Dychmygwch............

[Realydd]

Gyda amser fe fydd pobl Irac yn ddiolchgar i'r Americanwyr gan bydd nhw'n cael dewis pwy sy'n rhedeg eu gwlad.

Y pwynt o fy neges blaenorol yw i roi sylwadau rhai o'r maeswyr yn eu cyd-destun: un peth yw beirniadu'r operation os chi'n gefnogol i fynd mewn yn ylle cyntaf, faint o gynlluniau sy'n mynd yn berffaith yn y byd real beth bynnag? ... ymddengys fod mwyafrif y maeswyr fel mater o egwyddor yn erbyn mynd fewn yno'n y lle cyntaf (i.e. y realiti: byddai Saddam dal mewn pwer) ac felly'n ymgeisio i danseilio ymdrechion byddinoedd Prydain ac America yn Irac.

[Macsen]

Does dim wir dewis erbyn hyn ond cefnogi milwyr Prydain, America ayyb, yn y gobaith y bydd y rhyfel yn cael ei redeg mewn ffordd cymwys a digonol. Tydi pwyntio allan y faith fod yr ymosodiad ar Fallujah, er engraifft, yn cael ei redeg mewn ffordd erchyll ddim yn feddwl nad wyt ti o blaid gweld y fyddin yn llwyddo yn ei tasg, sef dod a rhyddid a democratiaeth i Iraq. Wrth gwrs mi allet ti ddweud 'ni ddylsen nhw fod wedi mynd mewn yn y lle cyntaf', ond yan ti'n mynd lawr y llwybyr 'dylsai'r UN heb roi sancisynnau ar y wlad', 'dylais'r UDA heb ddefnyddio depleted uranium', ac yn y blaen. Does dim peiriant amser ar gael, felly yr holl allen ni ei wneud rwan yw cefnogi yr amcanion mae'r fyddin yn honni ei bod yn anelu tuag atynt.

[Realydd]

Macsen dwi'n cytuno.

Nid yw enghraifft o anffawd sy'n mynd yn groes i'r cynllun yn dweud fod y penderfyniad o fynd i'r rhyfel yn y lle cyntaf yn angywir. Mae gorfoddelu yn y trafferthion mae byddin America a Phrydain yn ei gael yn warthus yn fy marn i.

[Cwlcymro]

Nid yw enghraifft o anffawd sy'n mynd yn groes i'r cynllun yn dweud fod y penderfyniad o fynd i'r rhyfel yn y lle cyntaf yn angywir.

Mae o yn ffactor. Os fysa popeth wedi mynd fel y cynllun mi fysa'r milwyr wedi cael ei croesawu hefo blodau ar y strydoedd, mi fysa ni wedi ffendio dega o WMD, mi fysa Falluja dal yn dref neis. Os fysa hynnu wedi digwydd, mi fysa pobl o blaid y rhyfel yn ei ddefnyddio fel prawf fod y penderfyniad i fynd i ryfel yn un da.

Mae gorfoddelu yn y trafferthion mae byddin America a Phrydain yn ei gael yn warthus yn fy marn i

Ma na wahaniaeth MAWR rhwng cwyno am dactegau America a 'gorfoleddu' pan ma'i milwyr yn marw. Swn i'n licio meddwl fod na neb ar y maes ma yn gorfoleddu pan mae unrhywun yn marw, Americanwr, Prydeinwr na Iraci.

[Ffinc Ffloyd]

Gyda amser fe fydd pobl Irac yn ddiolchgar i'r Americanwyr gan bydd nhw'n cael dewis pwy sy'n rhedeg eu gwlad.

A-ha.

Mi fedri di ddadlau, felly, (gyda gwyneb syth, sy'n ddigon o gamp ynddo'i hun) y byddai pob Iraci wedi dewis bod America'n ymosod?

WRTH GWRS nad ydw i'n gorfoleddu pan glywa i bod Americanwr/Prydeiniwr arall wedi'u lladd. Mi ydw i wrth gwrs yn gobeithio fod y farwolaeth hynny'n mynd i wneud i America a Phrydain ail-feddwl, ond dydi hynny ddim yr un peth o gwbl a dathlu'r farwolaeth.

Dwi ddim yn meddwl am eiliad y bydd Irac yn wlad hapus, sefydlog o dan reolaeth pyped Americanaidd. Dwi ddim ychwaith yn meddwl y bydd yr Iracis yn diolch am reolaeth o'r fath. Dwi'n ama y gwneith amsar fy mhrofi fi'n iawn ar hyn - yn y cyfamser, rhwydd hynt i bob neo-con feddwl fel arall - di o ddim fel bod nhw'n tueddu i adael i'r ffeithiau amharu ar rhywbeth mae nhw'n feddwl sy'n iawn.

[Realydd]

Bring back Saddam felly, Ffinc Ffloyd?

[Ffinc Ffloyd]

Iesu. Ma na echo o'r fforwm Materion y Byd yma.

Di hynna ddim cweit be dwi'n drio ddeud. Taswn i wedi cael fy ffordd (ffordd o siarad ydi hynna, ddim fi'n trio deud ma fi sy'n iawn wrth reswm) fydda na'm rhyfel wedi bod o gwbl.

Mae yna ryfel wedi bod, wrth gwrs, a mae'r Americanwyr mewn grym. Dwi'm yn gwybod a fydd pethau'n well o dan yr Americanwyr - yn sicr ar hyn o bryd di petha ddim yn edrych felly. Fydd yr etholiadau ddim yn datrys y broblem chwaith yn fy marn i achos fydd 'na ddim arweinydd yn dderbyniol i bob carfan o fewn Irac a'r tebygolrwydd ydi na fydd yr arweinydd fydd America isio ddim yn dderbyniol i ddim o'r carfannau.

Pan wyt ti'n honni mod i isio Hussein yn ol, dwi'n meddwl mai'r is-deitl ydi "felly mae hi'n well gen ti unbeniaeth a oedd yn gormesu pobl ac yn gadael i'w dinasyddion lwgu dan sancsiynau'r UN tra'n leinio ei phocedi ei hun na llywodraeth ddemocrataidd fydd yn cael ei hethol yn deg cyn bo hir'. Os ti'n ei rhoi hi felly, na, fyddwn i ddim isio gweld Saddam yn ol, a dwi'm yn meddwl bod na amgylchiada lle fyswn i yn dewis ei gael o'n ol, run fath a fyswn i wedi dewis peidio cael rhyfel yn y lle cynta (dwi'n gwybod bod hynna'n swnio'n od, ond mi dria i esbonio). Cryfder Saddam oedd cadw rheolaeth ar bob carfan a chadw Irac yn sefydlog. Alla i ddim cytuno efo'i ddulliau fo i wneud hynny, ddim mwy na galla i gytuno efo dulliau America, ond dwi yn amau na fydd America chwarter mor llwyddiannus yn cadw trefn, a dwi hefyd yn amau y bydd America'n difaru creu'r twll yma iddyn nhw eu hunain cyn bo hir.

[Selador]

Digon teg, ond nes i'm dadla nad oedd pobl Irac yn dallt y sefyllfa. Dwi yn meddwl fod fy mhwyntia cynharach i'n sefyll - os rwbath swn i'n deud ei bod hi'n haws i'r Iraciaid weld mai'r Iancs sy ar fai am y sefyllfa. Don i'm yn trio ymddangos yn patronising tuag at yr Iracis - dwi yn cytuno eu bod nhw'n dallt y sefyllfa, ac yn sicr taswn i yn eu sgidia nhw mi faswn i'n barod iawn i feddwl y gwaetha o'r ymosodwyr.

Diwedd y gan ydi na ddylai'r Cynghreiriaid fod yna yn y lle cynta. Mae'r ddadl WMD wedi ei phrofi i fod yn gwbl ddi-sail (a dwi yn meddwl fod pobl sy'n dadlau nad ydi hynny'n wir yn unllygeidiog tros ben - toes 'na neb mor ddall a'r person sy ddim isio gweld) a dwi yn bersonol yn hollol yn erbyn y ddadl mai ymosod er mwyn rhyddhau'r Iraciaid wnaeth America. Does gan yr un wlad hawl i ddatgan eu bod nhw yn ymosod oherwydd eu bod nhw'm yn licio'r regime - dyna be ma'r UN da. (Ddim rwan ydi'r lle i drafod effeithiolrwydd yr UN - dwi'n cyfadda nad ydi o yn bob dim y gallai o fod, ond dydi hynny ddim yn newid fy mhwynt i). Nid plismon y byd mo America, a dydi hi ddim yn wlad sy'n parchu democratiaeth chwaith. Noder y ribidires o wledydd gyda llywodraethau DEMOCRATAIDD a gafodd eu tanseilio a'u dinistrio gan America, yn aml iawn gan achosi regimes gwaedlyd a chreulon tros ben i godi yn eu lle (Brazil (Goulart), Chile (Allende), El Salvador, Indonesia (Sukarno), Haiti, Cambodia (ddim yn cofio yr arweinydd, ond heb gefnogaeth America fyddai Pol Pot a'r Khmer Rouge heb ddod i rym) ac Irac (ia, Irac - America helpodd ddod a Saddam i rym yn 1968. Faint mor ironic ydi hynna??)). Mae America'n licio democratiaeth pan mae'r gyfundrefn dan sylw'n gwneud be mae America isio.

Dwi eto i ddod ar draws ddadl dros y rhyfel sy ddim yn sarhau fy neallusrwydd i. Dwi'n edrych ymlaen yn fawr at y dydd y sylweddolith Bush ei fod o wedi creu ail Vietnam.

Neshim deud dim am sail y rhyfel, deud neshi modi ddim yn gweld bai ar yr Iraciaid am wrthryfela yn erbyn yr Americaniaid cyn darllen be sgwennodd Arabateia. Ma'r ffeithiau'n ddigon diolch yn fawr, does dim angen sdori i ddisgrifio sefyllfa yr Iraciaid.

[Arabiata]

Gan bod ti wedi cyfeirio at hynny Selador. Ges i cwot yna gan rywun go iawn mewn tref ym mynyddoedd Morroco. Gwlad debyg i Irac o ran ei chrefydd a'i arabiaeth- mi oedd yn ymwybodol o be oedd yn digwydd ond pan ti'n llwgu ac yn chwilio am y pryd nesa, mae trafod y newyddion yn dod yn eilradd. Nid fi ddudodd hynny ond ryw hen wr call iawn. Does yna ddim byd yn patronising am hynna.

[Garnet Bowen]

Mewn gwlad ddiffaith a thlawd, dach i'n berson sy'n byw o ddydd i ddydd yn chwilio am y pryd nesa, yn gweddio bum gwaith y diwrnod i Allah ac yn ceisio gwneud bywoliaeth gyda'ch mul yn cario'r cynnyrch i'r pentref nesaf.

Nid gwlad diffaith a thlawd mo Irac. Mae'r syniad o Iraciaid fel criw o weision ffarm yn crwydro o gwmpas efo'u mulod mor bell o'r gwir fel ei fod yn chwerthinllyd.

Dych chi ddim yn gwybod fawr ddim beth sy'n digwydd yn y byd oherwydd dydi'r papur newydd ddim yn cyrraedd ond dach i'n gwylio'r teledu o bryd iw gilydd.

Sut fedri di ddeud hyn, a honi nad wyt ti'n bod yn nawddoglyd?

Ond yn sydyn un diwrnod fe ddaw awyrennau uwchben a gollwng bomiau ar hyd y lle gan ladd y teulu drws nesa mewn un trawiad (ar ddamwain meddai'r estroniaid). Yn anffodus, drwy anffawd fuoch chi yn byw dan lywodraeth bellennig oedd yn filwriaethus ond chi sy'n talu'r pris.

Eto, mae'r syniad o "lywodraeth bellenig" yn creu camargraff o fywyd yn Irac, yn enwedig wrth drafod y rhai sy'n rhan o'r gwrthryfel - carfan drefol/dinesig, yn aml efo cysylltiadau personol neu ethnig gyda'r hen lywodraeth.

Yna, ymhen rhai diwrnodau tua'r gorwel rhua tanciau estron i'r ardal a daw milwyr o wareiddiad gwahanol a siarad yn filain mewn iaith estron gyda aelodau'r pentref ac yn ol pob son wedi camdrin llawer ohonynt. Beth fyddech chi yn ei wneud? Gwrthryfela neu dderbyn nhw gyda llawenydd?

Felly dim ond dau ddewis sy' 'na? Naill ai ti'n canu clodydd yr Americanwyr, neu ti'n eu saethu nhw? A mae pobl yn chwerthin ar ben George Bush am or-symleiddio.