Bagiau Plastig - dyfais y diafol

[brenin alltud]

Dyw plastig byth yn pydru, na'r peth, a na'i gyd dw i'n weud 'i bod hi'n haws lleihau faint sy'n cael eu cynhyrchu na defnyddio mwy a mwy ohonyn nhw.

Sdim isie teimlo'n euog os nad wyt ti'n poeni am y peth, fi sy'n gweld y peth wedi gweithio'n Iwerddon yn iawn, a phobol yn denfyddio bagiau papur, neu'n dod â'u bagie 'u hun.

Dim ond un hysbyseb ar deledu Prydeinig neu arwydd mawr yn Nhescos ayb yn annog pobol i'w hailddefnyddio sy' angen, dw i'n meddwl, yn lle neud i ni sy'n dewis peidio a chymryd mwy a mwy o fags deimlo'n rhyfedd. Y bobol a fydde'n cael un bob tro fydde'n od, nid fel arall wedyn.

Gweld e'n broblem sy'm yn cael ei thrafod ydw i.

[Tracsiwt Gwyrdd]

O, dwi'n cytuno fo chdi, mae o'n broblam, a na tydi o ddim yn pydru. Dim ond deud ydw i bod modd ailgylchu bagia plastig, yn ogystal a'u hailddefnyddio - sydd yn syniad da iawn. Odd na gymaint o bobl yn cwyno bod gino nhw lond drors o fagia, wel ailgylchwch nhw ta de?!

[nicdafis]

Dim ond cwestiwn o ddod yn arfer yw e, ondyfe? Fyddet ti ddim yn mynd i'r siop heb dy waled/pwrs, neu dy allweddi, felly beth yw'r gwahaniaeth.

Fel Mihangel, dw i fel arfer â phacbac gyda fi, a chwpl o fagiau plastig yn hwnna, jyst rhag ofn.

Dyw eu hail-gylchu ddim yr "opsiwn gwyrdd", o bell ffordd. Llawer gwell, os oes bagiau sbar 'da ti, mynd â nhw i siop gynnyrch lleol, sy'n eu hail-ddefnyddio.

Ar y siopau mae bai am hyn i gyd, ac arnon ni am fod mor ddiog, ac ar y llwydraeth am fod mor lwfr.

Mae gan ein siop bwyd iach leol, Go Mango, Aberteifi, bolisi o ofyn bob tro "ti moyn cwdyn?", sy'n tueddu atgoffa pobl o'r gwastraff, ac i'w haddysgu nhw. Maen nhw hefyd yn derbyn hen fagiau i'w hail-ddefnyddio. Mae'r siop fferm yn Sarnau yn wneud yr un peth. I siopau bychain mae hyn yn wneud sens, wrth gwrs, achos mae bagiau plastig yn bwyta i mewn i'w helw, a does dim sgil-effeithiau hysbysebu iddyn nhw, fel arfer.

Os dych chi moyn stori wir dychrynllyd: pan o'n i'n gweithio i siop Oriel, ar ôl iddyn nhw gael eu cymryd trosodd gan HMSO, cawson ni filoedd o fagiau plastig newydd, dwyieithog, oedd newydd eu hargraffu gan yr uned argraffu ym Mryste (os ydw i'n cofio'n iawn). Wrth gwrs, oedd camgymeriad yn y Gymraeg. Dwedodd rhywun "wel, bydd hyn bach o embaras", dwedodd un o swyddogion HMSO, "na, paid poeni, twli nhw i gyd a chewch chi batch cwbl newydd". Oedd hwnna o leia 10,000 o fagiau. Mewn sgip. Pan awgrymais i y gallwn ni eu rhoi i siop "Mad Gareth" (siop fwyd iach yn y Rhath o'n i'n arfer eu defnyddio) dwedodd y swyddog na fyddai hynny'n addas.

[Gwalch Bach]

Pwynt da, Brenin. Dwi'n mynd i brynu basgiad fatha oedd gan Nain, 'rhen dlawd, ersdalwm.

[Rhys]

Dyma stori am gynllun yng Nghaerffili, ble mae

dros 1,100 o siopwyr gwyrdd ym mwrdeistref sirol Caerffili wedi arwyddo i gymryd rhan mewn cynllun newydd i ddefnyddio bagiau siopa cotwm sy'n amgylcheddol gyfeillgar yn hytrach na bagiau plastig.

dyma ystadegau brawychus

Bob wythnos mae 500 miliwn o fagiau plastig yn cael eu defnyddio yn y DU. Mae hyn dros 9 bag y person yr wythnos i bob dyn, menyw a phlentyn. Llawer o'r rhain yw'r bagiau plastig rydym yn cael eu cael pan ein bod ni'n siopa. Mae bagiau plastig sy'n cael eu hanfon i gladdfeydd sbwriel yn cymryd dros 500 blynedd i bydru.

Os ydw i ac eraill ar ymgyrch y brenin alltud yn ail-ddefnyddio ein bagiau, rhaid bod ffyliaid diog eraill yn mynd trwy 18 bag yr wsnos neu fwy

[Pancws Bach]

Ges i frechdan o fecws y diwrnod o'r blaen, wedi ei roi mewn bag papur - hwre! Ond na, siom, fe roddodd y ddynes y frechdan wedyn mewn bag plastig bach efo handlenni. Edrych yn cwl, ond mi wrthodais i'r bag.

Ond mi wnaeth i mi feddwl am yr holl frechdanau sy'n dod mewn boscus bach plastig o garej's ac ati. Prynwych frechdan ffres mewn bag papur lle medrwch - a gwrthodwch fag ychwanegol i'w gario!
(Becws y Castell yn y Gogledd sy di dechra rhoi'r bagiau bach 'ma allan gyda llaw)

[RET79]

Dwi'n hapus i ymuno a'r ymgyrch. Mae'r blydi bagiau ma yn niwsans ac yn crap beth bynnag.

[Macsen]

Dw i byth bron yn mynd a bagiau fy hun i shop. Mae yna gymaint o bethau mwy pwysig allai wneud i achub yr amgylchedd, fel peidio defnyddio un ochor darnau o bapur yn unig, recyclo poteli a cans cwrw, peidio defnyddio trydan fel bod ein supply ni o fuels yn parhau yn hirach, pedio prynu past danedd na brwsh danedd newydd bob deufis, peidio prynu deoderant, defnyddio cerdyn banc yn lle pres papur, tyfy coeden y yr ardd, stopio cath fi rhag bwyta pob coeden dwi'n trio ei blanu yn yr ardd, stopio bwyta gymaint o crisps, rhechan yn fwy aml er mwyn safio yr ozone layer, peidio defnyddio car o gwbwl, cael un copi o geiriadur Bruce yn ty yn lle tri, cachu llai fel bo fi'm yn polutio'r mor...

[Lowri Fflur]

Ia ond mae llawer o' r pethau ti wedi disgrifio yn swnio fatha pethau bach pam ddim gwneud mynd a bagiau plastic i' r siop yn un ohonynt

[Macsen]

Ateb syml: Diogrwydd.