cais dotCYM - deiseb ar-lein

[gronw]

Rhaid i rywle gael ryw fath o autonimy. Gan fod Cymru (a'r Alban) yn rhan o'r DU, .uk sy'n cael ei roi iddi.

dwi'n meddwl, os dwi'n cofio'n iawn ac os nad yw pethe wedi newid, mai gwledydd rhydd sy'n gallu cael rhai sy'n diweddu â dwy lythyren, ond bod catalonia wedi cael .cat (tair llythyren, ofiysli) am fod yn "gymuned ddiwylliannol" neu rwbeth tebyg. dyna beth yw'r ymgyrch yma, ymdrech i gael statws tebyg i catalonia ar y we, ie? wedodd rhywun bod angen pwysleisio'r diwylliannol yn hytrach na statws cymru fel gwlad, sôn am iaith a diwylliant ac osgoi trafod ffiniau diwylliannol. ddim yn siwr os yw hyn wir yn bwysig, ond siwr bydd cymry lerpwl wrth eu boddau

edrych mlaen yn fawr at .cym! wedi cael hen lond bol ar .uk

[Mwlsyn]

dwi'n meddwl, os dwi'n cofio'n iawn ac os nad yw pethe wedi newid, mai gwledydd rhydd sy'n gallu cael rhai sy'n diweddu â dwy lythyren...

...a threfedigaethau sydd â chôd ISO 3166-1. Er mwyn cael côd o'r fath,

...a country or territory must be any of the following:

* a United Nations member state,
* a member of any of the UN specialized agencies or
* a party to the Statute of the International Court of Justice.

Dyw Cymru ddim yn un o'r rhain, felly dim côd, felly dim parth 2 lythyren.

[xGeshaPwy?!x]

Dwi di arwyddo, ac mai'n mynd yn dda... 1444 o enwau'n barod!

[Hedd Gwynfor]

Gwych iawn. Llongyfarchiadau gyda'r ymgyrch.

Dros 4,000 wedi arwyddo'r ddeiseb arlein yn barod!

[Hedd Gwynfor]

A mae baneri ar gael i'w rhoi ar eich gwefan, neu yn eich llofnod maes-e nawr, gweler enghraifft isod

http://dotcym.org/index.php?option=com_ ... 26&lang=cy

[aberdarren]

Mae angen i ni ddangos i San Steffan ac aelodau'r Cynulliad fod dotCYM yn bwysig nid jyst fel cydnabyddaieth o'n hunaniaeth ond hefyd fel cyfrwng ar gyfer cynyddu defnydd o'r Gymraeg ar y we a chyfrannu at ei lewyrch hir-dymor.

Realpolitik fasnachol yw hwn. Bolycs y Bourgeoisie.

[Hedd Gwynfor]

Newyddion da o wefan dotCYM


Maredudd ap Gwyndaf, Amadeu Abril i Abril, Siôn Jobbins a Tom Brooks tu allan i swyddfeydd y DTI yn Llundain.

dotCYM yn cwrdd â’r DTI

Cafodd aelodau cais dotCYM gyfarfod diddorol a buddiol iawn gydag Adran Masnach a Diwydiant (DTI) llywodraeth San Steffan ar ddydd Llun 6 Tachwedd 2006. Yn ystod y cyfarfod tair awr trafodwyd cryfderau cais dotCYM dros barth i’r gymuned Gymraeg a Chymreig a nododd y DTI y camau ariannol a strwythurol byddai angen i’r cais ei chyflawni os oedd hi am lwyddo.

Gan mai’r DTI sy’n gyfrifol am y rhyngrwyd ym Mhrydain mae angen i’r cais beidio derbyn gwrthwynebiad yr Adran os yw i lwyddo. Newyddion pwysicaf y cyfarfod felly yw na fyddai’r DTI yn gwrthwynebu cais dotCYM petai’r seiliau ariannol i’r cais yn gadarn a bod cefnogaeth gan y gymuned Gymreig.

Cryfhawyd cyflwyniad cais dotCYM yn fawr gan bresenoldeb deallus a gwybodus Amadeu Abril i Abril, sylfaenydd cais hynod lwyddiannus puntCAT. Hedfanodd Amadeu o Barselona i Lundain yn unswydd i gefnogi achos dotCYM gyda’r DTI. Roedd ei bresenoldeb yn gadarnhad fod rhagolygon dotCYM yn gall a bod cynsail llwyddiannus i’r cais.

‘Roedd deall na fyddai’r DTI yn gwrthwynebu dotCYM yn gam bwysig iawn yn y cyfeiriad iawn. Mae’n golygu nad oes rheswm gan y gymuned ryngwladol i wrthwynebu’n cais,’ meddai Tom Brooks ar ran cais dotCYM.

[7ennyn]

Dwi'n rhagweld y bydd yr ymgyrch yma yn llwyddiannus. Felly, dau gwestiwn:

Faint fyddan nhw'n gostio?

Gai ddau os gwelwch yn dda?


(Unrhyw esgus i *BWP*io'r edefyn yma)

[Hedd Gwynfor]

Pwyllgor Tŷ'r Cynulliad yn cefnogi dotCYM

Mae Pwyllgor Tŷ'r Cynulliad Cenedlaethol wedi cefnogi’r alwad am sefydlu parth i’r Gymuned Gymraeg a Chymreig.

mwy...

[Sion Jobbins]

Bwrdd yr Iaith Gymraeg yn cefnogi'r cais nawr hefyd (gw. http://www.dotcym.org) ac wedi rhoi grant ariannol ar gfyer paratoi'r cais.

- gan ychwanegu at Bwyllgor Ty'r Cynulliad, y DTI sydd ddim am wrthwynebu a chyrff fel meddal.com, UCAC etc.