Trydan Gwyrdd

[Sali Boop]

Helo, gall unrhywun fy addysgu am drydan gwyrdd? dwi'n credu mai na beth yw'r term am "green electricity"? Oes gan unrhyw un drydan gwyrdd/gwybod am sefydliad sy'n ei ddefnyddio?

[gronw]

ychydig iawn dwi'n wybod amdano, heblaw ei fod yn cael ei greu trwy ddulliau amgylcheddol gyfeillgar yn amlwg. ond dwi'n eitha siwr fod modd ei gael am yr un pris a thrydan "arferol" -- os ydy hynny'n wir, fe ddylen ni wneud ychydig bach mwy o ymdrech i gael gafael arno (i'r gradde y gallwch chi gael gafael ar drydan)

dwi'n gwbod fod undeb myfyrwyr aberystwyth wedi bod yn ymgyrchu i gael y coleg i newid i drydan gwyrdd ers tro ond bod y coleg wedi bod yn araf iawn hyd yn hyn heb ddim rheswm i bob golwg (fel gyda phopeth arall) -- mae'n debyg mai prifysgolion sy'n defnyddio 10% o drydan gwledydd Prydain??!

[Madrwyddygryf]

DWi'n gwybod bod y Democratiaid Rhydfrydol wedi hysbysebu cwmni sydd yn cynnig trydan 'gwyrdd' ar eu wefan.

[Dielw]

ma trydan dal i ddod o'r grid cenedlaethol.....

[blod fresychen]

Mae cwmnïau Trydan Gwyrdd yn sicrhau eu bod nhw'n generadu yr un faint o drydan ar gyfer y grid cenedlaethol ag mae eu cwsmeriaid yn defnyddio trwy ddulliau adnewyddol (gwynt, hydro, solar ayb). Er fod llawer o gwmnïau yn cynnig tariff gwyrdd, dim ond un dw i'n meddwl sy'n 100% adnewyddol ar hyn o bryd sef cwmni Good Energy (unit-e gynt), mae'r gweddill yn sicrhau fod canran o'u trydan yn wyrdd. Mae modd cymharu credentials y gwahanol gwmnïau trwy ymweld â gwefan http://www.greenelectricity.org/.

Mae'r cwmnïau gorau fel Good Energy ac Ecotricity yn defnyddio'r tariff gwyrdd fel ffordd o yrru'r galw am ynni adnewyddol, a'u gallu nhw i fuddsoddi mewn rhagor o gynlluniau generadu, fel melinau gwynt Ecotricity ar safle ffatri Ford yn Dagenham.

[Taflegryn]

Os ei di i uswitch.com ac yna ffeindio cyflenwyr gwyrdd yna ffeindi di linc i Friends of the earth, ac y fana nei di ganfod pwy sy'n cyflenwi trydan gwyrdd.
Er bod pob cwmni mawr nawr yn deud eu bod nhw yn gyflenwi trydan gwyrdd, dye e ddim mor wyrdd a rai fel good energy ac ecotricity. Rhywbeth i wneud gyda 'tystysgrif cynhyrchu trydan gwyrdd' Mae cwmniau fel yr uchod yn dal ymlaen ir rhain ond mae cwmnioedd (e.e. swalec)yn gwerthu nhw bant. Dallt?!?!

[dave drych]

Dwi dal i gredu dylai'r Llywodreath hybu i solar panels (gair Cymraeg gwell?) gael eu gosod ar toi pawb.

Ia iawn, efallai yn ddrud i ddechrau, ond fyde'n lleihau ein dibyniaeth ar olew a'i effeithiau amgylcheddol a gwleidyddol.

A dwi'n dallt bod hi ddim yn braf pob un dydd, ond oleia mae'n creu rywfaint o drydan.

[-Orion yr Heliwr-]

Ia, rhai amgylcheddwyr sy’n defnyddio’r term i ddisgrifio beth yn union y maen nhw’n ei dybio fel ffynonellau pŵer sy’n “amgylcheddol gywir”. Mae’n rhaid iddo fod yn adnewyddadwy a ddim yn llygru mewn unrhyw fodd. Fyswn i’n meddwl fod “trydan gwyrdd” yn cynnwys egni geothermol, egni gwynt, heidropŵer, egni solar, egni biomas, egni llanw ac egni tonnau. Gobeithio fod hyn yn helpu.

[Chwadan]

dwi'n gwbod fod undeb myfyrwyr aberystwyth wedi bod yn ymgyrchu i gael y coleg i newid i drydan gwyrdd ers tro ond bod y coleg wedi bod yn araf iawn hyd yn hyn heb ddim rheswm i bob golwg (fel gyda phopeth arall) -- mae'n debyg mai prifysgolion sy'n defnyddio 10% o drydan gwledydd Prydain??!

Trydan gwyrdd ma prifysgol Rhydychen yn ddefnyddio - ma na ddadl fawr newydd fod ynglyn a gwario pres prin ar drydan drud

[blod fresychen]

Does dim rhaid i drydan gwyrdd fod yn anhygoel o ddrud - mae rhai cwmnïau yn cynnig opsiynau talu o flaen llaw er enghraifft sy'n golygu fod y pris yn debyg i'r hyn gewch chi o gwmni arferol. Hefyd mae cwmni Good Energy yn rhedeg cynllun prynu trydan o bobl sy'n generadu gartre. Felly os 'da chi'n generadu mwy o drydan nag 'ych chi angen mewn blwyddyn (gyda phanel solar neu felin wynt bach) bydd y cwmni yn eich talu, fel arall mi fyddan nhw'n tynnu gwerth unrhyw drydan 'da chi wedi rhoi i fewn i'r grid oddi ar eich bil trydan arferol. http://www.good-energy.co.uk/home_generation.asp