Ar ddydd Sadwrn ola'r steddfod, lansiodd Huw Stephens wefan Gymraeg newydd Amnest Rhyngwladol.
http://www.amnesty.org.uk/cymru
Yng nghwmni Cathy Owens, cyfarwyddwr newydd y mudiad yng Nghymru, cafodd y rhan newydd o'r safle ei dadorchuddio.
Mae'r tudalennau sy'n lleol i swyddfa Cymru nawr ar gael yn gwbl ddwy-ieithog, ac yn cynnwys yr holl wybodaeth am sut mae Amnest yn gweithredu yng Nghymru - a sut gallwch chi ddod yn rhan o'r ymgyrchu.
Yn hwyrach eleni mi fydd Amnest yn cefnogi Mardi Gras Caerdydd ar Fedi'r 2il, a hefyd yn hybu Wythnos Diogelu Dynolryw o Hydref 14eg ymlaen.
Diolch i bawb wnaeth ddod i'r stondin ar y Maes, am gael eich llun 'di tynnu, ac am brynnu'r nwyddau i gyd. Roedd hy'n wythnos wych!