Freecycle a Map o Gymru

[aberdarren]

Rwy newydd diweddaru Map o Gymru sy'n dangos datblygiad y Rhwydwaith Ailgylchu Freecycle ar draws y wlad.

Egluro'r map : mae'r sgwariau coch yn dynodi presenoldeb grwp Freecycle yn y Sir. Gweler y dudalen yma am restr o grwpiau a chysylltiadau.




Beth yw Freecycle ?

Mudiad ailgylchu byd-eang yw Freecycle

Pwrpas y rhwydwaith yw i atal pethau rhag mynd i gladdfeydd sbwriel.

Mae yna broblem enfawr yng Nghymru. Gweler y stori yma ar y BBC (yn Saesneg).

Gwirfoddolwyr sy'n gyfrifol am redeg y rhwydwaith trwy cynnal grwpiau lleol.

Fe ddefnyddir e-bost i hysbysu bobol am eitemau i'w ailgylchu yn lleol.

Rhaid i bopeth fod yn RHAD AC AM DDIM. Dyma egwyddor pwysicaf Freecycle. Nid lle i drafod arian na thaliadau yw Freecycle ond lle i fyd yn anrhegwr. Er mwyn annog pobol i roi rhaid i bob aelod newydd cynnig rhywbeth i'w ailgylchu fel neges cyntaf i'r grwp.

Y mae grwpiau Freecycle yn llwyddo ailgylchu nifer fawr o fathau o eitemau gan gynnwys dodrefn, dillad, offer trydanol, tocynnau ar gyfer cyngherddau... hyd yn oed ceir. Ac wrth gwrs, fe welwch un neu ddau bethau sydd yn ddigrif, megis copi o'r South Wales Echo a ailgylchwyd o un ochor o Gaerdydd i'r llall. Ac mae yna sawl gwr annoeth wedi ceisio ailgylchu ei wraig, ond wrth gwrs fe ddileuwyd negeseuon o'r fath!

Ystadegau

3,300 o grwpiau Freecycle a 1.8 miliwn aelodau. 190 grwp yn y Deyrnas Unedig ac Iwerddon gyda 90,000 o aelodau. 20 grwp yng Nghymru gyda 2,800 o aelodau.

Yn ystod 2005 fe welodd Cymru cynnydd aruthrol yn yn nifer o grwpiau a ddefnyddwyr. Freecycle Caerdydd yw ein grwp fwyaf yng Nghymru gyda 1,100 o aelodau.

Pa fath o bethau a ailgylchwyd yn ddiweddar yng Nghymru ?

sustem HIFI; offer gwneud pasta; bwrdd coffi; sgidie; bin sbwriel; pob fath o ddodrefn; gliniadur neu laptop; gwyddau; beic; meicrodon; llawer o bethau yn ymwneud a babis!; gwresogydd; hwfer; teledu; planhigyn ar gyfer y ty; tanc pysgod; ieir; cyfrifiadur a sawl VDU ... ayyb.

Fedrwch chi ofyn am bethau hefyd cofiwch !

Sut fedraf ymuno ?

Ewch i wefan Freecycle www.freecycle.org a chwiliwch o dan "United Kingdom" am eich grwp lleol.

Oes galw am siaradwyr Cymraeg ?

Mae angen gwirfoddolwyr o bob math ac yn enwedig siaradwyr Cymraeg i sicrhau bod y Gymraeg yn rhan o natur aml-ieithol Freecycle yn y dyfodol.

Ardaloedd yng Nghymru lle mae yna angen cymorth arbennig

Rydym yn awyddus i weld gwirfoddolwyr yn trefnu grwpiau yn yr ardaloedd a ganlyn :

Blaenau Gwent a Torfaen yn y De

Sir F

[Rhys]

Dwi wedi cofrestru gyda sawl Grŵp Freecycle yn y de ddwyrain ac wedi llwyddo cael gwared o ddodrefn trwyddo. Fel mae'n digwydd roedd y person ddaeth i n

[Fflamingo gwyrdd]

Pa fath o bethau a ailgylchwyd yn ddiweddar yng Nghymru ?

sustem HIFI; offer gwneud pasta; bwrdd coffi; sgidie; bin sbwriel; pob fath o ddodrefn; gliniadur neu laptop; gwyddau; beic; meicrodon; llawer o bethau yn ymwneud a babis!; gwresogydd; hwfer; teledu; planhigyn ar gyfer y ty; tanc pysgod; ieir; cyfrifiadur a sawl VDU ... ayyb.

[aberdarren]

Oes yna ryw rwydwaith o weinyddwyr Freecylce ar lefel Cymreig neu Prydeinig (dwi'n cymeryd bod i ti fod wedi casglu'r wybodaeth uchod)

Oes, mae yna rhwydwaith a threfnir ar lefel Prydeinig. Yng Nghymru rydym yn cydweithio fel rhanbarth i farchnata Freecycle.

Ond pwy a wyr sut ddatblygiff y rhwydwaith yn 2006, 2007 ...

Oes rhaid/ydi pob grŵp yn defnyddio Yahoo Groups?

Oes

Mae'n hawdd i'w ddefnyddio a'i sefydlu, ond byddai defnyddio rhywbeth arall fel Sustem Rheoli Cynnwys (CMC) yn ei wneud yn haws i bobl ddod o hyd i bethau pennodol ac efallai chwilio am bethau o grŵpiau eraill.

Bydd y rhyngwyneb yn newid cyn bo hir.

Un o'r rhesymau y dewiswyd defnyddio Yahoogroups yw'r ffaith fod y gwananaeth yn rhad ac am ddim.

[aberdarren]

Yr wythnos yma, fe sefydlwyd grwp ailgylchu yn Sir Ddinbych, ac felly mae yna grwpiau ailgylchu freecycle ym mhob Sir yng Nghymru...

Dyma neges (Saesneg) ddanfonais at Cafe Cymru - rhestr trafod agored :

Subject: [cafecymru] Cardiff 2k freecyclers - your movement
To: freecycle-cafecymru@yahoogroups.com

Congratulations to Cardiff Freecycle which has recently seen the 2000th
new member join the group. And many thanks to those who have helped
make our largest freecycling group a success, in particular Simon Bradley
who setup the group nearly a year ago and has given so much of his time in
caring for this group.

There are are now 26 Freecycle groups across Wales and a freecycling
group in every single unitary authority in Wales. This is a
considerable achievement, and my understanding is that Wales is the
first part of the UK to achieve this complete coverage.

I hope that everyone who is a part of Freecycle realise that they are
not a passive part of Freecycle - merely 'consumers - but that they
can actively participate in shaping a grassroots freecycling movement
in their own communities across Wales, whether that is in Cardiff
or Colwyn Bay.

It's *your* movement. It's up to *you* how it develops in *your* communities.

Diolch i bawb sydd wedi cyfrannu tuag at ein llwyddiant.

[Fflamingo gwyrdd]

Gweithiodd hwn yn wych i fi pan o'n i'n symud ty. Roedd cyn-berchennog y ty wedi gadael dwy wardrob enfawr, ac roedd un yn hen ddigon i fi. Roedd y wardrob ychwanegol yn enfawr ac yn andros o drwm, ac roedd rhaid ei symud er mwyn cael peintio'r waliau cyn i'r dyn ddod i osod y carpedi (argh!)

Felly, mi ddat-gymalish i'r wardrob druan, ei chario hi at y drws ffrynt a'i hysbysebu ar y wefan yma. O fewn deng munud ges i ebost yn holi amdani, ac o fewn tri munud arall, roedd y dyn ar y ff

[huwcyn1982]

da fi set ffondw a pheiriant creu hufen i

[nicdafis]

Newydd gynnig sefydlu grwp yn Aberteifi/De Ceredigion.

[aberdarren]

Newydd gynnig sefydlu grwp yn Aberteifi/De Ceredigion.

Beth am gyd-weithio fel rhan o un grwp ar gyfer Ceredigion ?

Dyma fy mharn personol. Mae dy gais newydd ddod i'r amlwg yn ein rhestrau trafod preifat.

Prif gryfder y grwpiau Cymreig - fel gornel fach iawn o rwydwaith eang - yw ein parodrwydd i gyd-weithredu a chyd-weithio er lles pawb.

[blanced_oren]

Jyst nodyn i ddweud pa mor dda ydy Freecycle. Pryd symudais i llynedd, nes i roi sawl peth i ffwrdd a fyddai wedi'u claddu yn y tir fel arall. Heyd dwi'n trio rhoi negeseuon yn ddwyieithog a byddwn i'n hyrwyddo pobl eraill i wneud yr un peth.