Cofiwch am yr adar bach...

gan **Dili Minllyn** » Sad 03 Chw 2007 8:55 am

Yng ngardd un o'm ffrindiau fi, mae'r gwiwerod wedi cnoi twll yn y basged cnau, a'r titwod glas yn glanio arno a'i siglo nes bod y cnau'n disgyn ar lawr, lle mae'r sguthanod yn eu bwyta. Welais i erioed y fath fodel o sosialaeth gydweithredol ymysg anifeiliad o'r blaen. :winc:

gan **Mali** » Sad 03 Chw 2007 8:51 pm

Fflamingo gwyrdd a ddywedodd:
Y bastyn hy!

Del iawn Fflamingo . :winc:

Newydd gael pamffled drwy'r post gan y Canadian Wildlife Federation, ac yn digwydd bod ,'roedd ganddynt wybodaeth ar be oedden nhw'n alw ' Birdfeeder Bullies' ! :lol:

Eniwê, 'roedd na baragraff ynddo yn sôn am wiwerod :

Your best chance at thwarting squirrels is to place feeders on posts with a baffle underneath. Position them at least three metres from launching points such as trees or fences.

Beryg fydd rhaid i ti symud dy fwydydd adar .....werth trio beth bynnag.

gan **Fflamingo gwyrdd** » Sul 04 Chw 2007 10:46 am

Wedi gwneud - mae o bellach yr ochor arall i'r ardd. Er, mae gwiwerod yn ddringwyr da, felly dwn i'm sut gwnaiff hynny lawer o wahaniaeth.

P'run bynnag - erbyn neithiwr, mi roedd gen i bioden ar y bwrdd. O leia mae pethau'n symud i'r cyferiad iawn!

Mae Mami a Dadi Fflamingo yma'r penwythnos yma, a chan eu bod nhw'n fore-godwyr, mi eisteddon yn bwyta'u brecwast wrth ffenast y gegin a gweld - TRI ROBIN GOCH, DAU TITW TOMOS LAS A MWYALCHEN! yn fy nerwen!

RISYLT!

gan **Fflamingo gwyrdd** » Sul 04 Chw 2007 10:46 am

(mi welon nhw gath a gwiwer hefyd)

gan **Mali** » Llun 05 Chw 2007 11:23 pm

Falch iawn o ddarllen fod yr adar yn dechrau dod at y bwydydd.

'Roeddwn innau'n meddwl am y wiwerod yn dringo i ben y bwydydd hefyd, ond mae'n rhaid eu bod well ganddynt neidio arno am ryw reswm.
Gobeithio bydd yr adar bach yn dal i ddod draw .....

gan **Dili Minllyn** » Iau 08 Chw 2007 2:03 pm

Gobeithio bod pawb wedi sgubo'r eira oddi ar fwrdd yr adar bore 'ma.

gan **Rhodri Nwdls** » Iau 08 Chw 2007 2:28 pm

Wedi gweld triawd o ditw cynffon hir bron yn ddof yn y Gerddi Botaneg, a dau aderyn na welais i rioed o'r blaen ar y Mynydd Du - Bronwen y Dŵr (Dipper) a Thinwen y Garn (Wheatear).

Doedd gan y Fronwen ddim cymaint o frown ag mae llun yr RSPB yn ei ddangos, ond efllai fod plu'r gaeaf yn edrych yn dduach.

Ches i ddim golwg dda ar y Dinwen, ond roedd na'n sicr fflach o las golau ac oren/melyn yno. Efallai taw Delor y Cnau oedd o, ond doedd na ddim coed mewn golwg.

gan **Dili Minllyn** » Iau 02 Awst 2007 11:02 am

Yn ôl adroddiad diweddar, mae’r haf gwlyb wedi bod yn wael iawn i un o’n hadar harddaf, betrisen.

gan **Rhodri Nwdls** » Iau 02 Awst 2007 12:50 pm

Rhaid i fi ddeud mod i wedi cael gwledd o adarydda yn Enlli. Yr Adar Drycin Manaw yn anghygoel, ac roedd hi'n wych cael gweld Pâl am y tro cynta.

gan **Dili Minllyn** » Iau 02 Awst 2007 8:25 pm

Rhodri Nwdls a ddywedodd:Roedd hi'n wych cael gweld Pâl am y tro cynta.

Mi welais rai ar Ynysoedd Farne flynyddoedd yn ôl. Adar hyfryd iawn.

Cofiwch am yr adar bach...

Pwy sydd ar-lein