Yr Ardd - Dechra yn y dechra...

[Fflamingo gwyrdd]

Gan fod gen i fynydd enfawr o bridd ar drothwy'r drws ffrynt (ar ôl i'r adeiladwyr fod yn gneud llanast), dwi wedi penderfynu llenwi'r saith potyn bloda' mawr oedd gen i (yn magu chwyn yn yr ardd gefn) gyda'r bwriad o'u llenwi efo rwbath 'blaw gwair a chwyn.

Mae fy mhlantsyn tomato angen ei ailgartrefu, felly mi geith hwnnw fynd i un ohonyn nhw.

Gan ystyried yr adeg o'r flwyddyn, be' alla i 'neud efo'r lleill?

Hapus i gysidro llysiau neu flodau (rwbath 'blaw chwyn!)

Mae hi'r adeg anghywir i blanu bylbs a ballu, ma'n siwr, ydi?? (Ac os felly, pryd dylwn i blanu bylbs?)

Thenciw in antisipêshyn x

[Pryderi]

Dwyt ti ddim yn dweud pa mor fawr mae'r potiau, na faint o haul a gysgod maent yn eu cael.

Mae mis Awst yn fis od ar gyfer hadu - rhy hwyr ar gyfer eleni, ond yn rhy fuan ar gyfer y gaeaf. Mi fyswn ni yn meddwl am berlysiau sydd eisoes yn tyfu mewn potiau - mint, efallai, neu bersli neu chives.

Fyswn ni'n didgwyl tan ddiwedd mis Medi cyn planu bylbiau.