Rhith Fro neu Sîn We Gymraeg?

[Sion Jobbins]

Dwi'n ffan o'r Rhith-fro fel cysyniad - i ddweud y gwir, mae'n hynod o bwysig a chynhyrfus. Bron y gallech ddweud mae'r we Gymraeg yw'r roc a rol newydd (neu onid y roc â rôl dylie hwnnw fod?). Sy'n dod â fi at fy mhwynt. Gyda'r holl flogio, sefydlu gwefannau etc ac i gyd nawr yn uniaith Gymraeg nid dwyieithog (that's bilingual) mae'n fwy o Sîn na dim.

Felly, mae ganddom ni'r Sîn Roc Gymraeg, onid Sîn We Gymraeg sydd ganddom ni hefyd?

Neu, a yw'r cysyniad o Sîn We Gymraeg yn wahanol i'r Rhith-fro?

- atebwch mewn traethawd ymchwil i'r amryfal gyrsiau Cyfathrebu sydd yn ein colegau!

[Aran]

Dw i 'di bod yn defnyddio RhithFro ar gyfer popeth am gyfnod rwan, ond erbyn hyn mae'n amlwg bod Nic yn defnyddio'r term i gyfeirio at flogiau Cymraeg, sydd yn ddigon teg.

Dw i wedi dechrau cyfeirio at y We Gymraeg i son am wefannau uniaith Cymraeg sydd ddim yn flogiau, ond mae'r Sîn We Gymraeg yn well o lawer, felly dyna beth byddaf yn ei defnyddio o hyn ymlaen...

Da bod yna ddigon o bethe Cymraeg arlein i ni angen dau air bach yn wahanol i'w disgrifio...

[dafydd]

Dwi'n ffan o'r Rhith-fro fel cysyniad - i ddweud y gwir, mae'n hynod o bwysig a chynhyrfus. Bron y gallech ddweud mae'r we Gymraeg yw'r roc a rol newydd (neu onid y roc â rôl dylie hwnnw fod?). Sy'n dod â fi at fy mhwynt. Gyda'r holl flogio, sefydlu gwefannau etc ac i gyd nawr yn uniaith Gymraeg nid dwyieithog (that's bilingual) mae'n fwy o Sîn na dim

Pam fod rhaid defnyddio cymreigiaid gwael o air saesneg? Dwi ddim yn or-hoffi o'r defnydd o 'sîn roc' ond o leia mae ystyr adnabyddus iddo. Beth ddiawl yw 'sin we'?

Oes wir rhaid i gymry cymraeg rhoi label hunan-bwysig ar bopeth? Mae yna we fyd-eang a mae yna ddarn ohono gellid galw'n 'we gymraeg'. Mae rhithfro yn fathiad digon derbynniol (ac un sy'n addas ar gyfer y cyfrwng) - sdim angen cynnig gwael arall.

[Aran]

Oes wir rhaid i gymry cymraeg rhoi label hunan-bwysig ar bopeth?

Be ddiawl ydy hynny'n ei olygu?

Am ymateb ffroenuchel.

[Hedd Gwynfor]

Dwi'n eithaf cytuno Dafydd. Fi ddim yn hoff o'r gair Sîn chwaeth. Fydden i'n defnyddio rhain yn lle

We fyd-eang - World Wide Web
Rhithfro - Cymuned arlein Gymraeg megis maes-e a blogiau?- Internet/Web Community!
Y We Gymraeg - Gwefannau Cymraeg eu hiaith?

[nicdafis]

Ffwc o ots gen i beth dyn ni'n galw fe, os ydyn ni'n gallu byw 'na mewn heddwch.

[nicdafis]

Sori, o'n i'n fach o feddw neithiwr, ond dw i yn credu nad yw e'n bwysig iawn o gwbl pa dermau dyn ni'n defnyddio i sôn am y we Gymraeg - falle bod hi'n fwy pwysig os wyt ti'n sgwennu erthyglau amdano yn y wasg . Yn yr achos hwnna, fyddwn ni'n awgrymu bod termau fel "rhithfro" yn debyg i ddrysu pobl mwy ag egluro beth yw e ti'n sôn amdano, neu ddechrau dadlau di-glem fel "a ydy'r 'rhithfro' bondigrybwyll yn tynnu Ein Pobl Ifainc i ffwrdd o'u Bröydd Go Iawn".

Bathais i'r term (ond mae "bathu" yn awgrymu llawer mwy o feddwl na wastraffais i ar hyn) achos i mi addasu pwt o <a href="http://morfablog.com/rhithfro">gôd Java</a> i restru blogiau Cymraeg ac oedd angen newid enw y sgript o "linguablogs" i rywbeth arall. Dyna i gyd. Do'n i ddim yn bwriadu wneud unrhyw datganiad terfynol. Os ydy'r gair yn ddefnyddiol, defnyddia fe; os dy e ddim, defnyddia rhywbeth arall. Os ydy'r gair yn hyll ar dy glustiau, batha gair harddach a defnyddio hwnna. .

[Hedd Gwynfor]

Cod: Dewis popeth

Os ydy'r gair yn hyll ar dy glustiau, batha gair harddach a defnyddio hwnna. .

Dwi ddim yn siwr o hyn Nic. Fyse'n lot well gen i os byddai termiadur Technoleg gwybodaeth safonol ar gael, a bod pawb yn defnyddio'r un peth. 1, i atal dryswch a 2, er mwyn sicrhau statws safonol i'r gymraeg!

Efallai fod rhithfro yn swnio'n hurt i rai (Fi'n credu ei fod yn gret) ond os mae dyma'r term i chi wedi dysgu ers yn fach bydd yn swnio'n hollol naturiol.

Y broblem ydy os na fydd yna restr safonol, y byddai Cymry Cymraeg yn troi at y Saesneg! Dwi'n falch iawn felly bod Bwrdd yr iaith yn bwriadu rhyddhau termiadur TG cyn diwed Mis Awst!

Awst 31

[dafydd]

Oes wir rhaid i gymry cymraeg rhoi label hunan-bwysig ar bopeth?

Be ddiawl ydy hynny'n ei olygu?

Y tueddiad sydd gan rhai (gwleidyddion yn arbennig) am 'ddarganfod' rhyw ffenomenon yn hwyr a wedyn rhoi label arno er mwyn codi ei proffil a rhoi'r syniad ei bod ar flaen y gâd

Mae'r cymry yn waeth am hyn na rhai am ein bod ni'n 'darganfod' pethau 5 mlynedd ar ôl pawb arall ac yn dal i feddwl fod ni'n arloeswyr.

[dafydd]

Bathais i'r term (ond mae "bathu" yn awgrymu llawer mwy o feddwl na wastraffais i ar hyn) ...

Mae'n fathiad perffaith ta beth - am rhyw reswm mae dysgwyr yn dueddol o fod llawer mwy creadigol gyda'r iaith na'r rhan fwyaf o siaradwyr iaith gyntaf. Mi gafodd lawer o'r terminoleg cynnar (a hefyd y 'reportage') o'r rhyngrwyd yn gymraeg gael ei wneud gan ddysgwyr. Dwi'n digon hen i gofio 'Cymdeithas Cymraeg Rhithwir' .. rhyw fath o faes-e primitif yn 1995 - ie ar yr adeg honno.. roedd un gweinydd yn manceinion yn cael ei ystyried fel 'y e gymraeg'. Oce digon o hel atgofion..