'a Dduw ar drai ar orwel peth'

[Bleddyn]

Newydd ddod ar draws y llinell uchod gan Hedd Wyn.

A ninnau wedi cael cyfres Huw Edwards yn cwpla henno, a chyfres 1904,
oni ddylswn ystyried credo annianol yng nghyfiawnder, a'i anwybyddu fel ateb i gwestiwn Huw.. pam fod crefydd ar drai?

[finch*]

Roedd trafodaeth ddiddorol iawn ar 5Live nos Lun yn dilyn y cyhoeddiad fod 35miliwn o bobl Prydain yn cyfri eu hunain yn Gristnogion. Y prif gwestiwn oedd a ellid cyfri Prydain yn wlad Gristnogol bellach yn dilyn

1. Y dirywiad mewn mynnychaeth capeli ac eglwysi (yw hwnna'n air?)
2. Y twf sylweddol yn y boblogaeth ethnig yn ystod y ganrif ddiwethaf gyda nifer fawr o gymunedau Mwslemaidd/Hindwaidd ymron pob dinas a thref bellach.

Cafodd pwyntiau difyr eu gwneud am y ffaith bod yr 'eglwys' yn, ac wedi bod yn rhoi llawer gormod o bwyslais yn yr ystadegau 'bums on pews' o'i gymharu a faint o bobl sy'n creu yn rhywbeth. Yn bersonol dwi ddim yn credu mewn duw ond petasen i, dwi ddim yn gweld bod mynd i'r capel bob dydd Sul tra'n treulio gweddill yr wythnos yn bod yn gas i bawb yn grefyddol iawn. Gall rhywun gredu yn rhywbeth ond dyw e ddim yn gwneud nhw yn fwy o grediniwr na'r deiacon sydd yn y set fawr bob Sul (neu Sadwrn/Gwener/Mercher be bynnag fo'ch crefydd)

[sanddef]

dw'i'm yn gristion fy hun,ond gresyn nad oes yr ymlyniad ymhlith y Cymry a fu gynt.

[Cwlcymro]

Ti'n clwad lot am faint o 'practising muslims' etc sydd yn y wlad. Faint o 'practising Christians' sydd yma? Fy hun dwi'm yn coilio mewn unrhyw Dduw, ond mi nesi dal dicio'r bocs 'Cristnogol' yn y cyfrifiad, a mai ddigon posib os dwi byth yn priodi ma mewn eglwys/capal y gwnai.

[Cwlcymro]

Gyda llaw, ydi hwn yn fatar o Rhyfel a Heddwch?

[sanddef]

Gyda llaw, ydi hwn yn fatar o Rhyfel a Heddwch?

Mae'n fater o Heddwch,efallai.Mae'n arwyddocaol o'r Gymru fodern nad oes seiat i ddelio a chrefydd!
Dw'i'n credu bod pobl heddiw yn gweld pethau ysbrydol fel pethau personol nad oes angen eu mynegi trwy ymuno a rhyw glwb crefyddol.Mae person deallus yn gallu meddwl am gwestiynau fel pwy ydw i,oes Duw,be' di'r pwynt ac yn y blaen heb angen cymorth oddi wrth sefydliadau crefyddol.Gallwn ddarllen llyfrau o bob cornel y byd a chael ein atebion personol trwy ein profiadau ein hun.A gallwn gael peint ar y Sul hefyd,diolch i'r drefn!

[Cardi Bach]

Gyda llaw, ydi hwn yn fatar o Rhyfel a Heddwch?

Mae'n fater o Heddwch,efallai.Mae'n arwyddocaol o'r Gymru fodern nad oes seiat i ddelio a chrefydd!

[os wyt ti am ymuno a'r seiat grefyddol, 'Criw Duw', danfon neges breifat at lowri larsen sy'n cymedroli .]

[Dielw]

Newydd ddod ar draws y llinell uchod gan Hedd Wyn.

A ninnau wedi cael cyfres Huw Edwards yn cwpla henno, a chyfres 1904,
oni ddylswn ystyried credo annianol yng nghyfiawnder, a'i anwybyddu fel ateb i gwestiwn Huw.. pam fod crefydd ar drai?

Gwybodaeth a rhyddid i feddwl, mathemateg, cyffuriau. Yr unig ellyll wedyn di'r rhai yn dy ben. Hwre!

[Macsen]

Er nad ydw i'n gristion, mae'n biti gen i fod Cristnogaeth yn diflannu. Mae hyn oherwydd bod crefydd yn rhan bwysig o'n diwylliant ni, ac hefyd am fod pobl Cristnogol yn tueddu i fod yn llai anfad na phobl sydd ddim. Gwaetha'r modd mae nhw'n tueddu i fod yn bobl balch iawn, ac mae hynny'n mynd ar nerfau nifer, ond o leiaf wneith nhw ddim dwyn neu dy daro di dros dy ben a botel o win ar nos Wener.

[Treforian]

nes i stpoio mynd i capel achos bod hynny yn gwneud i mi gasàu crefydd yn gyfangwbwl.

ddim unwaith mewn deuddeg mlynedd o fynd i gapel, oedd â digon yn mynd iddo, y ces i'r teimlad bod y gwasanaethau unrhywbeth i wneud hefo gwir addoliad.

mae hi'n dal yn gwestiwn gen i faint o'r pobl oedd yn mynychu edd â chred yn nuw.

dwi'n cofio cael un o fy modrybedd yn canmol pregethwr am fod mor dda hef o plant ar ol hyn:

y...

na?

na.

wel na finna chwaith.
sa lot gwell gen i fod adra yn y ngwely

dwi ddim yn meddwl swn i yn credu mewnunrhywbeth o gwbwl rwan tyswn i yn dal i fynychu capel; yr unig beth oedd mynd yn ei wneud i mi oedd gwneud i mi gasàu y lle, y grefydd, y duw, y pobol oedd yno, pob dim.