WWOOF - gweithio ar ffermydd organig

[nicdafis]

Ydy pobl yn gwybod am <a href="http://www.wwoof.org/" title="Worldwide Oppurtunities on Organic Farms" class="acro">WWOOF</a>? Ffordd ardderchog i ddysgu tipyn bach am ddulliau ffermio/garddio cynaladwy, a gweld y byd yr un pryd, heb wario lot o arian.

Wnes i gryn dipyn o Wyffio yng Nghymru pan o'n i'n edrych am ffordd i fyw yn y cefn gwlad, nôl yn 1996/7. Erbyn hyn dw i'n byw ar <a href="http://maesymorfa.com">dyddyn</a>, ac am wn i ninnau yw'r unig lletywyr WWOOF Cymraeg, er bod llawer o letwyr yng Nghymru. (Mae'n bosib mod i'n anghywir yma, gobeithio mod i.) Dw i yn pryderu braidd bod WWOOF wedi denu mwy o bobl di-Gymraeg i fyw yng nghefn gwlad Cymru, ond dyn ni'n wastad yn ceisio esbonio'r sefyllfa ieithyddol/economaidd i'n gwestai ni.

Y drefn yw dy fod di, fel y Wyffwr, yn cysylltu â lletwr o'r rhestr ti'n cael wrth ymuno â'r cymdeithas, a rhynddoch chi dych chi'n trefnu ymweliad, boed penwythnos hir neu wythnos neu fis. Cyfrifoldeb y lletwr yw i roi bwyd a llety i ti, a dy gyfrifoldeb di yw i weithio am sbel bob dydd a gobeithio dysgu rhywbeth yr un pryd. (<a href="http://www.wwoof.org/howworks.asp">Mwy o fanylion am hyn</a>.) Faint wyt ti'n gweithio yn dibynnu ar y lletwr - dw i wedi bod mewn llefydd lle maen nhw'n disgwyl i ti weithio 9 tan 5 - gall hyn fod yn iawn os ydy'r gwaith yn ddiddorol, ond ddim lot o hwyl os wyt ti'n symud dom trwy'r dydd. Fan hyn, dyn ni'n tueddu gofyn am ryw 5 awr o waith y dydd, ond dyn ni ddim yn dibynnu ar y tyddyn am fywoliaeth fel rhai pobl.

Mae'n gallu achosi problemau gyda'r dôl, wrth reswm, felly paid â dweud wrth y Canolfan Gwaith os wyt ti'n neud.

Wnes i ddysgu lot trwy wneud bach o wyffio, ac yn sicr fyddwn i ddim yn byw yn Llangrannog annwyl oni bai mod i wedi wneud e.

Unrhyw arall wedi wneud?

[Alys]

Dôn i ddim wedi clywed amdano o'r blaen, mae'n swnio'n ddiddorol.
Gwyliau nesa ni, efallai!

[Nionyn]

Ai dyma pam mae'r rets mor rhad i aros yn Maes y Morfa?

[nicdafis]

Na, does dim rhaid i ti weithio os wyt ti'n talu i aros yn y <a href="http://maesymorfa.com">Beudy</a>. Dan ni wedi cael pobl sy'n aros 'na ac yn weithio yn lle talu, neu sy'n talu gyda credydau LETS, ond mae arian yn reit handi weithiau, frenhines neu beidio.

[Huw T]

Ma'r synaid Wwoof ma'n swnio'n reit dda chware.
Dwy ddim yn hollol convinced gan y syniad o ffermio organig fodd bynnag. Yn amlwg ma fe'n dda i'r amgylchedd, ma lefel A daear wedi profi hynny Ond beth am yn gymdeithasol. Os yw bwyd organig yn ddrutach, nag y ni mewn peryg o greu 'two tier system' lle ma'r rhai sy'n medru fforddio yn gallu prynnu bwyd o safon ardderchog, tra fod pobl a dim gymaint o arian yn gorfod prynnu bwyd llai iachus.

Yw hyn yn asesiad teg o'r sefyllfa Nic? Neu ydw i jyst yn bod yn paranoid a pedantic?

[nicdafis]

Neu ydw i jyst yn bod yn paranoid a pedantic?

Ti sy'n dweud

Na, o ddifri mae pwynt digon teg, ond does dim rheswm (da) pam mae bwyd organig yn fwy costus na bwyd "cemegol". Dyw e ddim yn costi mwy i dyfu tato organig, neu odro gwartheg organig, <i>ond</i> mae holl system dosbarthu bwyd ym Mrydain (ac yn y byd) yn dibynnu ar "arbedion maint". Mae rhan fwya o ffermydd organig yn llai na "ffermydd sachaid" a felly nad oes ganddyn nhw'r un fath o "leverage" yn y farchnad. Cofia bod y rhan fwya o fwyd ym Mhrydain yn cael ei brynu mewn archfarchnad, a nhw sy'n gosod y termau i'r ffermwyr, ac sy'n wneud yr elw mawr.

Y broblem yw bod bwyd organig wedi cael ei farchnata fel "lifestyle choice" i'r dosbarth canol, sy'n gallu fforddio bod yn obsesed gyda pob rhif-E sy'n mynd i mewn i gegau eu Jackiaid a'i Alisiaid. Pwy yn ei gof iawn fyddai'n talu £2 am becyn o greision yn Marks & Sparks tra bod pecyn 20c ar gael yn Cwics?

Os wyt ti moyn bwyd iach, rhad, rho dy enw lawr am lotment a tyfu dy fwyd dy hun. Ond tria Wwoof yn gyntaf, i weld beth sy'n bosibl.

[Huw T]

So basically, gwladoli'r archfachnadoedd, a throi pob fferm i ddefnyddio dulliau organig? Ayay Comrade

diolch Nic, ateb boddhaol

Ond tria Wwoof yn gyntaf, i weld beth sy'n bosibl.

Blwyddyn mas rhywle lawr y lein, falle wnai!