Ymgyrch Bagiau Gwyrdd Tesco

[Ari Brenin Cymru]

Oes rhywun wedi gweld ymgyrch newydd Tesco i gael pobl i ddefnyddio llai o fagiau? Rydych yn cael pwynt clubcard am bob bag rydych yn ei ail-ddefnyddio. Dwi'n meddwl fod hwn yn syniad da iawn a mae pobl i weld yn cymryd rhan, mae llawer o bobl yn dod a bagiau eu hunain gyda nhw, gan leihau'r nifer o fagiau plastig sy'n cael eu defnyddio.

Gall hyn mond fod yn beth da ir amgylchedd.

[Fflamingo gwyrdd]

Pam na fysa hyn yn syniad da? Wrth gwrs ei fod o.
Er mod i bellach yn gymharol wyrdd yn fy mywyd pob dydd, dwi heb fanteisio ar y pwyntiau Tesco ychwanegol yma, ond dwi yn eu hailddefnyddio nhw fy hun o'r tŷ. Ydw i'n iawn i gredu eu bod nhw'n fagiau 'gwyrdd' hefyd - eu bod nhw'n dirywio (gair gwell plîs?!) yn gyflymach na bagiau plastig eraill? - Nid fod hyn yn reswm i ddefnyddio mwy ohonyn nhw, cofiwch.

[S.W.]

Syniad da iawn, nhw'n annog ti i ddefnyddio unrhyw carrierbags, gan gynnwys rhai o siopau eraill a gei di pwynt am ddim am bob bag. Pan naethon nhw agor siop newydd yn Rhuthun mi gaethon ni ddau fag mawr glas am ddim drwy'r post iw defnyddio eto ac eto, a dan ni'n dueddol o fynd a rhyw 2 neu 3 bag carrier ychwanegol o Morrisons hefo ni a cael 5 pwynt am ddim ar ddiwedd y siopa. Mae'n addio fyny'n sylweddol ar ol lot o ymweliadau.

[Chwadan]

Syniad da o ran theori, ond nid yn ymarferol. Dim ond ddwywaith dwi di cal pwyntia a finna'n mynd a rycsac a llwyth o hen fagia plastig bob tro. Ma'r person wrth y til wastad yn anghofio/"anghofio" gofyn faint o fagia nes i "ddim" mo'u defnyddio a dwi wastad yn rhy brysur yn pacio i ofyn

[S.W.]

Wrach dylset ti gofio gofyn am dy bwyntiau?

Sori os dwin swnio'n gas yn gofyn rhywbeth felly, ond swnio fel bai yr aelod staff yn fwy na'r cynllun.