Arian lleol

Y Ddaear - cara hi neu gad iddi fod

Cymedrolwr: Dili Minllyn

Rheolau’r seiat
Y Ddaear - cara hi neu gad iddi fod. Pwyswch yma i ddarllen canllawiau cyffredinol maes-e.

Arian lleol

Postiogan Rhys » Iau 05 Meh 2003 10:14 am

Gall hwn fod yn fwy priodol yn yr adran gwleidyddiaeth, ond mae gyda oblygiadau sy'n hyrwyddo cynaliadwyaeth econaomaidd ac amgylcheddol.

Ar y funud gelli’r defnyddio’r Ewro mewn rhai rhannau o Gymru fel Caergybi a Llangollen a defnyddio’r bunt heb unrhyw drafferth. Petai Prydain yn ymuno a’r Ewro (dwi’m yn gwbod digon i ddadlau o blaid nac yn ei erbyn – mond bo fi ddim eisiau gweld gwunab iau y hwren ar unrhyw geinioge dwi’n ei ddefnyddio), beth fyddai o le gyda dal i ddefnyddio’r bunt os da chi dal eisiau run pryd. Wela i ddim problem gyda defnyddio mwy nag un arian cyfredol.
Beth wnaeth i mi feddwl am y posibilrwydd yma oedd eitem ar Radio Wales bore ma yn son am sut mae mwyfwy o fobl yn defnyddio arian lleol/LETS (Local exchange trading schemes) ar yr un pryd a defnyddio’r bunt.
Dwi wedi clywed amdanyt o’r blaen, ond nid oeddwn yn ymwybodaol o’r rhai yng Nghymru.
Y Beacon yn Ne Powys
Y Teifi
Y Gwy

Oes mwy o’r rhain, oes rhywun ar maes-e yn eu defnyddio a beth yw eich barn amdanynt?

Dadl y siaradwr ar y radio heddiw oedd bod
* yr Ewro yn ddefnyddiol i fusnesau mawr rhyngwladol ac i unigloion yn ymweld a gwledydd eraill
* y bunt yn handi i fusnesau canolig sy’n gweithio’n ar draws ynys prydain
* a’r arian lleol yn fyddiol i fusnesau lleol a’r gymuned gan ei fod yn sicrhau fod y cyfoeth i gyd yn aros yn lleol
Soniodd Nic am y posibilrwydd o sefydlu un ar y we edefyn Datblygu maes-e>Prynnu a gwerthu.
Mae’n swnio’n ddiddorol
Dyma chydig mwy o wybodaeth amdanynt.
Rhithffurf defnyddiwr
Rhys
Cymedrolwr
Cymedrolwr
 
Negeseuon: 2176
Ymunwyd: Llun 19 Awst 2002 8:07 pm
Lleoliad: Caerdydd

Postiogan jimkillock » Gwe 06 Meh 2003 9:59 am

Mi oedd 'na un ym Mangor, ond mae o wedi stopio.

ie mae hyn yn bwnc diddorol iawn. Ar un lefel - osgoi'r llywodraeth a trethi -ar un arall - datblygu economi wirioneddol lleol.
Rhithffurf defnyddiwr
jimkillock
Defnyddiwr Efydd
Defnyddiwr Efydd
 
Negeseuon: 198
Ymunwyd: Gwe 15 Tach 2002 10:54 am
Lleoliad: Bangor

Postiogan nicdafis » Gwe 06 Meh 2003 4:14 pm

Fi oedd trefnydd CYFLE Teifi Taf am dair blynedd (CYFLE = <b>Cy</b>fundren <b>F</b>asnachu <b>Le</b>ol) ond erbyn hyn dw i ddim yng nghanol pethau, er mod i dal yn aelod.

Mae syniad tu ôl i CYFLE yn wych, ond dyw e ddim yn debyg i fynd <i>mainstream</i> yn y dyfodol agos.

Jim: dydy defnyddio arian lleol ddim yn ffordd i "osgoi'r llwyodraeth a threthi". Mae llwyodraeth yn gwybod am LETS, mae asiantaeth budd-daliadau yn debyg i stopo arian mas o dôl rhywun sy'n ddigon ffôl i ddweud bod nhw ennill Teifis yn eu hamser sbâr, a byddai diddordeb gan yr adran trethi hefyd, yn sicr 'sai rhywun yn ennill credydau LETS fel rhan o'u gwaith aferol. Er bod y hipis sy'n defnyddio LETS ddim yn credu fod e'n arian, neu fod e'n "well nag arian" mewn rhyw fodd, arian yw e yn ôl yr awdurdodau.

Ar un pryd, cyn i mi wneud cymaint o waith fel tiwtor Cymraeg, ro'n i'n ennill tua 10-20% o fy nghyflog misol fel Teifiaid. Wnes i ennill dros £2000 werth o gredydau mewn un flwyddyn. Y broblem oedd, ac yw, roedd yn annodd i mi wario'r blydi sdwff! Mae lot o luniau neis 'da ni yn y ty nawr, ac mae basgedi a chanwwyllau am oes 'da pawb yn fy nheulu, a ches i lot o refflecsoleg i helpu fi ymlacio ar ôl yr holl waith garddio ac adeiladu o'n i'n wneud, ond oedd hi'n annodd iawn i ffeindio rhywun oedd yn gwerthu bwyd, neu oedd yn gallu gofalu am ein hanifeiliad dros penwythnos.

Rheswm arall dw i wedi tynnu yn ôl tipyn bach o waith gweinyddu'r cynllun yw un o sgil-effeithiau'r fath grwp yw i greu is-gymuned o fewnfudwyr "amgen" a rhoi un rheswm arall iddyn beidio boddran dysgu Cymraeg a chymhathu yn y gymdeithas frodorol. Oedd yn annodd iawn i gael Cymry i ymuno â Teifi Taf, er i mi lwyddo i ryw raddau Cymreigio'r cynllun - posteri, llyfrau siec, datganiadau ac ati yn ddwyieithog, gyda dewis personol ym mha iaith oedd cofnodion "anghenion a chynhigion" yn ymddangos yn y cylchllythyr chwarterol. Wnaethon ni dipyn o waith hybu, erthyglau yn y papur bro, cyfweliad ar Radio Ceredigion, stwff yn y papur lleol yn y ddwy iaith, ond fel arfer pobl dwad yw'r aelodau newydd.

Mae'n bosib dadlau nad yw hyn yn beth drwg, ond yn bersonol, doedd dim digon o egni 'da fi gario ymlaen hybu a chynnal a chadw cynllun lle do'n i ddim yn gallu defnyddio fy iaith o ddewis wrth weithio, neu mewn cyfarfodydd. Sdim byd 'da fi yn erbyn Saeson (ac Almaenwyr, pobl Canada, Ffrancwyr ac ati, sydd hefyd yn fewnfudwyr di-Gymraeg) ond mae'n well 'da fi siarad fy iaith fy hun wrth weithio a chymdeithasu, os yn bosib.

Mae'n bosibl hefyd, taw y rheswm nag oedd y Cymry lleol yn ymuno oedd nad oedd angen y fath cyfundrefn: bod y rhwymau cymunedol yn dal i fodoli a bod y rhwydwaith cymdeithasol yn gryfach o lawer ymysg y bobl frodorol nag yw e gyda'r mewnfudwyr.

Ta beth.

Os oes diddordeb mewn ymuno Teif Taf (De Ceredigion, Gogledd Sir Gâr a Sir Benfro), cysylltwch â Cyfle Teifi Taf, Penfedw, Brongest, Castell Newydd Emlyn, SA38 9ES neu ebostiwch cyfle@teifitaf.org

Mae gwefanau gyda <a href="http://welcome.to/aberlets">AberLETS</a> a <a href="http://www.southpowyslets.org/">South Powys LETS</a> (Saesneg yn unig - fel dwedais i, dim digon o Gymry). Mae <a href="http://www.cix.co.uk/~nikki/odlets/index.html">Oswestry LETS</a> yn cynnwys aelodau yng Ngogledd Powys, dw i'n credu.

Mae mwy o gysylltiadau <a href="http://www.lets-linkup.com/4112-Wales.htm">yma</a> - dw i'm yn gwybod a yw bob un o'r grwpiau 'na dal i fynd.

Beth hoffwn i wneud, neu helpu rhywun arall wneud, yw sefydlu cynllun sy'n defnyddio meddalwedd ffynnon-agored, ar y we, i greu rhwydwaith masnachu amgen yn y Gymraeg yn unig. Mae sawl syniad 'da fi am sut i wneud hyn (byddai'n werth trial defnyddio'r papurau bro er enghraifft) ond does dim llawer o amser sbar 'da fi nawr, a dw i'n trial treulio llai o'm amser o flaen y cyfrifiadur.

Oes diddordeb, mewn theori, gyda pobl 'ma helpu mewn prosiect fel hyn?
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms

Postiogan Alys » Gwe 06 Meh 2003 4:31 pm

Ddaru ni feddwl am ddechra cynllun o'r fath yn yr ardal unwaith, wedyn clywais am yr un Syswallt, ond ddaru ni ddim ymuno yn y diwedd - am yr un rhesymau wyt ti'n eu hamlinellu mwy neu lai (gor-hipiaidd, diffyg cydbwysedd yn y stwff oedd pobl yn ei wneud, diffyg cynnyrch o wir ddiddordeb yn lleol, ayb... Hefyd roedd o'n edrych fel nad oedd o'n reit fywiog ar y pryd chwaith, dim ond cylch bach bach yn ei ddefnyddio).
Mae gynnon ni 'arian lleol' ein hunain - cwrw cartref 8) - mae'n talu ymysg ffrindiau am luniau, edrych ar ôl yr anifieiliaid pan fyddan ni i ffwrdd, massages ayb.
Ond nid fel rhan o drefn "ffurfiol".
Mae'r syniad o drefnu rhywbeth ar y we'n ddiddorol, dwi'n brysur fy hun hefyd ond baswn i'n cefnogi'r math na o beth ac yn fodlon helpu rhywfaint.
Rhithffurf defnyddiwr
Alys
Defnyddiwr Arian
Defnyddiwr Arian
 
Negeseuon: 552
Ymunwyd: Maw 03 Medi 2002 3:43 pm

Postiogan nicdafis » Gwe 06 Meh 2003 5:05 pm

Alys a ddywedodd:Mae gynnon ni 'arian lleol' ein hunain - cwrw cartref 8)


Wel, wrth gwrs, mewn byd perffaith fyddai dim angen arian o gwbl, ond yn anffodus dydy <i>barter</i> ddim yn mynd yn ddigon bell - fyddi di ddim yn gallu prynu car gyda dy gwrw, ond mae rhywun yn y LETS wedi prynu car gyda Teifis ac wedyn weithio i sawl aelod gwahanol i dalu'r dyled i ffwrdd.

Beth yw'r <i>exchange rate</i> rhwng cwrw Sir Drefaldwyn ac wyau Ceredigion?
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms

Postiogan nicdafis » Gwe 06 Meh 2003 5:28 pm

Mae llyfr diddorol am arian lleol nawr ar gael am ddim ar y we: <a href="http://www.sonic.net/~lrphoto/shortcircuit/contents.html">Short Current gan Richard Doughthwaite</a>. Mae gan Doughthwaite profiad o weithio gyda cynllun LETS yng ngorllewin Iwerddon - nid y Gaeltacht os dw i'n cofio yn iawn - ac mae'n sôn rhywle am y rhwyg rhwng y "ddwy gymuned", sef y brodorion a'r mewnfudwyr.
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms

Postiogan nicdafis » Gwe 06 Meh 2003 5:43 pm

Mae meddalwedd <a href="http://sourceforge.net/projects/weblets/">webLETS</a> ar gael am ddim. Dw i'n mynd i chwarae gyda fe. Sdim modd (hawdd) i wneud fersiwn lleol (h.y. nid Saesneg) ohono fe, sy'n drueni. Byddai'n bosib cyfieithu, ond ddim mor hawdd ag oedd phpBB, er enghraifft.

(Sori mod i'n postio cymaint yma, dw i moyn gadael olion i beth dw i wedi ffeindio.)
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms

Postiogan Alys » Gwe 06 Meh 2003 5:46 pm

nicdafis a ddywedodd:yn anffodus dydy barter ddim yn mynd yn ddigon bell - fyddi di ddim yn gallu prynu car gyda dy gwrw

Digon teg, ond go brin fasen ni'n medru prynu car hefo arian Syswallt chwaith. Dyna mhwynt rili. Hefyd dwi'n gweithio i gwsmeriaid ymhobman (dod ag arian o lefydd eraill a thramor i mewn i'r ardal :) ) felly fasen nhw ddim yn derbyn neu dalu arian lleol, felly dim ond ar gyfer rhai petha ac i gefnogi busnesau lleol bydden ni'n defnyddio fo, am wn i.
Beth yw'r exchange rate rhwng cwrw Sir Drefaldwyn ac wyau Ceredigion?

Sori mae gynnon ni ieir - ond ella noson yn sgubor Maesymorfa rywdro, medrwn ddod â chrêt ...
Mae'r linc am y llyfr yn ddiddorol, diolch
Rhithffurf defnyddiwr
Alys
Defnyddiwr Arian
Defnyddiwr Arian
 
Negeseuon: 552
Ymunwyd: Maw 03 Medi 2002 3:43 pm

Postiogan nicdafis » Gwe 06 Meh 2003 6:14 pm

Alys a ddywedodd:Sori mae gynnon ni ieir - ond ella noson yn sgubor Maesymorfa rywdro, medrwn ddod â chrêt ...


Syniad da. Dw i ddim yn yfed ar hyn o bryd, ond wedyn mae <a href="http://maesymorfa.com">Beudy</a> wedi'i fwcio am sbel eniwei.
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms

Postiogan Alys » Gwe 06 Meh 2003 6:20 pm

Dim yn yfed? :ofn:
Blydi hel gobeithio nad oes dim byd o'i le ...
Rhithffurf defnyddiwr
Alys
Defnyddiwr Arian
Defnyddiwr Arian
 
Negeseuon: 552
Ymunwyd: Maw 03 Medi 2002 3:43 pm

Nesaf

Dychwelyd i Amgylchedd a Chynaliadwyaeth

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 4 gwestai