An Inconvenient Truth

[Dili Minllyn]

Mae ffilm gyntaf cyn-Arlywydd-nesa'-America bellach ar gael i'w rhentu, ac yn werth ei gweld.

Nid y ffilm fwyaf cynhyrfus ei harddull - darlith yw hi yn y bôn, wedi'i bylchu â phytiau bach am hanes Al Gore – ond mae hiwmor sych Gore yn cadw'r cyfan rhag mynd yn rhy feichus.

Yn arbennig o frawychus, i'r rhai sy'n credu mai problem i wledydd poeth y byd fydd cynhesu byd-eang, oedd y datguddiad, os bydd Silff Rew Grønland yn toddi a llithro i Fôr Iwerydd, yna fe fydd Ffrwd Gwlff Mécsico, sy'n ein cadw ni'n gynnes braf, yn peidio, a bydd Prydain i gyd yn ôl yn Oes yr Iâ, er y bydd gweddill y planed yn rhostio. Neu beth am ddeugain miliwn o ffoaduriaid o Fangladesh os bydd lefel y môr yn dal i godi?

[Mali]

Newydd edrych ar hwn echnos , ac ydi , mae'r ffeithiau yn frawychus iawn. Yn ystod y ffilm , mi ddaru o sôn am y ffaith ein bod wedi anwybyddu peryglon tobaco am yr holl flynyddoedd ....'joining the dots' oedd angen ei wneud , a dyma be sydd angen ei wneud rwan ynglŷn a'r broblem o 'global warming'. Da ni i gyd yn ymwybodol beth sy'n digwydd , ac mae gan pob unigolyn ran i'w chwarae .
Ac er mai darlith oedd y ffilm gan fwyaf , 'roedd arddull Al Gore yn ei wneud yn reit hawdd i'w ddilyn.
Trist iawn meddwl am y polar bears . Mae effaith y 'global warming' arnynt hwy eisioes wedi dechrau.

[Dili Minllyn]

Trist iawn meddwl am y polar bears . Mae effaith y 'global warming' arnynt hwy eisioes wedi dechrau.

Mae tynged yr arth wen yn wirioneddol druenus. Gwaeth fyth, os bydd y rhew yn crebachu fwy, bydd mwy o eirth yn dechrau dod i mewn i drefi i chwilio am fwyd, gan arwain at wrthdaro annochel efo pobl.