Wrth imi roi cychwyn ar flogio, tua mis Ebrill, fy mwriad oedd cynnal blog dwyieithog. Cefais fy mherswadio mae dau flog cyfochrog y naill yn y Gymraeg a'r llall yn y Saesneg oedd y trywydd callaf i'w dilyn. Felly mae gennyf dau flog cyfochrog <a href="http://henrechflin.blogspot.com/">Hen Rech Flin</a> a <a href="http://miserableoldfart.blogspot.com/index.html">Miserable Old Fart</a>.
Rhaid cyfaddef bod mwy o byst Saesneg na rhai Cymraeg gennyf am amryfal resymau.
Dyma un ohonynt:
O ddanfon neges i <a href="http://miserableoldfart.blogspot.com/index.html">MOF</a>, bydd tua dau gant yn ei ddarllen. O ddanfon neges debyg i <a href="http://henrechflin.blogspot.com/">HRF</a> bydd tua ugain yn ei ddarllen. Ar ddyddiau di neges bydd hyd at gant yn darllen <a href="http://miserableoldfart.blogspot.com/index.html">MOF</a>, ar ddyddiau di neges bydd tua <strong>neb</strong> yn darllen <a href="http://henrechflin.blogspot.com/">HRF</a>.
Mae blog Saesneg <a href="http://this-is-sparta.blogspot.com/">Sanddef</a> yn aelod o gymdeithas blogio o'r enw <a href="http://defendingtheblog.blogspot.com/">Blogpower</a>, lle mae blogwyr gwleidyddol Prydeinllyd yn cefnogi cyd aelodau o'u grŵp trwy addo gwneud pethau megis:
* Darllen blogiau eu cyd aelodau pob dydd
* Postio sylw er cynnal trafodaeth
*Cyd lincio i flogiau'r aelodau eraill.
*Traws ymateb mewn pyst
Rwy'n blogio yn y Saesneg er mwyn cael dweud fy nweud, rwy'n blogio yn y Gymraeg er mwyn bod yn <i>wleidyddol cywir fy nghefnogaeth i'r iaith</i>!
A oes modd cynnal cymdeithas debyg i <a href="http://defendingtheblog.blogspot.com/">Blogpower</a> i'r sawl sy'n blogio yn y Gymraeg, er mwyn sicrhau bod ein perlau yn cael eu darllen gan gyd flogwyr, o leiaf, os nad gan neb arall?