Melinau Gwynt ... bring it on!!!

[Cardi Bach]

Ni heb gael trafodaeth am felynnau gwynt eto.

Fi heb ddechre fe ynghynt achos mod i'n gwbod fy marn, ac yn gwbod barn Plaid Cymru, ond yn gwbod fod barn y Blaid yn aml yn amhoblogaidd.

Ond dyw hwnna ddim yn reswm pan na ddylwn ni gael trafodaeth call ac adeiladol ar y pwnc, a pwy a wyr newid meddyliau.

Ma'r pwnc wedi dennu llu o lythyrau yn y wasg Gymreig dros y blynyddoedd (yn aml gyda'r un criw o bobol).

Fi'n gwbod fod Owain wedi dechrau trafodaeth ar Ynni adnewyddol, ond fi'n gobitho fod hon am fod yn fwy uniongyrchol am felynnau gwynt a datblygiadau fel Camddwr yng Nghanolbarth Cymru a'r rheiny yn y Bristol Channel ymhlith llefydd eraill.

Beth yw'ch barn chi am y datblygiadau yma ac ynni o felinnau gynt yn gyffredinol?
Oes melin wynt neu fferm wynt ar eich pwys chi?
Ydy chi'n aelod o un o'r mudiadau sydd o blaid neu'n gwrthwynebu'r datblygiadau?

I bob pwrpas fi o blaid y datblygiadau, ac mi ymhelaetha i yn nes ymlaen.
Chi? Os odych chi'n cefnogi'r egwyddor ond yn ei erbyn melynnau gwynt, beth fyddech chi'n wneud?
Pam bo chi o blaid neu yn erbyn?

[Geraint]

Gath melin wynt fwya yn y wlad ei adeiladu cwpl o filtiroedd o fy ngharte, un Llandinam.

O flaen yr egwyddor, yn erbyn sut mae wedi cael ei gwneud. Cwmniau mawr sy'n elwa o rhein. Dylid yr egni elwa'r gymuned lleol, dyli'r trydan fod yn newtorks lleol, nid mynd mewn i'r grid.

Mae'r trefn bresennol ond i wneud y llywodraeth edrych fel tasen yn gwneud rhywbeth, ac i gwblhau cytundebau rhyngwladol, sydd yn eitha llipa.

Beth am dalu i gael pob ty wedi ei insiwleidio'n iawn, a fydd yn lleihau y defnydd o egni drwy wresogi.

MAe y llywodraeth ond yn cynyddu faint i egni sydd yn y grid, dydi fwy o felynau wynt ddim yn lleihau gorsafoedd pwerau eraill. Rhaid iddynt feddwl fwy am sut i leihau faint o trydan sy'n cael ei ddefnyddio.

Melynoedd wynt llai, gyda cyfuniad o egni solar, dwr, tonnau sydd angen, nid yr obsesiwn ma gyda sticio gannoedd o felonoedd anferth ar cuehldir Cymru, sydd yn gwneud elw i'r fat cats.

Ma nhw yn difetha rhai o lefydd prydfertha yng Nghymru

Rhai on meddylai u off top fy mhen.

[nicdafis]

Dw i o blaid cael mwy o safleoedd llai, o dan reolaeth y gymuned leol. Mae hyn yn gweithio yn dda yn Nenmarc, a does dim rheswm yn y byd pam na allai fe weithio yma.

Beth yw polisi'r Blaid ar hyn, Cardibach?

[Dylan]

Cytuno efo Nic.

mi fuaswn i'n hoffi gweld mwy o rai oddi ar yr arfordir hefyd, megis hwnna sydd newydd agor yn y môr jyst tu allan i Brestatyn.

ond 'does dim dwywaith mai un o'r pethau cyntaf dylem ni ei wneud os ydym am arbed egni a ballu ydi peidio'i wastraffu yn y lle cyntaf. Insiwleiddio tai yn well a ballu, fel dywedodd Geraint.

[brenin alltud]

[<i>Wedi dileu sylwadau am sillafu.</i>]

O.N.
Fi'n cytuno a^ chael melinau'n ein gardd gefn; maen nhw'n harddu'r brynie rownd cartre' mam a 'nhad. Ond cytuuno y dyle'r ynni roi budd i bobol yr ardal 'fyd.

Cytuno â Dylan hefyd - peidio'i wastraffu'n lle cynta' sy'n bwysig.

Switsiwch y gole na bant cyn clwydo! Peidiwch a^ gadel dwr tap yn rhedeg tra'n golchi dannedd! Ac ailgylchu popeth o dunie i blastig i wydr! A pheidio â chael bag plastig o Tesco's bob tro chi 'na a gwrthod rhai sy'n cael ei taflu atoch chi'n Spar! Peidio a chael bag plastig rownd bob aubergine a banana a boycotio'r cynnyrch sy' â gormod o becynnu ... (allwn i rantio am hydoedd - dyna pam dw i rioed 'di ymuno â'r seiat yma o'r blaen...)

[Aran]

[<i>Wedi dileu sylw am sillafu.</i>]

ar ran melinnau gwynt, roedd 'na erthygl da yn 'Ein Gwlad' tro diwethaf sy'n awgrymu'n gryf nad yw melinnau gwynt hyd yn oed yn dechrau cynhyrchu digon o egni i'w cyfiawnhau... wnaeth unrhwyun arall ei weld?

[Madfallen]

Sawl un sy'n cytuno da'r <a href="http://icwales.icnetwork.co.uk/0900entertainment/1900playtime/page.cfm?objectid=13441615&method=full&siteid=50082">erthygl hon</a> gan Ceri Gould?



Falle bod *peth* gorddweud?

[Geraint]

Dwi bron yn siwr mae Lefi Gruffudd ysgrifennodd hwn, dwi'n cofio ei ddarllen, a fo sydd a cholofn gyferbyn a Meleri.

[Conyn]

Wel wel. Pwy bynnag ysgrifennodd yr erthygl a ddyfynnwyd gan Madfallen, un digon milain yw hi. Anodd cytuno gyda'r syniadaeth sydd, mae'n ymddangos, y tu ol i'w lith. D'oes bosib nad yw cynnig arian i bentrefi cyfagos, a chreu menter gymunedol sydd am elwa'r gymdeithas yn lleol, yn bethau da.

Meddyliwch, da chi, am yr holl weithgaredd ddiwydiannol ar fryniau Ceredigion gynt - gweithiau plwm ac ati. Nid pobl leol sydd wedi elwa o'r diwydiannau hyn, yn hanesyddol - neu un neu ddau ohonyn nhw ar y gorau. Gweision cyflog oedd y gweddill, cofiwch, a'r cyfalafwyr a'r tirfeddianwyr yn byw'n fras ar ymdrechion y werin bobl.

Peidied ag anghofio bod y tirlun yn dirlun diwydiannol iawn eisoes. Eto i gyd, mae'n hawdd diystyru'r ffaith mai diwydiant yw Amaeth, ac nid tirlun 'naturiol' yw tirlun y rhan fwyaf o Gymru o bell ffordd. A beth am yr holl goed pinwydd a blennir ar draws ac ar hyd Cymru, yn anharddu ac yn llygru'r wlad? Siawns nad yw ambell i felin wynt yn bertach i'w weld ar ein mynyddoedd na rhyw batsiys mawr o goed bythwyrdd ym mhob man.

Meddyliwch hefyd am ynni niwcliar - a yw melin wynt yn agos mor ffiaidd a pheryglus? A beth am lo? Glo brig yn rhwygo bryniau De Cymru yn yfflon - a glofa'r Twr ger Hirwaun yn dympio tomen wastraff mewn lle hynod annoeth ac amhoblogaidd. Glo brwnt o wledydd eraill yn cael ei losgi hefyd. Rhaid i ni gynhyrchu ynni rhyw ffordd neu'i gilydd, er rwy'n cytuno y dyliwn arbed llawer mwy, wrth reswm. Dyw melinau gwynt ddim hanner mor wael a ffyrdd eraill o gynhrychu trydan.

Mae hen ddigon o wynt (oer a thwym) yng Nghymru. 'Run man ei ddefnyddio.

[ceribethlem]

Mae'n bwynt diddorol mae "Ceri Gould" wedi ei godi, nid am harddwch y peth gymaint a phwy sy'n manteisio yn nhermau'r trydan a gynhyrchir yn ogystal a'r elw.
Wrth feddwl yn ol am lefydd megis Tryweryn a fydd hyn yn diffetha prydferthwch ardal o Gymru ac yn buddio neb yng Nghymru ond digo yn Lloegr.
Ar y cyfan dwi o blaid i felinau gwynt a ffyrdd amgen arall o gynhyrchu trydan ond mae'n bwysig mai ni sy'n elwa o'r peth, yn nhermau trydan 'glan' ac arian.