Gwrthbwyso carbon

[Gwahanglwyf Dros Grist]

Wel, o'n i'n teimlo'n eitha' bodlon fy myd am ryw bum munud prynhawn 'ma ar ôl buddsoddi arian i blannu coed gyda Tree Flights i wneud yn iawn am hedfan i Rufain wthnos nesa. Wedyn, dyma fi'n darganfod nad yw hyn o bosibl yn cael rhyw lawer o effaith, ac yn wir efallai'n cael effaith andwyol ar yr amgylchedd (clic).

Oes 'na ffyrdd gwell o wrthbwyso carbon, neu ydi pethau fel Tree Flights yn sgams i drio gwneud i ffyliaid fel fi deimlo'n well? Ai'r unig beth i'w wneud yw osgoi hedfan yn llwyr?

[huwwaters]

Diddorol, ond un peth nad ydynt yn ei drafod yw un o'r effeithiau yn sgil cynhesu byd eang. Trwy blannu coed, yr ydych yn diogelu asidedd y tir, a hefyd yn cadw dwr yn y tir. Mae anwedd dwr hefyd yn cyfrannu at gynhesu byd eang, drwy ymddwyn yn debyg i Carbon Deuocsid. Mae gwreiddiau coed hefyd yn dal y pridd at ei gilydd, ac o ganlyniad yn lleihau yr effeithiau o ddiffeithdiroedd, fel sydd wedi digwydd efo ehangiad y Sahel.

Yn fwy pwysig na hynny, tydi meddwl fod ni efo cynhesu byd eang oherwydd llai o goed ddim yn iawn - fel yr honiad fod pobl yn llwgu gan nad oes ddigon o fwyd yn y byd ma.

Mae angen gwneud pethau symlach: am pob can alwminiwm yr wyt yn ei hailgylchu, ti'n arbed yr un faint o trydan sydd ei hangen i bweru teledu am 3 awr. (Y proses o electrolosys i echdynnu alwminiwm o'i deunydd crai yn denfyddio meintiau dychrynllyd o drydan - e.e. Wylfa/Anglesey Aluminium)

[Rhys]

Dwi'n meddwl mai rhyw sgam ydi o i wneud i bobl deimlo'n well ag osgoi gorfod gwneud penderfyniad anodd fel peidio hefan eto (neu o leaif mor rheolaidd).

Dwi'n un da i siarad achos er yr holl brygethu, dwi'n siwr y byddai'n mynd mewn awyren eto (ond byddai'n teimlo'n ffycedig o euog am y peth.) Dwi'n benderfynol o byth hedfan i unrhywle ym Mhrydain ac Iwerddon, nac yn Ewrop (wel gogledd Ewrop o leiaf)

Ond synaid gwell efallai (yn debyg i beth awgrymodd Huw) ydi dy fod ti'n gwneud ychydig o aberthio'n i dy batrwm bywyd yn yr wythnosau/misoedd cyn/wedi hedfan. Pethau bychain, ond rhywbeth sy'n mynd i arbed carbod

e.e.
Yn hytrach na ail-gylchu can, paid prynnu diodydd mewn can yn y lle cyntaf (gwna potel o squash cyn gadael tŷ)
- arbed yr ynni ddefnyddwyd i greu'r can ac mae angen egni i ailgylchu can hefyd
paid prynnu dŵr wedi ei botelu, llenwa botel o dap y tŷ
- arbed y carbon o gludo'r dŵr

*efallai nad wyt yn gwneud yr uchod beth bynnag, ond ti'n cael y gist.

[dave drych]

Be sydd angen ei gysidro ydi'r math o goed sy'n cael eu plannu. Fel arfer, mae cynlluniau fel hyn yn plannu nifer enfawr o un rywogaeth (monoculture) o coed mewn grid (sy'n anaturiol). Dydi'r math yma o goedwig ddim yn mynd i fodoli am byth, a felly bydd y carbon yn mynd i cael ei ail-rhyddhau. Yn aml, mae'r cwmniau hefyd yn rhai sy'n ymwneud â'r diwydiant coed arferol - sef torri coed i lawr.

Fyse'n ti'n neud llawer mwy o les i'r byd drwy gerded i Rufain yn hytrach na hedfan! Meddylia am y plant.

[Dili Minllyn]

Mae eisiau meddwl am ddulliau teithio eraill. Cer at y Dyn yn Sedd 61 am gyngor.

[7ennyn]

Atgoffa fi o groesgadwyr y 12fed ganrif yn noddi mynachod i weddio dros eu henaid - tra roedden nhw ar y sbri yn y dwyrain canol. Yn y cyfamser roedd y mynachod eu hunain yn mwynhau'r hai laiff nol adra!

Hmm, merched, medd a mochyndra - dwi isio bod yn fynach yn y 12fed ganrif!

[Gwahanglwyf Dros Grist]

Be sydd angen ei gysidro ydi'r math o goed sy'n cael eu plannu. Fel arfer, mae cynlluniau fel hyn yn plannu nifer enfawr o un rywogaeth (monoculture) o coed mewn grid (sy'n anaturiol). Dydi'r math yma o goedwig ddim yn mynd i fodoli am byth, a felly bydd y carbon yn mynd i cael ei ail-rhyddhau. Yn aml, mae'r cwmniau hefyd yn rhai sy'n ymwneud â'r diwydiant coed arferol - sef torri coed i lawr.

Fyse'n ti'n neud llawer mwy o les i'r byd drwy gerded i Rufain yn hytrach na hedfan! Meddylia am y plant.

Mae modd dewis o amrywiaeth eang o goed ar y wefan, fel derw, helyg, coed cyll etc, felly nid y Comisiwn Coedwigaeth mohonynt. Dy'n nhw ddim chwaith yn honni y bydd hyn yn dileu effaith carbon dy daith yn llwyr chwaith, ond mae'n gam yn y cyfeiriad iawn, does bosib?

[Ffwlbri]

Dwi'n meddwl ei bod hi'n dibynnu'n fawr ar ba gwmni wyt ti'n ei ddefnyddio- dwi wedi clywed bod rhai ohonnyn nhw braidd yn amheus, yn gwneud pethau fel plannu coed fyddai wedi cael eu plannu beth bynneg am dy gyfraniad personnol di, ond mae eraill yn fwy effeithiol. Mae rhai sydd yn buddsoddi mewn datblygu egni cynaliadwy yn ymddangos i mi i wneud mwy o synnwyr. Hwn er enghraifft:

http://www.climatecare.org/