Dwi'n cymeryd dy fod wedi cofrestru'r blog gyda Wordpress fel un cymraeg yn am ei fod yn ymddangos yma http:cy/wordpress.org ond mae popeth yn ymddangos yn Saesneg beth bynnag. Dwi wedi gwneud run fath a does ddim ffordd amlwg o'i newid pethau hyd y gwela i.
Efallai na fydd popeth yn ymddangos yn Gymraeg nes i'r cyfeithu gael ei gwbwlhau (gelli'r cynorthwyo yma gyda llaw).
Tra mae'n debyg mai WordPress yw'r sustem blogio gorau hyd yma, os wyt eisiau sustem flogio sy'n 100% (wel 98.99% efallai) Cymraeg, yna plis defnyddia Nireblog - fi sydd wedi cyfieithu'r rhan fwyaf ohono a gallaf helpu gyda unrhyw gwestiynau sydd gyda ti.
Byddai blog am goginio'n wych gyda llaw, mae wir angen un a dwi'n siwr byddai'n boblogaidd. Mae'r sustem 'tagio' a chategoreiddio sydd ar gael ar WordPress a Nireblog yn ffordd wych o gategoreiddio a chatalogio cofnodion, Dwi'n tipyn o ffanatig pan mae'n dod i drefnu gwybodaeth sori, ond dwi'n meddwl byddai'n ddefnyddiol ystyried hyn, unwaith chi'n ychwanegu cynnwys at y blog
er engrhaifft
Categori: Llysieuol, Pwdin, Cawl, ayyb (yna bydd y mathau gwahanol o brydau yn ymddngos mewn un rhestr)
Tag: Mefus, Chilli, Panas, Caws (yna bydd pob rhysait sy'n cynnwys y cynhwysion arbenig yn ymddangos mewn rhestr - yn union fel cefn llyfr coginio!)
Os ydi hyn yn swnio'n gymleth, plis holwch fi ymhelach a tria i esbonio'n well - dim ond awgrymiad ydi o gyda llaw.