Cân y gog

[Hen Rech Flin]

Oes unrhyw un wedi clywed cân y gog eleni? Pan oeddwn yn blentyn roedd can y gog i'w clywed ym mhobman amser hyn o'r flwyddyn, ond nid ydwyf wedi ei chlywed ers blynyddoedd bellach. Roedd cân y gog yn rhywbeth yr oedd pob plentyn yn arfer bod yn gyfarwydd â hi, ond rwy'n amau na chlywid y gân gan fy mhlant yn eu heinioes.

[Owain Llwyd]

Oes unrhyw un wedi clywed cân y gog eleni? Pan oeddwn yn blentyn roedd can y gog i'w clywed ym mhobman amser hyn o'r flwyddyn, ond nid ydwyf wedi ei chlywed ers blynyddoedd bellach. Roedd cân y gog yn rhywbeth yr oedd pob plentyn yn arfer bod yn gyfarwydd â hi, ond rwy'n amau na chlywid y gân gan fy mhlant yn eu heinioes.

Mi wnes i glywed y gog deirgwaith llynedd - unwaith yn rhywle rhwng Coed Dinorwig a'r Fach-wen, a ddwywaith yn ymyl y gronfa ddwr uwchben Cwm-y-glo. Heb ei chlywed hi eto eleni, ond dw i heb fod allan ryw lawer chwaith.

[Gwen]

Do, mi glywais i hi ryw bythefnos / dair wythnos yn ol yn Aberystwyth. Dim byd wedyn chwaith. Doedd gen i ddim pres gan mai yn fy ngwely o'n i ar y pryd

[Dili Minllyn]

Heb glywed yr un eto. Roedd y mab yn tyngu iddo glywed un, ond wrth wrando'n graff, c'lomen dorchog oedd hi.

Gwelais i wennol ar bwys Llwydlo wythnos ddiwethaf, ond dwi heb weld yr un uwchben Caerdydd eto. Er hynny, mae'r coed yn deilio'n braf, ac mae'n weddol glir bod y gwanwyn wedi cyrraedd.

Af i i chwilio am lyffantod.

[ceribethlem]

Can y Gog!

O'n i'n meddwl mae rghyw fath o anthem i Ogledd Cymru odd hwn yn son am O'n i'n meddwl dechre edefyn Can y Hwntw!

O ddifri, fi heb glywed y gwcw leni, ond wedi gweud 'ny fi 'di symud o'r Mynydd Du i Glydach ers dros Blwyddyn, ac mae'n bosib fod llai i gwcws yng Nghlydach!

[Swnen]

Do, dwi (bron) yn bendant imi ei chlywed yn y coed ym mhendraw Llyn Traws (tu cefn i'r Atomfa ) ddydd Gwener Groglith. Deud gwir o'n i'n ame'n hun braidd - mond bod y plant yn dystion imi!
Tydwi ddim wedi'i chlywed hi'r pen yma eto - dan ni'n uwch tipyn na fanno. Ma hi hyd lle tua rwan fel arfer.

Dwy wennol wedi cyrredd w'sos dwytha hefyd - digon i gyfiawnhau gwanwyn?

Y Boda tinwen ar hyd lle hefyd a'r gwalch bach (dyne ydi Merlin ia?)

[Wierdo]

Mi oedden ni arfer clywed y gog yn y goeden tu ol ein ty ni flynyddoedd yn ôl. Heb ei chlywed ers dipyn bellach. Dwnim pam chwaith. Efallai mai'r ci sydd wedi'w dychryn, efallai mai'r extension i'r ty ddychrynnodd hi flynyddoedd yn ol, bosib fod hi jesd wedi diflannu!

[Gwil ap Tomos]

'Roeddwn i ar y ffordd adre pnawn ddoe pan glywais i hi am y tro gyntaf elenni. Eis i i feddwl dipyn amdani..sut ei bod wedi dod yr holl ffordd yn ol yma...a sut oedd pobl blynyddoedd lu yn ol yn clywed yr un fath a glywn i.

Gan fy mod yn dipyn o gyfansoddwr mi wneis bennillion ' there and then' a'i rhoid i fiwsig syml. Dwi'n meddwl wnai dipyn o bres os werthai hi i stiwdants feddw Fangor/Aberystwyth i'w chanu a sefyll i fyny a lawr yn y cytgan.

Dyma hi..os gall rhywun roid mwy ati gora byd. Dim byd ffansi rwan achos mae 'attention span' stiwdants feddw yn llai na goldfish.

Y Gwcw

Wrth ddychwel tuag adref
Mi welais gwcw lon,
Oedd newydd groesi'r moroedd
I'r ynys fechan hon.


Cytgan:
So, la ti: Holiati-hia, holia-cw-cw,
Holiati-hia, holia-cw-cw,
Holiati-hia, holia-cw-cw,
Holiati-hia-hoi.

A chwcw gynta'r tymor
A ganai yn y coed,
Run fath â'r gwcw gynta
A ganodd gynta 'rioed.


Cytgan:

[Dili Minllyn]

Gan fy mod yn dipyn o gyfansoddwr mi wneis bennillion ' there and then' a'i rhoid i fiwsig syml. Dwi'n meddwl wnai dipyn o bres os werthai hi i stiwdants feddw Fangor/Aberystwyth i'w chanu a sefyll i fyny a lawr yn y cytgan.

Dyma hi..os gall rhywun roid mwy ati gora byd. Dim byd ffansi rwan achos mae 'attention span' stiwdants feddw yn llai na goldfish.

Bydd rhaid i ti dalu’r hawlfraint yn gyntaf. Mae’r gân yma ar albwm Dafydd Iwan Yn ôl i Gwm Rhyd y Rhosyn, o tua 1973.

[Gwil ap Tomos]

Damia uffarn. Diolch i ti Dili. Pob tro fyddai'n meddwl can i fyny dwi'n ffendio fod rhywun wedi cael blaen arna i. Mae gen Dafydd Iwan dipyn o bres erbyn hyn. Ti'n meddwl y bysa fo yn meindio gadael imi ail brintio hon? Fe newidia i ambell i air os oes rhaid.