Defnydd o luniau Flickr gan Golwg

[nicdafis]

Dw i heddi wedi newid y drwydded Creative Commons sydd ar fy lluniau Flickr gan fod Golwg, unwaith eto, wedi defnyddio un ohonyn nhw heb drafferthu gofyn am ganiatâd. Mae'n debyg eu bod nhw'n gwybod yn iawn na fyddwn i wedi bod yn fodlon iddynt ddefynddio'r llun gan (1) ei fod e'n wael iawn fel llun a (2) fod y person yn y "portread" dan sylw wedi dweud nad oedd hi'n fodlon iddyn nhw gyhoeddi'r erthygl, a hithau yn bartner i fi.

Arna i mae'r bai am beidio bod yn fwy gofalus gyda'r lefel o hawlfraint dw i'n ei hawlio ar fy lluniau Flickr, ond dw i'n synnu bod Golwg wedi neud hyn.

--

[Gol.] Wedi meddwl rhagor, dw i wedi cryfhau'r drwydded i "Cadwer pob hawlfraint".

[sian]

Ro'n i'n meddwl tybed pam eu bod nhw wedi defnyddio llun mor sâl.
Ro'n i'n falch iawn gweld Philippa yn cael sylw ond mae'n siwr eich bod chi'n siomedig iawn fod yr erthygl wedi'i chyhoeddi heb ganiatâd.

[Rhys Llwyd]

Mi ddefnyddiodd Golwg Lun oedd gen i o Alun Tan Lan unwaith hefyd. Does dim syniad da fi o ble getho nhw hwno oherwydd doedd e ddim ar Flikr.

[gronw]

ymddygiad amhroffesiynol a chywilyddus gan bapur newydd. mwya dwi'n ei ddysgu am Golwg (wrth ei ddarllen ac wrth glywed pethau fel hyn), lleia dwi'n ei licio

[Golwg y diawl]

Er fod Golwg wedi gwella rhywfaint yn ystod y misoedd dwutha ma, y gwir plaen ydi nad yw'r cylchgrawn yn Uwch Gynghrair Cylchgronau Ewropeaidd. Bydd rhai yn mynnu bod rhaid bod yn realistig a sylweddoli na all diwylliant bregus a lleiafrifol byth gynhyrchu cylchgrawn o'r radd flaenaf. Bydd eraill yn cwestiynu'r agwedd gwangalon yma
Spiegel, Stern, Spectator, Economist- dim yn berffaith siwr os ydi rhain yn chwarae yn y gynghrair gorau posib- ond gobeithio bod y wasg Gymraeg yn ymwybodol iawn o hufen yr hufen o'r wasg Ewropeaidd (dim yn 100% siwr be ydio chwaith). Syniad eitha clir o'r hyn i anelu ato- mae'n bwysig.Targed.
Y wasg Gymraeg- mae yna focsiwr cic talentog iawn yn mynd i ddod ar y sin flwyddyn nesa- mae'r bocsiwr, dyn haearn, reslwr yn edrych ymlaen yn arw iawn at gael eu herio!

[Owain]

Mi ddefnyddiodd Golwg Lun oedd gen i o Alun Tan Lan unwaith hefyd. Does dim syniad da fi o ble getho nhw hwno oherwydd doedd e ddim ar Flikr.

Dwi'n meddwl ma llun fi o'r un gig oedd o mewn gwirionedd Rhys(gig Naws cyntaf?) - nes i anfon o iddyn nhw unwaith ond ma nhw wedi ei ddefnyddio sawl gwaith wedyn heb unrhyw gydnabyddiaeth

[cymro1170]

Sut mae gwneud hyn Nic?
Mae'r gywilyddus fod y fath beth yn digwydd - mater bach ydi gofyn caniatad

[Madrwyddygryf]

Heblaw am lluniau, mae nhw'n dwyn syniadau bobl eraill hefyd.

Roeddwn ni wedi ysgrifennu cyfweliad gyda Ariannwr sy'n byw yn Nghymru bellach ac sut mae'n cymharu a'i fywyd yn yr Ariannin ar gyfer Big Issue un wythnos. Wythnos wedyn roedd nhw wedi cael gafael arno ac wedi gwneud yr un peth.

[nicdafis]

Sut mae gwneud hyn Nic?
Mae'r gywilyddus fod y fath beth yn digwydd - mater bach ydi gofyn caniatad

I fod yn deg wrth Golwg, tan heddi ro'n i'n cyhoeddu fy lluniau ar Flickr o dan drwydded lled agored, sy'n gofyn am gydnabyddiaeth yn unig - a dyna beth ges i. Y broblem oedd bod y llun yn un gwael, gyda'u newidiadau nhw yn neud e'n waeth byth, a bod y llun wedi'i ddefynddio ar erthygl doedd Philippa ddim wedi cyfrannu ati, ac wedi neud yn glir doedd hi ddim eisiau. Doedd hi ddim wedi gwrthod gan ei bod hi'n rhyw fath o gymeriad Howard Hughes-aidd, ond gan bod hi ddim yn teimlo ei bod hi wedi ennill ei phlwyf yn y byd barddol hyd yn hyn, a felly ddim yn gyfforddus gyda'r holl sylw yma. Mi oedd hi'n falch iawn, iawn, i ennill cystadleuaeth englyn y mis Barddas, ond mae Golwg yn trin hyn fel ei bod hi wedi ennill yn y Genedlaethol - a fydden nhw wedi wneud cymaint o ffws 'sai hi ddim yn digwydd bod yn Saesnes sy wedi (20 mlynedd yn ôl, bellach) dysgu'r iaith?

Digwyddodd rhywbeth tebyg i fi, amser hyn y llynedd. Oedd Golwg wedi penderfynnu rhedeg erthygl amdana i, ond erbyn i mi glywed am y peth o'n i yng nghanol symud t? - yn llythrennol, ces i'r galwad ffôn tra o'n i'n llwytho bocsys yn y lori symud. Gofynnais i iddyn nhw beidio rhedeg yr erthygl nes bod amser 'da fi ateb eu cwestiynau yn iawn (diwrnod ar ôl i mi symud, es i bant am benwythnos, ar daith Van der Graff) ond yn lle aros wythnos, wnaethon nhw redeg y "portread" gan ddweud mod i'n person reclusive sy ddim yn fodlon ateb cwestiynau'r wasg. A defynddion nhw llun ffeindiwyd ar Flickr, heb fy nghaniatâd.

[Y Fampir Hip Hop]

Cywilyddus. Siarad yn bersonol, odd cylchgrawn Barn di hala e-bost i fi amser Gwpan y Byd pel droed eleni, gofyn os gallon nhw defnyddio un o fy llunie fe bosties i ar Flickr. Llun o Groes San Sior yn hongian yn Co-op Gaerdydd nes ag at i arwydd dwyieithog oedd e, a fi'n cretu o nhw moyn e am erthygl am cefnogaeth o tim pel-droed Lloegr yng Nghymru.
Yn y diwedd, na iwso'n nhw'r llun, ond o leia oedd dicon o barch ganddyn nhw i ofyn.
Dylai Golwg dysgu wers o nhw.