Sgin rhywun brofiad o/barn ar declynnau blogio Haloscan ?
Dwi wedi gweld yr opsiwn 'Trackback' ar sawl blog a meddwl byddai'n nesi cael un ar un o fy mlogiau innau hefyd. Does dim llawer yn gadael sylw ar fy mlogiau , ond o fy mhrofiad fy hun, dwi'n cyfeirio at sawl blog heb adael sylw arno.
Dyma fi'n mynd i wefan Haloscan a bod yn fyrbwyll fel ydw i, ac yn cofrestru am ddim ar gyfer eu gwasanaeth trackback. Os ydych yn mynd am y trackback, rhaid i chi hefyd gael eu teclyn 'comments' sydd ddim yn broblem gen i.
Gan mod i'n defnyddio Blogger, mae dewis Auto Install, sy'n hynod o gyflym. Wnes i ddim arbed copi o fy templete o flaen llaw ond chwarae teg mae Haloscan yn gwneud hyn drostoch chi os chi eisiau.
Ta beth, rwan dwi wedi colli'r hen sylwadau i gyd oedd wedi eu postio cyn i mi newid - sydd ddim yn broblem anferthol,
Er ei fod am ddim i gael y teclyn, rhaid talu os ydych eisiau e-bost wedi ei anfon atoch bob tro mae rhywun yn gadael neges ($12 y flwyddyn sydd ddim yn llawer dwi'n gwbod)
Ar ôl cyfeirio at y blog o flog arall dwi'n gynnal, wnaeth na ddim byd ddigwydd
Cyn i mi wneud y penderfyniad anferthol o dalu $12 y flwyddyn, ydi rhywun yn defnyddio meddalwedd gwahanol a beth yw eich profiad chi?