Y Tywydd

gan **dave drych** » Sul 10 Ebr 2005 7:08 pm

Be'r ddiawl sy'n digwydd i'r tywydd yng Nghymru fach?!

Ai hyn yw cynhesiad byd-eang dynol yn dechrau cael effaith amlwg, weladwy ar yr hinsawdd?

gan **lleufer** » Sul 10 Ebr 2005 7:59 pm

Ges i air efo'r Bod Mawr yn ddiweddar i ofyn wrtho am gymorth dwyfol gyda sefyllfa'r mewnfudwyr, mae'n edrych fatha bo fi'n ei lyfrau da mis yma, achos mae o di poitshian o gwmpas fo'r tywydd, a'r si ydy bo'r saeson yn mudo tua Spaen 'rol cael llon bol o goesau noeth gwlyb. :winc:

gan **Mali** » Sul 10 Ebr 2005 9:05 pm

Mae'r tywydd yn ddipyn o benbleth yma hefyd.

Mae hi mwy fel gannol gaeaf na gwanwyn, ac mae'r llethrau sgio newydd ail agor ar ôl bod ar gau ers Ionawr 19 ....... :rolio:

Mali.

gan **mred** » Maw 12 Ebr 2005 2:55 am

Mi fues i'n cofnodi'r tymheredd y gaeaf yma, isio ffeithiau uniongyrchol ynglŷn â beth sy'n digwydd i'r tywydd, gan bod rhai yn dal i wadu bod y fath beth â newid hinsawdd.

Y tymheredd isaf a gafwyd ym Mangor oedd 1.4 C, hynny ydi wnaeth hi ddim rhewi O GWBL yma. Mi wn ugain mlynedd yn ôl y byddai tymheredd gyn ised a -3 C neu hyd yn oed -5 C yn digwydd yn rheolaidd bob gaeaf.

O edrych ar y patrwm yn ei gyfanrwydd, dwi'n credu mai (y gaeaf yma beth bynnag) beth sydd wedi digwydd ydi bod gaeaf rŵan wedi'i gywasgu i Ionawr - Mawrth, h.y. cyfnod llawer byrrach.

Mi oedd tymheredd isaf cyfartalog Mis Tachwedd 2004 3.5 C yn uwch na'r ffigur cyfatebol yn 1985 (wnes i ddim cofnodi Rhagfyr 1985 ac ymlaen).

Os ydi hyn yn cynrychioli gwir newid yn yr hinsawdd (a dwi ddim yn credu bod Gaeaf eleni yn anarferol yng nghyd-destun y tywydd a gafwyd yn ddiweddar), yna well i ni beidio â thrafferthu darparu ar gyfer ein pensiynau!!

gan **Chwadan** » Maw 12 Ebr 2005 10:11 am

mred a ddywedodd:Y tymheredd isaf a gafwyd ym Mangor oedd 1.4 C, hynny ydi wnaeth hi ddim rhewi O GWBL yma. Mi wn ugain mlynedd yn ôl y byddai tymheredd gyn ised a -3 C neu hyd yn oed -5 C yn digwydd yn rheolaidd bob gaeaf.

Oedd hi'n -3C yn Nolgellau nos Wener, a hitha'n fis Ebrill, ac mi fuodd hi'n bwrw eira nes oedd y Gader yn wyn dydd Iau :ofn:

gan **ap concord y bos** » Iau 27 Hyd 2005 9:51 am

Heddiw yw un o'r dwirnodau rhyfadd eto! Mai'n diwadd hydref, oedd hi'n tywallt gwyn a glaw ddoe a heddiw mae hi'n riiiiiiiiili cynnas, yn anaturiol o gynnas! Ac ar ffrynt bob papur newydd mae son am fygythiad y gaeaf oeraf o'n blaen................be ddiawl sydd yn digwydd??

gan **Mr Gasyth** » Iau 27 Hyd 2005 10:03 am

ap concord y bos a ddywedodd:Heddiw yw un o'r dwirnodau rhyfadd eto! Mai'n diwadd hydref, oedd hi'n tywallt gwyn a glaw ddoe a heddiw mae hi'n riiiiiiiiili cynnas, yn anaturiol o gynnas! Ac ar ffrynt bob papur newydd mae son am fygythiad y gaeaf oeraf o'n blaen................be ddiawl sydd yn digwydd??

Plis, plis, plis gawn ni aeaf oer. Eira, iei!

gan **eifs** » Iau 27 Hyd 2005 1:39 pm

mae na rhywbeth yn dweud wrthai fod y tymhorau yn symud ychydig ymlaen, mae'r gaeaf di symud fwy at mawrth/ebrill, gwanwyn mis mai- mehefin-ish haf yn symud tuag at diwedd medi, hydref yn mis rhagfyr, dwin meddwl

[/crafu pen]

gan **huwwaters** » Iau 27 Hyd 2005 2:24 pm

Ma Lili Fach y Gwanwyn wedi blodeuo'n barod mewn rhai llefydd.

Un ffactor pwysig arall, na fedr pobl ei wadu yw glaw asidig. Pan chi'n cael gormodedd o Garbon Deuocsid gyda dwr, mae'n ei droi'n asidig, neu yn Carbonic Acid. Dyma nwy mwy naturiol. Ma Sulphuric Acid hefyd yn cael effaith gwaeth. Dolen Wikipedia.

Y pwynt dwi'n cael at yma yw, fod y mor yn araf troi'n asidig. Byddai hyn yn golygu diwedd ar nifer o amgylchfydoedd unigryw fel y Barrier Reef.

Y Tywydd

Y Tywydd

Pwy sydd ar-lein