Ceir vs Beics

[Rhodri Nwdls]

Oes na rywun yn seiclo i gwaith yma?

Dwi ddim yn hoff o bobl sy'n seiclo i'r gwaith. Mae o'n beryg.

Beryg i bwy 'lly? Plant sy'n cerddad i'r ysgol?

*sori off topic braidd*

Wel, mae'n gwneud bywyd yn anodd i'r dreifars, gorfod pasio nhw, gas gen i wneud hynna. Hefyd mae rhai o nhw yn drifftio allan i ganol lon weithia.

Beics i lon beics yn unig plis. Pa flas mae pobl yn gael ar reidio bob bore i'r gwaith dwn i ddim. Mae nhw'n cyrraedd yn chwyslud a gorfod cael cawod buaswn i'n meddwl (os oes un ar gael yn y gweithle). Ych a fi dyna ffordd grap i ddechrau'r dydd.

Ti'n meddwl bo fi isio ceir yn sgrialu heibio i'n ochor i tra'n dynesu at y rowndabowt hunllefus wrth Sblot? Tan allith y llywodraeth roi rhwydwaith o ffyrdd beics gystal a beth sydd yno i geir (yn y dinasoedd o leia) mae gan feicwyr yr un hawl i ddefnyddio'r ffordd a sy' gan geir.

Rhaid i ti a dy deip fod yn fwy gofalus does.

Allai ddim meddwl am ddim gwaeth na mynd i gwaith heb gael cyfle i glirio mhen, mynd yn sdyc mewn traffig, gorfod ffeindio lle i barcio heb son am dalu trwy nhrwyn am betrol, insiwrans, ayyb ayyb

Son am rywbeth i gael rhywun yn chwyslyd a flustered!

[brenin alltud]

Cytuno â Nwdls eto... does dim byd gwell i ddeffro rhywun yn bore na neidio ar gefn beic, ond yn cofio seiclo i gwaith yng Nghaerdydd cyn iddyn nhw beintio'r llinellau arbennig, ac o'dd e'n arswydus. Ma' isie bod yn rhywun eitha' hyderus gefn beic mewn dinas i fomio heibio ochr bysus sy' ddim yn 'ych gweld chi, a cheir yn tynnu mas o'ch blaen heb fecso dim am y beic tu nol.

Ges i fraw ddwywaith neu dair yn pedlo ffwl-sbid heibio'r castell rhaid dweud... a theimlo fel kamikaze bob bore!

Ond LOT gwell na dreifio i gwaith. So there.

[Wormella]

Mae gwell gen I beico neu cerdded dros ceir (nid wydd a trwydded guru ta beth). My fy'n nhy hanner awr or prif ysgol a ugain muned or dref a mae fy flatmates yn gyru pobman!!

hyd yn oed ar dyddiau hyfryd fel heddiw

[Dwlwen]

Wy di cael hen ddigon ar ddiffyg amynedd gyrrwyr wrth i fi seiclo - trial bod yn ddiogel y'n ni, nid mynd mas o'n ffordd i drafferthu chi, a yw hi wir mor wael a 'ny bod angen oedi rhyw funud ychwanegol i basio ni'n ddiogel?
Ma pobl sy'n seiclo ar y palmant fwy annoying yn fy marn i - ond mae'n gwbl ddealladwy fod rhai'n nerfus ynglyn a seiclo ar yr hewl. Ma lonau seiclo Caerdydd yn hwyl, nagyn nhw! cludo chi'n ddiogel lawr ffordd syth, a wedyn just pan bo chi'n dod i rhyw dro lletchwith, diflannu. Cynllunio diddorol iawn.

[Gwahanglwyf Dros Grist]

Ie, o'n i'n son mewn edefyn arall am ba mor gach mae lonydd beiciau yn gyffredinol yn y wlad hon, o'u cymharu ag ar gyfandir Ewrop. Ry'n ni'n byw mewn cymdeithas sy'n addoli'r car...

O ran diffyg amynedd gyrwyr, un o fy mhrif resymau dros beidio a gyrru hyd yn hyn yw'r ffaith bod pobl gall a synhwyrol yn gallu troi mewn i fwncwn rheibus unwaith eu bod nhw mewn car. Rhyfedd beth.

[Geraint]

Dwi wedi gweld rhai llefydd yn y DU efo lonydd beiciau gwych ar hyd ffyrdd, e.e Caerlyr, lle mae lanes gwahanol i feics, a hyd yn oed goleadau gwahanol.

[Dwlwen]

...a ma Rhydychen yn dda iawn 'fyd. Mwya o bobl eith ati i ddefnyddio beic, y fwya tebygol fydd y Cyngor o neud rhywbeth am sefyllfa'r lonydd.

[DAN JERUS]

Ma'n gas gennai'r pobl ma sy'n reidio beics ar y palmant.S'nam byd gwaeth 'na cerdded lawr palmant llawn a phrysur a pawb o pob oedran a thras yn gorfod symud i un ochr i rhyw dwat sydd wedi penderfynnu defnyddio'r palmant fatha'u llwybr beic nhw'u hunain.Unai reidwch ar y ffordd neu cerddwch y ffycars!

[RET79]

Ma'n gas gennai'r pobl ma sy'n reidio beics ar y palmant.S'nam byd gwaeth 'na cerdded lawr palmant llawn a phrysur a pawb o pob oedran a thras yn gorfod symud i un ochr i rhyw dwat sydd wedi penderfynnu defnyddio'r palmant fatha'u llwybr beic nhw'u hunain.Unai reidwch ar y ffordd neu cerddwch y ffycars!

Cytuno. Wel, fuaswn i ddim yn rhoi y dewis. Cerddwch yw'r unig opsiwn gen i. Dim lon beics? Cerddwch.

[Dylan]

Tra 'dw inna' hefyd yn casáu pobl sy'n reidio'u beics ar y palmant, alla' i ddim dallt y broblem fel arall. Mae'n sicr yn well na gyrru, ac yn gyflymach o lawer na cherdded.