Bagiau Plastig - dyfais y diafol

[brenin alltud]

Mewn ymateb i alwad gan nick urse (gobeithio nad oedd hi'n tynnu'r pys), dw i am ddechre edefyn, neu ymgyrch, i gael pawb i STOPIO DEFNYDDIO BAGIAU PLASTIG neu o leia' stopio cymryd rhagor ohonyn nhw o siopau mawrion twyllodrus, celwyddgar, haerllug, cyfalafol, barus (yn y 'marn i) fel Tescos a Sainsburys.

Sdim raid i chi gytuno â marn i am Tescos (dieflig o le) et al, ond PLIS, meddyliwch am y peth - a oes wir angen dau fag Spar arnoch chi pan chi'n cario potel o win, pac o ffags a potel lefrith o'r siop? Slipwch hen un ym mhoced eich cot cyn gadel ty^ (wir, dyw e ddim trafferth, unwaith y dechreuwch chi wnewch chi byth anghofio) neu ewch a rycsac neu fag ysgwydd mawr da chi.

Mae Iwerddon eisoes wedi stopio rhoi bagie plastig am ddim i bobol. Pam, o pam nad yw'n Llywodraeth ni'n gwneud yr un peth? Gormod o arian gan Lord Sainsburys via y cwmnïoedd cemegol siwr o fod. Pam nad yw'r siope mawrion ma'n annog pobol i ailgylchu eu bagie? Dyw'r binie bach na tu fas yn neud dim gwahaniaeth. Watsiwch chi faint o fagie mae pobol yn llwytho'n 'u ceir, mond i'w taflu'n syth i'r bin.

Maen nhw'n dweud fod na ddarn maint Cymru o fagie plastig dan y môr. CYM ON. JUST SAY NO.

O.N. Nicyrs - wedes i bod fi'n teimlo'n flin am y peth...

[chicken lips]

Mi ymunai efo chdi yn yr ymgyrch - gormod o beth uffar o fagia'n cael 'i rhoi allan mond i dyfu'n fynydd yn y cwpwr' dan sinc. O hyn 'mlaen dwi'n mynd a'r hen fagia hefo fi i'w hailddefnyddio.

[Chwadan]

Es i i Sburys efo bag yn fy mag (haha) wsnos dwytha ac mi ddudodd y ddynes wrth y til: "Ooh you've got one have you...you are a good girl" wedyn mi ges i geiniog ychwanegol yn fy newid

Ac mi on i'n hapus am weddill y diwrnod. Gas gennnai fagia plastic, ma na fynydd ohonyn nhw gennai a dwi'm yn gallu eu lluchio nhw na defnyddio lot arnyn nhw

[Mihangel Macintosh]

JYST SEI NO? Fel dwedodd Ice Cube "We aint got no time to say 'NO' - cos we're too busy saying "YEAH!" ... ond na, o ddifri, nai ymuno gyda chi hefyd. Dwi fel arfer yn cario ryc sac ar fy nghefn pan dwi'n crwydro o gwpas so pan dwi'n mynd i'r siop gornel i nol 20 hoelen arch, peint o laeth a copi o razzle, dwi wastad yn gwrthod bag pan ma nhw'n cynnig a rhoi'r stwff yn y ryc sac.

[Dylan]

'Dw i'n cadw rhai sbâr mewn drôr, a maent yn handi iawn ar adegau. 'Dw i'n mynd a rhai efo fi weithiau pan 'dw i'n mynd i siopa ond ddim mor aml a fuaswn i'n hoffi gan 'mod i'n tueddu i anghofio. Reit, dyna addewid i fi fy hun. Bob tro o hyn ymlaen.

[Barbarella]

Dwi wastad yn trio mynd â bag efo fi i'r siop, ond be sy'n gwylltio fi ydi'r pobl sy gan Tesco sy jyst yn sefyll wrth y til yn mynnu pacio dy siopa di i fewn i 10 gwahanol fag plastig newydd! Dwi'n amau bod nhw ar gomisiwn gan gwmni cynhyrchu plastig - rhaid rhoi o leia dau fag rownd pob potel o win (sy'n golygu cyfanswm enfawr o fagiau plastig i fi!) a rhaid i bowdr golchi fynd i fag ar wahan bob tro.

Be sy'n ffyni yw'r golwg cas ti'n cael o ddweud wrthynt bod ti di digon abl i bacio dy fags dy hun - fel se ti'n trio diddymu eu swyddi nhw a'u gwneud nhw'n ddiwaith! Dysgwch iwsio til, ffor ffycs sêcs, ac agor un o'r 10 deg til gwag arall!

[brenin alltud]

Reit - 'fess up ... pwy gymrodd fwy na 2 o'r pethe annynnol dros y penwythnos wrth nol y gwin/bara/white lightening...?

Be' sy'n gwylltio fi, fel tithe Barbarella, yw bod nhw'n ploncio bag o dy flaen er bod ti'n rhoi dy fag dy hun na'n gynta' ac yn hollol amlwg fod ti'm isie un. Ddim yn deall y peth o gwbwl.

Dw i'n meddwl fod na gonspirasi rywle i'n gorfodi ni i'w cymryd nhw a boddi dan haen enfawr o fagie plastig ...

[Chwadan]

Cytuno...dwi'n cal gan bawb sy'n gweithio ar dil pan dwi'n deud fod gennai fag. Ar y llaw arall, ma'n syniad da rhoi Domestos mewn bag ar wahan os oes rhaid i chi gymyd un...on i o hyd yn cal row gan hen wragedd yn Spar os on i'n rhoid hwnnw yn yr un bag a'r llaeth a'r bara

[Dylan]

yn wirion ddigon 'dw i 'di bod i siop deirgwaith ers y post ddiwethaf yna, a dwy waith wnes i anghofio mynd a bagiau fy hun. Sori. Wirioneddol flin efo fy hun hefyd.

'dw i'n mynd i orfod sticio nodyn ar ddrws y ffrij neu rywbeth

[Tracsiwt Gwyrdd]

ond ma modd ailgylchu bagia plastic, oes ddim? does dim rhaid teimlo'n gwbl euog bob tro ti'n mynd i siop achos bo gin ti ddim bag yn dy bocad - ailgylcha fo wedyn de?!