Ymelaetha, plis, mi fydd hyn yn dda.

'Byw bywyd cwbl Americanaidd' yda ni? Nabod ni'n dda dwyt? Yndi, clasur arall gan y dyn ar y rhaffau - ti'n beio ni oherwydd fod y diwylliant Americanaidd ymhob man o dy gwmpas drwy bwer y ddoler. Arbennig.

Cyhuddo ni o beidio gwrando a sbio ar ddim ond yr americans. Ia, shot, sut fedra ni ddod yn ol o'r ergyd dreiddgar yna. Ti'n cymysgu ni hefo dy deip di dwi'n meddwl.
Ers pryd mae gemau cyfrifiadur a cherddoriaeth yn ddiwylliant gwreiddiol americanaidd p'run bynnag? A sinema hefyd o ran hynny. Dangos dy oed yn fama taid?

O ni'n dweud bod ti'n slo. Angen meddwl am hynna oedd Sioni bach. Golygwyd unwaith gan Sioni - stryglo braidd ddwedwn i

[ceribethlem]

Dim angen bod yn ymosodol Boris. Mae pawb yn gwneud camgymeriadau, dyw hyn ddim yn golygu fod rhywun yn dwpach.

Ta beth nol at y pwynt.

Boris :
Mae'n taro fi fod dy ddadl di, a llawer un arall, yn datgan fod Bush yn wrong yn Irac achos mae yna wledydd eraill drwg - pam ddim ymosod ar y gwledydd hynny?


Ar un llaw mae'r chwith yn condemnio America am 'blismona'r byd' ond ar y llaw arall mae nhw'n cwyno nad yw America yn mynd mewn i wledydd eraill! Gwnewch eich meddwl fyny plis.

Nid cwyno fod America ddim yn digon yw'r sylw mae pobl yn ei wneud, yn hytrach dweud nid yw'n iawn fod America a'r DU yn gallu cyfiawnhau rhyfel oherwydd ymddygiaid Saddam at y Cwrdiaid oherwydd fod Twrci yn ei wneud i'r un raddfa os nad mwy.

Os mae'n hanfodol achub Cwrdiaid Irac, yna mae'n hanfodol achub Cwrdiaid Twrci.
Cwrd yw Cwrd, nid yw'r ffaith fod Twrci yn hytrach nac Irac yn ei ormesu yn newid hyn.

Dwi'n dweud ffug gan fod y rhelyw ohonoch o fewn Maes e sy'n ymosod ar Bush ar UDA yn mwynhau byw bywyd cwbwl Americanaidd, cinema, cerddorion, grwpiau pop, gemau cyfrifiaduron - typical o'r dosbarth canol Cymreig.

Ers pryd mae gerddorion yn beth Americanaidd. Dwi'n siwr fod ambell un o'r composers Clasurol mawr wedi byw a marw cyn ddyfodiad yr UDA.

Ta beth mae honni ein bod yn byw bywyd hollol Americanaidd oherwydd ein bod yn mynychu'r sinema ayyb gyfystyr a dweud mai byw bywyd Cymrieg wna bobl Sydney oherwydd eu bod yn cael Eisteddfod blynyddol.

Mae pobl y Byd yn defnyddio'r teledu, ydy hyn yn golygu taw byw bywyd Prydeinig ydynt oherwydd John Logie Baird (os taw hwnnw dy'r sillafiad)?

[Gwahanglwyf Dros Grist]

Ac dy gyfraniad olad 'bolycs llwyr' - wel be mae hyn yn feddwl? Byth yn gwylio videos neu ffilmiau, byth yn gwylio teledu o America? Ti'n fwriadol ysgoi Bud? Ddim yn defnyddio Microsoft? O Duw mae yna air bach sy'n ymateb yn dda i'th ddadl - bolycs!

Yr hyd ddywedest ti oedd ein bod ni'n byw bywyd cwbl Americanaidd. Tra bod dylanwadau Americanaidd amlwg yn fy myd, mae hefyd dylawnadau Cymreig/Cymraeg, Saesneg/Seisnig hefyd. Rwy yn hoff o rai agweddau ar ddiwylliant America, ond fwy na heb maen nhw'n bethau sy'n datgelu rhagrith y wlad, fel Michael Moore, Rage Against The Machine ac ati.

Enghraifft berffaith yw'r hyn 'nes i neithiwr. Mynd i chwarae snwcer (gem Seisnig) mynd i'r sinema (dylanwad Americanaidd) dod gartref a darllen nofel Gymraeg. Ymhle y mae'r "bywyd cwbl Americanaidd. Cymysgedd o ddylawnadau sydd yno, fel rwyt ti'n gallu gweld.

[Owain Llwyd]

Ar un llaw mae'r chwith yn condemnio America am 'blismona'r byd' ond ar y llaw arall mae nhw'n cwyno nad yw America yn mynd mewn i wledydd eraill! Gwnewch eich meddwl fyny plis.

Dw i ddim yn gweld hwn yn ddadl gref iawn. Mae fel taswn i'n collfarnu rhywun (sydd yn honni bod yn gyfaill mawr i'r ddynoliaeth) am groesi'r stryd i ymosod ar rywun a dwyn eu pres, wedyn yn ei gollfarnu fo am beidio â chroesi'r stryd i atal hynny rhag digwydd i rywun arall - wedyn bod chditha'n dweud nad oes modd fy nghymryd i o ddifri achos 'mod i wedi dangos anghysondeb llwyr o ran fy agwedd at groesi'r stryd.

Dwi'n dweud ffug gan fod y rhelyw ohonoch o fewn Maes e sy'n ymosod ar Bush ar UDA yn mwynhau byw bywyd cwbwl Americanaidd, cinema, cerddorion, grwpiau pop, gemau cyfrifiaduron - typical o'r dosbarth canol Cymreig.

Pwynt arbennig o dda. Mae bron iawn pawb o'r chwith dwi'n nabod yn gwario lot mwy o arian na fi ar luxuries coelia neu beidio. Wedyn mae nhw'n cwyno fod byth ganddyn nhw arian a beio cyfalafiaeth...

Dydi o ddim yn bwynt arbennig o dda o gwbl. Mae Boris wedi gwneud pwyntiau dipyn yn well na hwnna.

Dw i'n reit hoff o lawer o agweddau diwylliannol ar yr Unol Daleithiau ers darganfod comics DC pan o'n i'n dair oed, ond dw i'n methu'n lân a gweld sut mae hynny'n anghyson efo meddwl bysa'r wlad yn well lle tasa'r criw presennol ddim wrth y llyw.

[Cardi Bach]

Boris, unweth eto mae'n ymddagos i mi dy fod yn mynd yn ymosodol yn dy amddiffyniad o bopeth asgell dde pan fo rhywun 'ar y chwith' yn rhoi gosodiad.

Onid oe't ti yn erbyn y rhyfel yn Irac?

Ynghylch $87bn i Irac, mae e hefyd wedi sicrhau $300bn i'r Pentagon. mae'n amlwg le mae ei flaenoriaethau.

Mae dy ddadleuon yn amlwg yn trial tynnu oddi ar y prif bwynt sef yw fod hi ddim yn bosib cyfiawnhau rhyfel Irac.

Ond mae sawl edefyn arall yn trafod hynny.

Fi'n falch i allu dweud y bydd yna weithredu yn Aberystwyth ddydd Llun nesaf 12-2 tu allan i Siop y Pethe i ddweud nad oes croeso i Bush, ac i ddangos fod ein trethu ni wedi talu am y gyflafan yn Irac.

[Newt Gingrich]

Ac dy gyfraniad olad 'bolycs llwyr' - wel be mae hyn yn feddwl? Byth yn gwylio videos neu ffilmiau, byth yn gwylio teledu o America? Ti'n fwriadol ysgoi Bud? Ddim yn defnyddio Microsoft? O Duw mae yna air bach sy'n ymateb yn dda i'th ddadl - bolycs!

Enghraifft berffaith yw'r hyn 'nes i neithiwr. Mynd i chwarae snwcer (gem Seisnig) mynd i'r sinema (dylanwad Americanaidd) dod gartref a darllen nofel Gymraeg. Ymhle y mae'r "bywyd cwbl Americanaidd. Cymysgedd o ddylawnadau sydd yno, fel rwyt ti'n gallu gweld.

Heb drio bod yn boen, ond lle yn union na'th Boris ddweud dy fod yn byw bywyd CWBWL americanaidd. O edrych ar dy ddyfyniad yr hyn mae o'n ofyn wyt yn derbyn dylanwad americanaidd bob dydd?

Fel un sydd wedi cyfrannu i Maes e bob dydd anodd i ti wadu fod hyn yn wir. Me thinks you protest too much!

[Newt Gingrich]

Boris, unweth eto mae'n ymddagos i mi dy fod yn mynd yn ymosodol yn dy amddiffyniad o bopeth asgell dde pan fo rhywun 'ar y chwith' yn rhoi gosodiad.

Onid oe't ti yn erbyn y rhyfel yn Irac?

Ynghylch $87bn i Irac, mae e hefyd wedi sicrhau $300bn i'r Pentagon. mae'n amlwg le mae ei flaenoriaethau.

Mae dy ddadleuon yn amlwg yn trial tynnu oddi ar y prif bwynt sef yw fod hi ddim yn bosib cyfiawnhau rhyfel Irac.

Ond mae sawl edefyn arall yn trafod hynny.

Fi'n falch i allu dweud y bydd yna weithredu yn Aberystwyth ddydd Llun nesaf 12-2 tu allan i Siop y Pethe i ddweud nad oes croeso i Bush, ac i ddangos fod ein trethu ni wedi talu am y gyflafan yn Irac.

Cwpwl o bwyntiau,

Lle mae Boris wei datgan fod o yn erbyn y rhyfel - Boris rho ateb, Cardi - unrhyw dystiolaeth?

Dwi ddim yn credu mai teg yw dadlau nad oes modd cyfiawnhau y rhyfel yn Irac. Mae'r ffaith fod Saddam wedi colli grym yn gyfiawnhad. Efallai nad oedd y dull o fynd i ryfel yn a-ok, ond mae posib cyfiawnhau y rhyfel 'because the end justifies the means'.

Gyda llaw, dwi ddim yn bod yn brofoclyd. Onid da o beth yw fod gwladwriaeth ffiaidd Saddam wedi syrthio? Onid oes modd dadlau fod hyn yn cyfiawnhau y rhyfel? Fydde fe'n od pe byddet yn anghytuno a thithau yn credu mewn hawlai dynol. Sdim rhaid cefnogi Bush (er dwi'n sympathetic) i ddatgan fod modd amddiffyn y rhyfel.

Ti'n condemio eraill am sweeping statements Cardi, ond falle dy fod yn euog o un fan yma - be ti'n ddeud?

[Cardi Bach]

Mi wnath Boris rhyw 'off the cuff remark' mewn trafodaeth arall yn datgn nad oedd yn gefnogol i'r rhyfel. Sticodd hyn gyda fi achos odd e'n swno fel un o'r Tori's mwy 'Rhyddfrydol', Kenneth Clark a'i deip.

Fel Heddychwr dyw datgan nad oes modd cyfiawnhau rhyfel o gwbwl ddim yn sweeping o gwbwl. 'The end never justifies the means'.

Yr engrhaifft amlyca yw De Affrica, lle, er fod ymgyrchoedd treisgar wedi cael eu rhedeg yno, trwy ddulliau heddychlon, ac yn y pendraw democrataidd, y cafodd y Negroaid gydraddoldeb (beth bynnag ma hynny'n golygu heddiw, ond mater arall yw hynny). Chwyldro ymhlith y bobol - chwyldro yng nghydwybod ac ymwybyddiaeth pobol. Gallai hyn wedi digwydd yn Irac. Yn anffodus roedd sancsiynnau y CU wedi rhwystro unrhyw ddatblygiad o'r fath - yn ironig. Mewn ffordd sadistaidd, er nad oedd saddam yn 'major playor' yn rhyngwladol, golygodd fod ei afael ar gymdeithas yn Irac gymaint a hynny'n gryfach, a fod y trigolion cyffredin gymaint a hynny'n wanach a thlotach. Roedden nhw'n canolbwyntio ar fyw o ddydd i ddydd oherwydd sancsiynnau ffiaidd y CU a rwystrodd iddyn nhw ddatblygu trefn chwyldroadol mewnol.

'Two wrongs don't make a right' - felly er fod llywodraethau y gorllewin wedi gwerthu arfau a deunydd cemegol a biolegol (a niwclear - deunydd i adeiladu 'nuclear reactor') i lywodraeth Saddam, ac yntau wedi eu defnyddio yn llawn, nid yw mynd i fewn yno a bomio, gyda degau o filoedd o bobl ddiniwed yn dioddef yn uniongyrchol, a channoedd o filoedd yn fwy yn anuniongyrchol, ddim yn gwneud yn iawn am bolisiau tramor ffol y 70au a'r 80au.

Gobaith mawr Bliar yw fod y ddadl yma o 'wel, o.k. does dim WMD yno, ond edrychwch, ni wedi cael gwared ar Saddam' yn mynd i wreiddio ym meddylfryd pobol a'n bod ni'n anghofio iddo fe ddweud celwydd er mwyn arwain dynion a merched ifenc i ryfel. Er nad ydw i'n cytuno gyda cael byddinoedd ac ati, onid yw'r ffaith ido ddanfon miloedd o ddinasyddion Prydain i enau marwolaeth ar sail celwydd yn ddrwg? Gall neb ei drysto fe eto.