maes-e.com

Gwenoliaid y bondo yn nythu o dan ein bondo (wrth reswm). Pleser pur. Dwi wedi bod yn pigo mas i'w gweld nhw'n gyson ers sylwi arnyn nhw bore 'ma - adar ciwt tu hwnt.

he he ....pedwar boi dwi'n weld yn dy linc di !

Mali a ddywedodd:he he ....pedwar boi dwi'n weld yn dy linc di !

Ie wir, ond pa bedwar boi?

Gwell fyth, buom ni heddiw yng Nghastell Gwydris, ychydig dros y ffin yn sir Henffordd, ac roedd llond y lle o wenoliaid y bondo yn nythu ymhob twll a chornel. Roedd llawer o'r nythoedd ar eu hanner, a hyfryd iawn oedd gweld yr adar bach annwyl yn gweithio ychydig droedfeddi uwch ein pennau yn hedfan yn ôl a blaen efo llond eu cegau o fwd o’r afon. Diddorol gweld hefyd eu bod yn bur fodlon byw'n gymunedol, a rhai o'r nythoedd yn ddigon agos at ei gilydd.

Dili Minllyn a ddywedodd:

Mali a ddywedodd:he he ....pedwar boi dwi'n weld yn dy linc di !

Ie wir, ond pa bedwar boi?

Ha ! Clyfar ... Newydd weld y teitl yn y bar tasgiau rwan .

Cwtieir yn nythu ar ben rafft o sbwriel ar hen Ddoc Bute y Gorllewin yng Nghaerydd (Atlantic Wharf bellach). Braf gweld dyfeisgarwch natur (nythu ar ben y stwff) yn wyneb twpdra dyn (taflu'r stwff i'r doc yn yn lle cyntaf).

Carw corniog bore yng ngardd ein heglwys , ac arth ddu hardd pnawn 'ma wrth yml maes awyr Comox.

Dwy baroten dorchog uwchben cae Clwb Criced Taplow, swydd Buckingham. Wedi eu gweld nhw sawl gwaith o'r blaen - maen nhw'n eithaf cyffredin yng ngorllewin Llundain a'r cylch - ond mae'n dal yn brofiad cyffrous eu gweld.

7.30am heddiw: titw tomos las a dau aderyn y to ar fwrdd yr adar, a phum turtur dorchog yn aros eu tro ar y gwifrau telegraff. Dechrau da i'r diwrnod.

Wedi gweld haid o sociaid eira, neu beth bynnag yw lluosog socan eira. Trueniaid ohonyn nhw - wedi dod o Rwsia i ddianc rhag yr oerfel, i ganol gaeaf gwaethaf Prydain ers yr 1980au.

Crëyr Bach yn codi o Nant Lleucu, Parc y Rhath, yng nghanol dinas Caerdydd. Wedi'i yrru o'r arfofrdir, siwr o fod, gan yr oerfel