Ffermwyr yn marw mas!

[Cardi Bach]

Yn ol erthygl oedd yn y papur wythnos dwetha, mae ffigyrau yn profi fod ffermwyr bach yn marw mas yma.

Iawn, dim byd newydd - ond sceri.

Roedd teulu o Lundain wedi prynnu fferm 40 hectar er mwyn defnyddio 1 hectar i gadw ceffyl!

Mae'n dweud nol yn 1939 fod 500,000 o ffermydd ym Mhrydain yn rhai bach dan 40 hectar, ac yn cyflogi 15% o'r boblogaeth.

Bellach yn y gwledydd datblygiaedig mae'r fefrmydd yma m'ond gyda 8% o'r gweithlu.

Mae Blair yn dadlau ermwyn i'n ffermydd fod yn gystadleuol fod yn rhaid iddyn nhw dyfu.

Dyw'r boi jyst ddim yn gweld y darlun cyflawn.

Ein ffermydd bach yw asgwrn cefn ein hiaith a'n diwylliant yn aml yma yng Nghymru. Mae'n nhw'n cynnal ffordd unigryw ac arbennig o fyw, ac yn eu tro yn cynnal llu o gymunedau bychan. Dim ond a ffermydd mawr y mai archfarchnadoedd yn fodlon gwneud busnes a nhw - sy'n gwthio'n ffermydd llai allan o waith.

Mae'rerthygl yn dweud ymhellach fod e wedi ei brofi fod ffermydd llai yn fwy cynhyrchiol yr hectar, ac yn gwneud llai o niwed i'r amgylchedd yr hectar, er eu bont yn derbyn lot yn llai o grantiau.

Mae'n dwedud ym Mhrydain fod llai na 1% o'r boblogaeth yn berchen ar 70% o'r tir! Blydi hel!! Dyw hyn ddim mor wir am Gymru diolch byth.

Ond mae'n rhaid i ni gefnogi ein ffermwyr lleol - prynnu cynnyrch lleol, cefnogi eu cwmniau cyd-weithredol a bod yn barod i dalu y ceiniogau ychwanegol am eu cynnyrch rhagorol.

Brwydyr yn erbyn Globaleiddio!

[Owain Llwyd]

Ond mae'n rhaid i ni gefnogi ein ffermwyr lleol - prynnu cynnyrch lleol, cefnogi eu cwmniau cyd-weithredol a bod yn barod i dalu y ceiniogau ychwanegol am eu cynnyrch rhagorol.

Brwydyr yn erbyn Globaleiddio!

Cytuno efo chdi yn llwyr, ond ydi rhywun yn gwybod am rywle yng nghyffiniau Bangor (heblaw Dimensions ar Ffordd Caergybi) sy'n gwerthu cynnyrch lleol (heblaw cig, a heblaw llysiau mae ffermwyr wedi bod yn chwistrellu cemegion arswydus drostyn nhw)?

[Osian Rhys]

dwi'n cofio clywed rywbryd am "local produce markets" neu rywbeth, lle mae ffarmwrs yn gwerthu eu cynnyrch i bobl leol dwi'n credu dwi ddim yn cofio'n iawn, dwi'n meddwl mai ar radio pedwar glywes i am y peth.

oes rhywun yn gwbod mwy amdanyn nhw? ydyn nhw i gael yng nghymru? oes na un yn agos i aberystwyth?

ar y newyddion heno oedd na eitem am y ffaith bod cig o unrhyw le yn gallu cael ei fewnforio a cael stamp "prydeinig" (neu "cymreig" mae'n debyg) dim ond am ei fod wedi cael ei bacio yma

[Geraint]

Ma fe'n torcalonus. Dwi'n siarad da ffermwyr yn aml, does dim llawer o obaith da nhw. Es i weld y fferm lle magwyd fy nhad wythnos dwetha, yn Llangolman, Sir Benfro. Yn dilyn yr hen drefn, fi fyddain rhedeg y ffarm ar ol fy nhad, a sawl cenhedlaeth, gan gynnal y gymuned Cymreig. Yn anffodus, werthwyd y fferm i fewnfudwyr pan ymddeol fy'n dadcu. Fferm fach yw hi nawr, da rhai ceffylau a ieir. Yn ei ddydd, mi roeddent yn tyfu cropiau, godro, gyda moch, ieir, defaid. Does ddim llawer o fobl lleol yn yr ardal pellach,

MAe hi'n bosib prynu cynhyrch lleol yn rhai farchnadoedd

[nicdafis]

dwi'n cofio clywed rywbryd am "local produce markets" neu rywbeth, lle mae ffarmwrs yn gwerthu eu cynnyrch i bobl leol dwi'n credu

<i><a href="http://www.farmersmarkets.net/">Farmers' Markets</a>?</i>

oes rhywun yn gwbod mwy amdanyn nhw? ydyn nhw i gael yng nghymru? oes na un yn agos i aberystwyth?

Mae un <a href="http://www.ceredigion.gov.uk/cyngor/pr/html/259.htm"><i>yn</i> Aberystwyth</a>, unwaith (ddwywaith?) y mis, reit yng nghanol y dre.

[Osian Rhys]

diolch yn fawr nic! dwi yn y coleg yn aber ers dwy flynedd a welais i erioed farchnad fel hyn

[Macsen]

Roedd rhaid i Cynog, o bob son, fynd o gwmpas ffair ffermwyr yn gofyn iddynt os oedden nhw'n planio hunan-laddiad o fewn yr ychydig wythnosau nesaf. Rhoi bach o ddampnar ar y hwyl, yn fy marn i!

[Nick Urse]

[/quote]Cytuno efo chdi yn llwyr, ond ydi rhywun yn gwybod am rywle yng nghyffiniau Bangor (heblaw Dimensions ar Ffordd Caergybi) sy'n gwerthu cynnyrch lleol (heblaw cig, a heblaw llysiau mae ffermwyr wedi bod yn chwistrellu cemegion arswydus drostyn nhw)?[/quote]

Dwi'n meddwl bod y siop bwyd iach ar stryd fawr Pesda (drws nesa i 'Blas ar Grystyn') yn gwerthu cynnyrch lleol organig.

[Cynog]

Dos nam lle ar y ffordd i sw mor yn ynys mon lle ma ffermwyr lleol yn gwerthy eu cynyrch. Dwi'n shwr bod na, ond dwi methu cofio enw'r lle. A mae o ar agor bob dydd dwi'n meddwl.

Ma na shop dda yn Bethesda hefyd fel odd Urse yn deud, man shwr bydd Eben Fardd yn cofior enw (gan fod o'n byw ger llaw) ond dwi ddim.

A do, fel odd Ifan yn deud mi gesi'r profiad diddorol o fod yn y Sioe Amaethyddol Cymru am 4 diwrnod yn gofyn i ffermwyr, "Ydych chi'n cyfri eich hynan fel person di werth?" (Dim fi swenodd y cwestiwn) Roni'n gallu gweld yn llygadau rhai Ffermwyr eu bod nhw. Trisd iawn. Rhai o'i cwynion mwyaf oedd ymyraeth y llywodraeth a'i bod yn methu cystadlu a'r bwyd rhad (crap) sy'n cael eu fewnforio i Brydain.

[Garnet Bowen]

Ein ffermydd bach yw asgwrn cefn ein hiaith a'n diwylliant yn aml yma yng Nghymru. Mae'n nhw'n cynnal ffordd unigryw ac arbennig o fyw, ac yn eu tro yn cynnal llu o gymunedau bychan........

Ond mae'n rhaid i ni gefnogi ein ffermwyr lleol - prynnu cynnyrch lleol, cefnogi eu cwmniau cyd-weithredol a bod yn barod i dalu y ceiniogau ychwanegol am eu cynnyrch rhagorol.

Brwydyr yn erbyn Globaleiddio!

Gyda phob dyledus barch, mae hyn yn lol botes maip. Pobol Cymru, beth bynnag fo'u galwedigaeth nhw, ydi asgwrn cefn iaith a diwylliant Cymru. Joban ydi ffermio, fel pob joban arall. Rwtsh ydi rhamanteiddio byd amaeth.

Mi yda ni'n barod yn cefnogi ein ffermwyr lleol, heb gael unrhyw ddewis yn y mater. Drwy gyfuniad o drethi a phrisiau uwch, mae pob un ohonom ni yn talu £16 yr wythnos tuag at "gefnogi" ffermwyr Ewrop. A hyn ar draul ffermwyr y trydydd byd, sy'n llwgu oherwydd ein bod ni'n mynnu dal ein gafael ar y syniad rhamantus yma o amaeth fel diwylliant yn hytrach na busnes.

Pam brwydro yn erbyn Globaleiddio? Wedi ei reoli'n iawn, gall globaleiddio ddod a diwedd i'r tlodi arffwysol a'r newyn sy'n caethiwo y rhan fwyaf o'r byd.